2 KORINTUS 9:8 - KITAB NU TUMPU ALLA LELE MA'IMAI'

⁸ Tumpu ko kuasa mombee'i komiu balakat anu molabi-labi, da komiu saja' daagi' ko anu opake; ka' mule' komiu saja' molabi-labi na mombau anu ma'ima' ka' manonong, na montulung mian.

2 KORINTUS 9:8 ပူးပေါင်းရင်းမြစ်များ

2 TAWARIKH 25:9

“Panyo mosia na salaka iwi-iwi' anu binee'kumo hi aha?” na koonyo i Amazia. Tinaaman nu nabi aijo', “Tumpu timbali monsule'akon hi belento tomundo lebe manjoo' molingkudui aijo'!”

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

AMSAL 10:22

Ola ahi' kalana balakat nu Tumpu na mian timbali kaya, panyo mokalaja makeke madi' moko ala montuangi halata.'

AMSAL 11:24

Daagi ko mian anu saja' mongka'oho' mombee'i panyo ola ahi' mompaka kaya, panyo daagi ko mian anu madi' bebea na mompake apa-apaa padahan ola ahi' mompaka kasiasi hondo.

AMSAL 28:27

Ihe na mombe'i mian anu kasiasi, ia madi' kakulangan. Ihe na ola mompojohok kapalaluan nu mian anu kasiasi, nukona nu kutuk.

AMSAL 3:9

O adati na Tumpu nu anu osombahkon hi Ia, anu talalo hondo ma'ima' na halata' ka' isi nu ale' nu beleyum,

HAGAI 2:8

Iwi-iwi' na mosoni' tiba salaka i dunia aiya Aku na tumpunyo.

MALEAKHI 3:10

Boa mae na anu sampulu' na bagian sambagian na o'ala ka' obee' mae iwi-iwi' i Laigan-Ku, da saja' ahi' manjoo' na anu okaan ikiijo'. Soba uji' mae na Aku da otoaje nu belemiu na Aku nombuka'mo sabatan nu suluga' ka' mule' mombee'imo iwi-iwi na anu ma'ima' manjoo' hondo hi belemiu.

SISIKON NU TO RASUL-RASUL 9:36

Kiijo' i Yope daagi' ko samian na boune sanggonyo i Tabita. Ia samian anu palesaya hi Yesus. (Sanggonyo i uno nu basa' nu Yunani, i Dorkas alati'nyo jonga.) Ia ola ahi' saja' mombau hahan anu ma'ima' ka' montulungi to mia-mian kasiasi.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

2 KORINTUS 13:3

Sahingga ohumpakje miu iwi-iwi' na bukuti' anu o kahanda'i miu taalu' totu-totu'u potataengku nolengkat mae hi Kristus. De i Kristus mompalentahmo komiu, ia madi' mompalentah ola yayamo, panyo ahi' nu potoaje na kuasanyo i tina' hi komiu.

2 KORINTUS 8:19

Ka' mule' mian anu sinanggo aijo' pinile'anmo suele ka' tinantukanmo nu to jama-jama'at da monsangalui kami i lumambanan mami. Kalana kami batanga'mo mamba momboa pontulungi aijo', da Tumpu opopodaka' ka' da komiu montoa saba' kami halala' hondo na montulungi.

2 KORINTUS 8:2

Aha inguji'mo nu kasusa'an anu toto boa-boat. Panyo mau mule' aha nongoa'imo kasusa'an-kasusa'an sumo aijo', aha bilahi ka' manonong hondo na kinyonyoa mombee'i bau pontulungi mian sangga'at, mau mule' aha kasiasi hondo.

2 KORINTUS 8:7

Komiu moko ala mombau iwi-iwi' na han: Komiu moko ala momponyata' kapalesaya'an, i uno nu han montaloakon pongka'oho', i uno nu han kapandean, i uno nu iwi-iwi' na ngahan nu usaha, ka' i uno nu kalibosanum hi kami. Mokonyo aijo' singkona ahi' komiu moko ala i uno nu usaha anu ma'ima' sumo aiya.

2 KORINTUS 9:11

Desumo aijo'nyo komiu saja' sukup i uno nu iwi-iwi' na han, sahingga komiu saja' moko ala mobagi kalana manonong na kinyonyoa. Ka' anu lewa' binee' miu, anu binagi-bagiakonmo mami, nompotuka'mo mian da'isan nontalima kaseh hi Tumpu.

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

EFESUS 3:20

Kalana kuasa nu Tumpu anu saja' mokalaja i uno nu butongto, Tumpu timbali mombau anu lebe manjoo' molingkudui apaa na anu opoitanto kabai anu opopikinakonto.

FILIPI 4:11

Kusisik na aiya misa' kalana aku ko kinakulanganmo, kalana aku binala gulu'mo da o'oa'i sukupmo apaa na anu daagi'.

KOLOSE 1:10

Tiba jalan anu sumo aijo' komiu timbali tumuu' montuluti kahanda' nu Tumpu, ka' saja' momposanang kinyonyoa-Nyo, sahingga i uno nu iwi-iwi na apaa komiu moko ala mohasinakon hahan anu ma'ima'. Ka' mosia na komiu monsumbu' Tumpu mompaka pintuang suele.

2 TIMOTIUS 2:21

Mian anu mompokopiani butongnyo i han iwi-iwi' anu ma'idek, mian aijo' opakeje da bau kapalaluan anu talalo penting. Ia samata-mata timbalimo anu nu tuannyo, ka' mingguna hi tuannyo. Ia pinosadiamo da opake iyayamae na pakalaja'an anu ma'ima'.

2 TIMOTIUS 3:17

Tiba Kitab nu Tumpu aijo' mian anu mombau palentah nu Tumpu aijo' mohumpakmo ilimu' anu sukup anu ogunakon ingangahan nu pakalaja'an anu ma'ima'.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

TITUS 3:14

To mia-mian anu bubu' kita tionyo ahi' balajan mombau hahan anu ma'ima' da timbali mompodaagi' kapalaluan anu talalo opalalui; boli sampe aha tumuu' madi' mingguna.

TITUS 3:8

Potatae aiya totu'u ka' kona. Ku kahanda'i da beleyum sabole-bole mompoteteng han haha aiya, da to mia-mian anu palesayamo hi Tumpu totu-totu'u bala usaha da mombau pakalaja'an-pakalaja'an anu ma'ima' ka' mingguna hi mian iwi-iwi'.

1 PETRUS 4:10

Belemiu toto samian nohumpakmo taju anu madi' pokakana lengkat mae hi Tumpu. Kalana aijo' salaku mian anu nonggunakonmo ima-ima' apaa na anu binee'mo nu Tumpu, ogunakon ahi' na kahosonan aijo' bau kapalaluan hingga-hinggat.