2 KORINTUS 8:6 - KITAB NU TUMPU ALLA LELE MA'IMAI'

⁶ Mokonyo aijo' kami talalo hondo mompoto'i Titus – anu nontampu'unimo usaha aiya – da suele nubau na usaha anu ma'ima' aiya itina' hi komiu.

2 KORINTUS 8:6 ပူးပေါင်းရင်းမြစ်များ

SISIKON NU TO RASUL-RASUL 24:17

Salatan tino pia-piangkukamo ahi' na taun madi' jinojoong i Yerusalem, aku ninsusule'mo nokiijo' da momboa doi pontulungi hi bansangku, ka' monsombakon koloban hi Tumpu.

ROMA 15:25

Panyo uuka aiya aku mongka'oho'mo mamba i Yerusalem momboa pontulungi mian anu pinalesayamo hi Tumpu kiijo' mae.

2 KORINTUS 12:18

Aku nompokaumo i Titus mamba molenga komiu, ka' utusto sangga'at aijo' anu bubuu' Kristen pinokaungku da mamba hingga-hinggat tiba ia. Pa' i Titus nongalamo ka'untungan hi komiu? Panyo kami ohua' mokalaja ko tanga'an anu pokakana ka' mompojalan kalaja tiba tanga'an anu pokakana!

2 KORINTUS 2:13

Panyo aku madi' sanang, kalana madi' siningkabot tiba utusto i Titus kiijo' mae. Sahingga aku nomoita siloloa hi to mia-mian i tampat kiijo' lantas namba i Makedonia.

2 KORINTUS 8:10

De o'ala i pikilanku, sapantasnyomo na komiu mompodopusmo apaa na tinampu'unanmo miu i taun anu i hikuhakonmo. Kalana komiumo na anu momonanyo nompopikilakon ka' nontampu'uni usaha aiya.

2 KORINTUS 8:19

Ka' mule' mian anu sinanggo aijo' pinile'anmo suele ka' tinantukanmo nu to jama-jama'at da monsangalui kami i lumambanan mami. Kalana kami batanga'mo mamba momboa pontulungi aijo', da Tumpu opopodaka' ka' da komiu montoa saba' kami halala' hondo na montulungi.

2 KORINTUS 8:23

Mongkona i Titus, ia te sangalungku anu mokalaja tiba aku da montulungi komiu. Ka' mongkona ua'aha na Utus aijo' anu inamba hingga-hinggat tiba ia, aha mian anu sinai nu to jama-jama'at, ka' timbali bau katalasanggoan nu sanggo i Kristus.

2 KORINTUS 8:4

aha nomoita sabole-bole hi kami de timbali da aha suele mombee'i pontulungi hi mian anu palesayamo hi Tumpu i Yudea.

2 KORINTUS 9:5

Mokonyo aijo' ku oa'i palalu monsai aha aijo' mamba hi komiu tongkoimoona da mongulus pontulungi anu jinanji'mo miu aijo'. Kubau sumo aijo' da saidi' mae de aku toka, anu obee' miu aijo' daagi'mo. Desumo aitu yo nyata' saba' anu obee' miu aijo', obee' nu kinyonyoa sanang, ka' misa' kalana opakisa.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.

1 PETRUS 4:10

Belemiu toto samian nohumpakmo taju anu madi' pokakana lengkat mae hi Tumpu. Kalana aijo' salaku mian anu nonggunakonmo ima-ima' apaa na anu binee'mo nu Tumpu, ogunakon ahi' na kahosonan aijo' bau kapalaluan hingga-hinggat.