2 KORINTUS 9:4 - KITAB NU TUMPU ALLA LELE MA'IMAI'

⁴ Aku bata-bata ihe na monsumbu' daagi' ko to mia-mian nu Makedonia anu mombatuki aku hingga-hinggat saidi' mae de aku mambamo hi komiu. Ka' de nutokai nu aha na komiu ma'isaje nontoukai, paya' na ko'ambangnyo na kami saidi' mae, kalana nontaloakonmo, kami palesaya hondo hi komiu! Ka' posi komiu singkona ma'ambangmo ahi'.

2 KORINTUS 9:4 ပူးပေါင်းရင်းမြစ်များ

ROMA 15:26

Kalana to jama'-jama'at i Makedonia ka' i Akhaya nonsetujuimo mombee'i pontulungi to Utu-utus anu kasiasi, hi mian anu palesayamo hi Tumpu kiijo' mae i Yerusalem.

1 KORINTUS 16:2

Sinaa momona anu i sa'angu' na duminggu aijo', kita Utus iwi-iwi' toto samian montoukaimo ahi' doi anu oposi po'iwi'mo sitimbang tiba polioannyo. Po'una na doi aijo' sampe aku toka, da toka i tempo'nyo madi'mo palalu molimu' doi na komiu.

2 KORINTUS 11:17

Lapas aiya kusanggoje na anu ku buulakon, panyo misa' Tumpu na nompokau aku montaloakon aijo'. I uno nu han aiya aku totu-totu'u notatae sumo mian ponga'.

2 KORINTUS 8:24

O indi mami na komiu da mompotoa kalibosan miu hi aha da iwi-iwi' na jama'at monsumbu' taalu' komiu mongkalibosi aha, ka' da apaa na anu obuulakon mami mongkona komiu aijo' memang totu'u.

2 KORINTUS 9:2

Kusumbu' komiu mongka'oho' montulungi, ka' aku nombuulakonmo komiu hi to mia-mian i Makedonia. Tinaloakonkumo hi aha tukoongku lengkat pe'e i taun anu i hikuhakonmo, to Utu-utus i Akhaya nontoukaimo bau pontulungi. Ka' kasanangan nu kinyonyoa miu pinontihoanmo nu sambagian mian da'isan kiijo' hi aha.

FILEMON 1:19

Jadi, akumo na montulis i aiya: Aku, i Paulus mombayalije bau polunasi iwi-iwi'. (Tantu madi'mo palalu ku po'ingat, na kita Utus ko samaya' hi belengku, aijo'mo kantumuu'anum anu bu'ou salaku mian Kristen.)