2 KORINTUS 8:5 - KITAB NU TUMPU ALLA LELE MA'IMAI'

⁵ Aha nombee'i molabii apaa na anu tinaha'imananmo mami. Aha momonanyo nombee' butong hi Tumpu, lapas aitu hi kamije suele sosok sumo pongka'oho' nu Tumpu.

2 KORINTUS 8:5 ပူးပေါင်းရင်းမြစ်များ

1 TAWARIKH 12:18

Samian na anu aijo' mae hi aha, i Amasai anu lapas aijo' i hangkatmo binau kapala nu sa'angu' na gombuan nu mian anu osa-osanggohi “Tridasawira”, kinuasanmo nu Roh nu Tumpu Allah ka' notatae, “O Daud, anak i Isai! Kami monsangaja'i belento! O' amalakon da belento ka' aha anu montulungi belento momboa mae ka'untungan Tumpu Allah atina' hi beleyum!” Sahingga tinalimamo i Daud na aha ka' i hangkatnyomo na aha binaumo suludadunyo anu matangkas na pangkatnyo.

2 TAWARIKH 30:12

I Yehuda suele Tumpu Allah nokalajamo ka' nomposa'angu'mo kinyonyoa nu mian da'isan da totu-totu'u tulu-tulutan hi pongka'oho' nu Tumpu Allah aijo'mo montuluti palentah i tomundo ka' to mia-miannyo anu ko pangkatnyo.

2 TAWARIKH 30:8

Boli panggaga susumo aha, panyo otuluti na Tumpu. Imbo' toka mae i Yerusalem, i Laigan nu Tumpu anu tinantukanmo nu Tumpu Allah nu belemiu samata-mata ponsomban Ia sampe toka sidu-sidutu'. Imbo' toka mae sombah na Ia da Ia madi'mo montambuha'i belemiu.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

ROMA 6:13

Boli mule' kita Utus mombee' bagi-bagian nu butongum i kuasa nu dosa' ka' opakemo i to kaha-kahanda' anu ma'idek. Panyo simpalakonmu na butongum hi Tumpu salaku mian anu ilalinmo lengkat i kasilakaan mokiijo' i kantumuu'an. Simpalakonmo na butongum iwi-iwi' hi Tumpu da opake mombau kahanda' nu Tumpu.

1 KORINTUS 1:1

To Utu-utus jama'at nu Tumpu i Korintus! Kita Utus ilagamo nu Tumpu da timbali mian-Nyo anu palesayamo, kalana kita Utus i Kristus Yesusmo, na tumpunyo, tiba iwi-iwi' na mian mau mule' pa' iya mae na anu monsombah hi Tumpunto i Yesus Kristus, aijo'mo Tumpu nu aha tiba Tumpunto suele. Aku, i Paulus, ka' utusto i Sostenes, mongindi da Tumpu Tuumanto ka' Tumpunto i Yesus Kristus mombee'i balakat ka' ka'ima'an hi komiu. Aku montulis sulat aiya salaku rasul i Kristus Yesus, posi pongka'oho'-Nyomo nu Tumpu na nohangkatmo aku.

2 KORINTUS 4:5

Lele anu opotokakon mami aijo' misa' lele mongkona posi butong mami. Lele aijo' te lele mongkona i Yesus Kristus; saba' Iamo aijo' na Tumpu; ka' kami te to posa-posaihon miu kalana Ia.

2 KORINTUS 8:1

To Utu-utus, O'indi mami da komiu monsumbu' suele mongkona mosia na ko'ima'nyo na Tumpu hi to jama-jama'at i Makedonia.

1 SAMUEL 1:28

kalana aijo' anak aiya ku bee'mo hi Tumpu da timbalimo Ia na tumpunyo sidu-sidutu'.” Lapas aijo' aha nonsombahmo Tumpu.