2 KORINTUS 9:14 - KITAB NU TUMPU ALLA LELE MA'IMAI'

¹⁴ Jadi aha mondo'akonje komiu kalana kinyonyoa nu aha mongoa'i molibos kalana Tumpu talalo manonong hi komiu.

2 KORINTUS 9:14 ပူးပေါင်းရင်းမြစ်များ

2 SAMUEL 13:29

Posaihon haha aijo' nombaumo apaa na anu pinalentahkonmo i Absalom, lantas pinateanmo nu aha na i Amnon. Nontoa han aijo' to ana-anak i Daud anu to momo'ane sinumake'mo i bagal nu aha to samian ka' nopalaimo.

AMSAL 11:26

Ihe na montambun balang nu totobi'akon nu mian; panyo ihe na molio palabuatan ma'idek nu tuda'i nu kasusa'an.

LUKAS 16:9

Lantas i Yesus po'ule' notatae, tukoo-Nyo, “Hongo! Pakemo na kakaya'an nu dunia aiya da mohumpak sangalu, da de kakaya'an nu dunia aiya madi'mo ko olinyo, komiu otalimaje i tampat kajojoongan anu sidu-sidutu'.

ROMA 1:11

Kalana aku mongka'oho' hondo singkabot tiba komiu, da aku timbali mombagi balakat hi komiu lengkat mae hi Roh nu Tumpu da mompohoson komiu.

2 KORINTUS 1:11

Opalesaya mami kalana do'a miu hi kami, sahingga Tumpu Allah po'ule' momposalamat kami da boli balaa'. Tumpu mombalakatimo kami salaku pontaami do'a anu nanjo'mo pinondo'akon mae kami, kalana aijo' manjoo' na mian montalima kase hi Tumpu Allah.

2 KORINTUS 8:1

To Utu-utus, O'indi mami da komiu monsumbu' suele mongkona mosia na ko'ima'nyo na Tumpu hi to jama-jama'at i Makedonia.

2 KORINTUS 9:13

Ka' kanonongan anu pinotoamo miu aijo' manjoo' na mian Kristen i Yudea nompuji'mo Tumpu kalana aha nontoamo komiu mohongo-hongo hondo Lele Ma'ima' mongkona i Kristus anu nu nu tuluti miu aijo'. Aha singkona nompuji'mo Tumpu kalana komiu talalo manonong, nombagi-bagiakonmo hi aha ka' hi iwi-iwi' na mian sangga'at apaa na anu daagi' hi belemiu.

2 KORINTUS 9:15

Tionyo ahi' kita montalima kase hi Tumpu kalana anu binee'-Nyomo aijo' madi' ko gampanyo!

FILIPI 1:8

Tumpu na monsumbu', saba' aku totu-totu'u molibos hondo hi komiu, kalana kalibosan anu tahahumo lengkat mae hi Kristus Yesus.

FILIPI 2:26

Ia molibos hondo hi komiu to Utu-utus iwi-iwi', ka' sinusa'mo na kinyonyoanyo kalana komiu nohongomo lele ia masakit.

FILIPI 4:1

Mokonyo aijo', to Utu-utusku anu kuku kanonongi, sumo aitumo na komiu tionyo ahi' totu-totu'u palesaya hi Tumpu. Kinyonyoangku saja' montutugi hi komiu! Komiumo na anu kuku kabilahiakon ka' anu nompolame'mo aku.

1 TIMOTIUS 1:14

Ka' aku pinaka bee'an mule' balakat nu Tumpunto. Ia nombee'imo aku da moko ala palesaya hi Ia ka' mongkalibosi sangko manusia. Da moko ala sumo aijo' binee'mo hi kita iwi-iwi' anu nosa'angu'mo tiba i Kristus Yesus.