2 KORINTUS 9:10 - KITAB NU TUMPU ALLA LELE MA'IMAI'

¹⁰ Tumpu na montoukai binee' hi mian topo sau binee' ka' anu okaanto. Ia mule' na montoukai ka' momponjoo' apaa na anu osau miu, da hasin nu kanonongan nu kinyonyoa miu mompaka pintuang mule'.

2 KORINTUS 9:10 ပူးပေါင်းရင်းမြစ်များ

KAJADIAN 47:19

Boli opojohok na kami silakamo! Boli opojohok na tano' mami timbalimo mateges. Olimo na kami ka' tano' mami nu gandum salaku bau pombayan. Kami ka' tano' mami i tomundo'mo na tumpunyo. Bee'i mae na kami gandum da pompolaus pe'e kantumuu'an mami ka' suele bine' da o tugan i ale' mami!”

AMSAL 11:18

Ka'untungan nu mian anu ma'idek na kinyonyoanyo madi' totu'u; panyo ka'untungan nu mian anu mombau anu ma'ima' aijo'mo na ka'untungan anu memang sahondo-hondonyo ahi'.

ANU MOMPOLELE POTATAE NU TUMPU 11:6

Daagi subu-subu saumo na bine' nu beleyum; ka' boli mingkain mau mule' malomo, kalana madi' osumbu'to iya na anu sinaunto aijo' na anu tinumuu' ma'ima'. Ugaat ahi' ohu-ohua' tinumuu' ma'i-ma'ima'.

YESAYA 55:10

Susumo ujan tudun lengkat mae i langit, ka' madi'mo nobalik, panyo mohumpisimo tano', nompa'omuk tano' ka' mompotumuu'mo sosu'anon, mohasinakonmo bua'nyo anu osu'an ka' anu o kaan,

HOSEA 10:12

Aku motatae, ‘O Israel! Pombau ale' na beleyum anu salaje obuka nu belemiu, sauimo bine' nu ka adilan ka'o padak na balakat, bukutinyo beleyum mongka'ima'i mae Aku totu-totu'u. Kalana tempo'nyomo na beleyum molio mae Aku, Tumpu nu beleyum. Aku tokamo mae ka momponjoo'mo balakat-Ku hi belemiu.’

MATIUS 6:1

“O inau', boli komiu mompojalan palentah nu agama i ahop nu mian da'isan da nu toa nu mian. De komiu mombau sumo aijo', komiu madi' mohumpak tamboo nu Tuumaum i suluga'.

2 KORINTUS 9:12

Kalana palabuatan anu ma'ima' bibinaumo miu aiya misa' ola da momposukup kakulangan nu mian anu pinalesayamo hi Tumpu, panyo mule' suele mompotuka'mo mian da'isan da montalima kase hi Tumpu.

2 KORINTUS 9:6

O inau'! Mian anu monsa'u bine' toto sangkiding, mohumpak hasinnyo suele sangkiding. Panyo mian anu monsa'u bine' manjo-manjoo', mohumpak hasinnyo suele manjoo'.

GALATIA 3:5

Tumpu nombee'mo Roh-Nyo hi komiu ka' nompodaagi'mo anu okabangangi atina' hi komiu. Te Tumpu mombau aijo' kalana komiu mompojalan atulan nu agama kabai kalana komiu nohongomo Lele Ma'ima' aijo' ka' palesaya hi Kristus?

EFESUS 5:9

Kalana lengkat i jingka aijo' na kalubatan nu ngangahan na bauon anu ma'ima', adin ka' hodi' i pontoan nu Tumpu.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

FILIPI 4:17

Aijo' misa' alati'nyo aku ola mongindi da mohumpak anu obee'. Anu kuku indi aijo'mo da kutoa na hasinnyo anu montuangi ka'untungan miu.

1 TESALONIKA 3:12

O amalakon hi Tumpu da mompotimbali komiu lebe saja' mongkalibosi samian ka' samian, sahingga kalibosanum ko pintu-pintuangnyo, pokakana sumo kalibosan mami hi komiu.

1 TESALONIKA 4:10

Ka' han aiya pinotoamo miu hi aha iwi-iwi' na to utu-utus anu sa'a-sa'angu' na kapalesaya'an i songko-songko na Makedonia. Panyo, to Utu-utus, opoita mami totu-totu'u da kantumuu'an miu timbali lebe ma'ima' mule'.