2 KORINTUS 8:7 - KITAB NU TUMPU ALLA LELE MA'IMAI'

⁷ Komiu moko ala mombau iwi-iwi' na han: Komiu moko ala momponyata' kapalesaya'an, i uno nu han montaloakon pongka'oho', i uno nu han kapandean, i uno nu iwi-iwi' na ngahan nu usaha, ka' i uno nu kalibosanum hi kami. Mokonyo aijo' singkona ahi' komiu moko ala i uno nu usaha anu ma'ima' sumo aiya.

2 KORINTUS 8:7 ပူးပေါင်းရင်းမြစ်များ

MATIUS 25:22

Lantas posaihon anu nontalima ohua' na madala doi mosoni' aijo' tinoka ka' notatae, ‘Kita Tuan, Tuan, nombee'mo ohua' na madala na doi mosoni' hi belengku. Toa kino hasinnyo nohumpak ka'untungan ohua' na madala suele.’

ROMA 15:14

To Utu-utus! Kusumbu' hondo daagi' manjoo' na anu ma'ima' hi komiu. Komiu suele monsumbu' iwi-iwi' aijo', ka' mule' timbali mompaha pogu-pogulu' samian tiba samian.

1 KORINTUS 1:5

Kalana komiu i Kristusmo na tumpunyo, sahingga kantumuu'an miu kaya i uno nu iwi-iwi' na han. Kapandean miu mongkona iwi-iwi' na han talalo matangkas, ka' komiu pande na mompogulu' kapandean aijo'.

1 KORINTUS 12:13

Sumo aitumo na kita iwi-iwi', mian nu Yahudi kabai misa' mian nu Yahudi, to posa-posaihon kabai to mia-mian bebas; kita iwi-iwi' pinalamandikanmo nu Roh-mo ai-aijo', da kita oposa'angu' hi butong i Kristus aijo'. Kita iwi-iwi' suele mongoa'i kuasa nu Roh anu sa'a-sa'angu'mo aijo' sampe sukup.

1 KORINTUS 12:8

Toka hi samian, Roh aijo' mombee'i balakat da basisik o angga'i. Toka hi sangga'at Roh suele ai-aijo'mo na mombee'i balakat da monsisikakon Tumpu.

1 KORINTUS 13:2

Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

1 KORINTUS 13:8

Madi' toho' ko tempo'nyo na mian madi'mo palalu mompaha kali-kalibosi. Uuka aiya daagi' ko mian anu pande na mompotokakon lele lengkat mae hi Tumpu, panyo saidi' mae ia madi'mo mompotoka lele aijo'. Uuka aiya daagi' ko anu pande basisik mongangahan na basa' anu okabangangi, panyo saidi' mae ia madi'mo basisik nu basa' haha aijo'. Uuka aiya manjoo' na mian anu monsumbu' lupa-lupa na han, panyo saidi' mae apaa na anu nusumbu' nu aha aijo' po'ule'mo okolilimi.

1 KORINTUS 14:12

Mongkona ola posi komiu, kusumbu' komiu mongka'oho' hondo mohumpak to bala-balakat anu lengkat mae hi Roh nu Tumpu. Panyo anu penting hondo, tionyo ahi' komiu bala usaha da mompake kasanggupan anu montulungi jama'at da timbali mahoson.

1 KORINTUS 4:7

Ihe na nompotimbali kita Utus molingkudui mian sangga'at? Te misa' iwi-iwi' apaa na anu i humpak nu kita Utus, lengkat hi Tumpu Allah? Jadi, kadaka' kahanda' mombuulakon butong, au'aitu apaa na anu daagi' hi kita Utus, aijo' misa' anu binee'?

2 KORINTUS 7:7

Kinyonyoa kami sinanangmo misa' ola kalana i Titus tinokamo, panyo mule' kalana ia nonsisikmo mosia na kinyonyoanyo sinanangmo kalana komiu. Ia nompoto'imo hi kami tukoonyo komiu mongindi hondo da singkabot tiba aku; saba' komiu nompele-pele'mo i anu binau miu u'utu mae ka' uuka aiya mongka'oho'mo mompototu'u aku. Han aijo' nompaka posanangmo aku mule'.

2 KORINTUS 8:6

Mokonyo aijo' kami talalo hondo mompoto'i Titus – anu nontampu'unimo usaha aiya – da suele nubau na usaha anu ma'ima' aiya itina' hi komiu.

2 KORINTUS 9:14

Jadi aha mondo'akonje komiu kalana kinyonyoa nu aha mongoa'i molibos kalana Tumpu talalo manonong hi komiu.

2 KORINTUS 9:8

Tumpu ko kuasa mombee'i komiu balakat anu molabi-labi, da komiu saja' daagi' ko anu opake; ka' mule' komiu saja' molabi-labi na mombau anu ma'ima' ka' manonong, na montulung mian.

EFESUS 4:29

De komiu basisik, boli montaeyakon potatae anu mahenyu. Anu otaeyakon potatae anu mompokopiani ka' anu montulungi mian sangga'at. Potatae sumo aijo' mompodaagi' ka'ima'an hi to mia-mian anu mohongo.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

FILIPI 1:9

Aiyamo na do'angku toka hi komiu: o'amalakon da komiu mompaka kalibosi Tumpu ka' sangko gampa, ka' ko pintu-pintuangnyo na monsumbu' anu totu'u ka' mimpikilan pande.

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

2 TIMOTIUS 2:1

O Timotius, anakku! Pahosonmo ahi' na beleyum nu balakat anu binee'mo hi kita, kalana kita nosa'angu'mo tiba i Kristus Yesus.

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9

ANU PINOTO'I HI YOHANES 3:17

Belemiu notatae, ‘Kami kaya ka' sukup; kami madi' kakulangan apa-apaa.’ Panyo madi' osumbu' miu, palias na ko kasiasinyo ka' ko susa'nyo na ka'ada'an miu! Belemiu kasiasi, to langgo-langgo' ka' mapisok.