2 KORINTUS 9:2 - KITAB NU TUMPU ALLA LELE MA'IMAI'

² Kusumbu' komiu mongka'oho' montulungi, ka' aku nombuulakonmo komiu hi to mia-mian i Makedonia. Tinaloakonkumo hi aha tukoongku lengkat pe'e i taun anu i hikuhakonmo, to Utu-utus i Akhaya nontoukaimo bau pontulungi. Ka' kasanangan nu kinyonyoa miu pinontihoanmo nu sambagian mian da'isan kiijo' hi aha.

2 KORINTUS 9:2 ပူးပေါင်းရင်းမြစ်များ

SISIKON NU TO RASUL-RASUL 18:12

Salatan i Galio tinimbalimo gubernur nu Akhaya, to mia-mian Yahudi nosa'angu'mo mongewa i Paulus ka' nomboamo ia mokiijo' hi anu momputusi.

SISIKON NU TO RASUL-RASUL 24:17

Salatan tino pia-piangkukamo ahi' na taun madi' jinojoong i Yerusalem, aku ninsusule'mo nokiijo' da momboa doi pontulungi hi bansangku, ka' monsombakon koloban hi Tumpu.

ROMA 15:26

Kalana to jama'-jama'at i Makedonia ka' i Akhaya nonsetujuimo mombee'i pontulungi to Utu-utus anu kasiasi, hi mian anu palesayamo hi Tumpu kiijo' mae i Yerusalem.

1 KORINTUS 16:15

Kita Utus tantu monsumbu' i Stefanus ka' aha sa'anakan; aha na momonanyo tinimbali Kristen i Akhaya. Buke-buke' na kinyonyoa nu aha nokalaja samata-mata mongatun mian anu palesayamo hi Tumpu Allah.

2 KORINTUS 1:1

To Utu-utus jama'at nu Tumpu i Korintus tiba iwi-iwi' mian anu palesayamo hi Tumpu songko-songko i Akhaya. Aku, i Paulus, rasul i Kristus Yesus, anu i hangkatmo kalana pongka'oho' nu Tumpu hingga-hinggat tiba Utusto i Timotius,

2 KORINTUS 7:14

Aku memang nombuulakonmo komiu hi ia. Talima kaseh komiu madi' nongambangi aku. Iwi-iwi' na anu toho'mo tinaloakon mami hi komiu totu'u. Sumo aijo' mule' apaa na anu binuulakonmo mami mongkona komiu hi Titus memang ahi' totu'u.

2 KORINTUS 7:4

Kupalesaya totu-totu'u na komiu. Ka' mule' kami sanang hondo hi komiu! Mau mule' kami mongoa'i manjoo' na kasusa'an, molumu hondo na kinyonyoangku kalana komiu. Kinyonyoangku bilahi hondo!

2 KORINTUS 8:10

De o'ala i pikilanku, sapantasnyomo na komiu mompodopusmo apaa na tinampu'unanmo miu i taun anu i hikuhakonmo. Kalana komiumo na anu momonanyo nompopikilakon ka' nontampu'uni usaha aiya.

2 KORINTUS 8:11

Jadi uuka tionyo komiu po'ule'mo ahi' mombau apaa na anu opoko ala miu. Okinyonyoai ahi' totu-totu'u na mompodopus usaha aijo', susumo komiu u'utu pe'e mae nongkinyonyoaimo tanga'an aijo'.

2 KORINTUS 8:19

Ka' mule' mian anu sinanggo aijo' pinile'anmo suele ka' tinantukanmo nu to jama-jama'at da monsangalui kami i lumambanan mami. Kalana kami batanga'mo mamba momboa pontulungi aijo', da Tumpu opopodaka' ka' da komiu montoa saba' kami halala' hondo na montulungi.

2 KORINTUS 8:24

O indi mami na komiu da mompotoa kalibosan miu hi aha da iwi-iwi' na jama'at monsumbu' taalu' komiu mongkalibosi aha, ka' da apaa na anu obuulakon mami mongkona komiu aijo' memang totu'u.

2 KORINTUS 8:8

Aku madi' mompoto'i aijo' sumo sa'angu' na palentah. Panyo kalana mompotoa mosia na kokekenyo na mian sangga'at montulungi sangalunyo, aku suele mongka'oho' monsumbu' toka iya na kalibosan miu.

1 TESALONIKA 1:7

Tiba anu sumo aijo' komiu timbali sonto' hi iwi-iwi' mian Kristen i Makedonia ka' Akhaya.

IBRANI 10:24

Ka' kita tionyo ahi' mompaha toa-toa samian ka' samian da kita timbali mompaha kake-kakeha'i bau pongkalibosi sangalu ka' mombau hahan anu ma'ima'.