2 KORINTUS 8:3 - KITAB NU TUMPU ALLA LELE MA'IMAI'

³ Aku timbali montantukan aha mombee'i apaa na anu nupoko ala nu aha, sadang aijo' pe'e pa' nolabi. Madi' pilenje ko anu nompokau,

2 KORINTUS 8:3 ပူးပေါင်းရင်းမြစ်များ

1 TAWARIKH 29:9

Sanang na kinyonyoa nu mian da'isan hi Tumpu ka' aha i lame'mo kalana nanjoo'mo na anu binee'mo nu aha hi Tumpu. I Tomundo' Daud suele i lame'mo hondo.

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

NOSABATMO 35:29

Iwi-iwi' na aha mian nu Israel sanang hondo na kinyonyoa nu aha momboa anu osombahkon hi Tumpu bau kapalaluan nu pakalaja'an anu pinalentahkonmo nu Tumpu hi Musa da nubau nu aha.

NOSABATMO 35:5

Boa na anu osombahkon hi Tumpu. Ihe na ko indi, tionyo monsombahkon mosoni', salaka, ka' tambaga;

MARKUS 14:8

Boune aiya nombaumo apaa na anu timbali nu poko ala o bau. Ia nomposadiakonmo hi beleng-Ku minya-minya' manohong bau pongkubulan Aku mau ma'isa pe'e toka na tempo'nyo.

SISIKON NU TO RASUL-RASUL 11:29

Sahingga iwi-iwi' anu saja' mombatuki Yesus nomposa'angu'mo tanga'an da mompakatu pontulungi hi to utu-utus anu jojoong i Yudea; toto samian mompakatu yayamo anu nu poko ala.

ROMA 10:2

Aku baani na montaloakon aha makeke hondo na palesaya hi Tumpu. Panyo keke nu aha aijo' madi' mimpu'u i kapandean anu lengkat mae hi Tumpu.

1 KORINTUS 16:2

Sinaa momona anu i sa'angu' na duminggu aijo', kita Utus iwi-iwi' toto samian montoukaimo ahi' doi anu oposi po'iwi'mo sitimbang tiba polioannyo. Po'una na doi aijo' sampe aku toka, da toka i tempo'nyo madi'mo palalu molimu' doi na komiu.

1 KORINTUS 9:17

Bisuannyo aku mompojalan kalaja aijo' ola posi kahanda'ku, tantu aku timbali montaha'imani da mohumpak tambo. Panyo aku mompolele Lele Ma'ima' aijo' ola ahi' kalana pinokaumo nu Tumpu Allah da mompojalan kalaja aijo'.

GALATIA 4:15

Komiu binilahimo hondo tempo'nyo aitu. Panyo uuka, iyamo mae na kabilahian aijo'? Kusumbu' tempo'nyo aitu komiu halala'mo na mongkubetakon posi mataum ka' mombee'mo mae hi belengku, de aijo' timbali obau.

FILIPI 2:13

kalana Tumpu na mokalaja i uno nu butong miu da mompotimbali komiu halala' ka' moko ala momposanang kinyonyoa nu Tumpu.

KOLOSE 4:13

Pinosi toangkumo memang na ia nokalajamo totu-totu'u kalana kapentingan miu, ka' bau kapentingan nu to mia-mian i Laodikia ka' i Hierapolis.

1 TESALONIKA 2:8

Kalana pongkalibosi mami, kami sanang na mombee' hi komiu misa' ola Lele Ma'ima' anu lengkat mae hi Tumpu aijo', panyo mule' kantumuu'an mami. Kalana mami talalo hondo mongkalibosi komiu.

FILEMON 1:14

Panyo aku madi' mongka'oho' mombau apa-apaa de kita Utus ma'isa monsitujui mae. Aku lebe mongka'ima'i de kita Utus montalima ia ka' halata' ahi' na kinyonyoaum; aku madi' mongka'oho' mompakisa beleyum.

1 PETRUS 4:11

Mian anu mompotokakon lele, tionyo ahi' mompotokakon lele anu lengkat mae hi Tumpu; mian anu mongkalesang kapalaluan nu mian sangga'at, tionyo mongkalesang nu kahosonan anu lengkat mae hi Tumpu, da i uno nu iwi-iwi na han, Tumpu na opopodaka' kalana i Yesus Kristus. Ia na anu ko kuasa ka' patut opopodaka' sampe toka sidu-sidutu'. Amin.

1 PETRUS 5:2

da belemiu molaya' tompukan nu domba anu pinalesayakonmo nu Tumpu hi belemiu. Oposanang na kinyonyoa de molaya' aha susumo anu nukahanda'i nu Tumpu, ka' boli maboat na kinyonyoa. Boli mule' belemiu mokalaja kahanda' da mohumpak dale', panyo kalana komiu totu-totu'u mongka'oho' mongkalesang.