2 KORINTUS 7:7 - KITAB NU TUMPU ALLA LELE MA'IMAI'

⁷ Kinyonyoa kami sinanangmo misa' ola kalana i Titus tinokamo, panyo mule' kalana ia nonsisikmo mosia na kinyonyoanyo sinanangmo kalana komiu. Ia nompoto'imo hi kami tukoonyo komiu mongindi hondo da singkabot tiba aku; saba' komiu nompele-pele'mo i anu binau miu u'utu mae ka' uuka aiya mongka'oho'mo mompototu'u aku. Han aijo' nompaka posanangmo aku mule'.

2 KORINTUS 7:7 ပူးပေါင်းရင်းမြစ်များ

MAZMUR 141:5

De mian anu manonong mompokinde'i mae aku, ka' madi' tageo' na kinyonyoa mondoke mae aku, aijo' sumomo lanya' anu talalo hondo ma'ima' hi belengku. O'amalakon da aku montalima ahi', kalana aku saja' balado'a madi' montalima aha. Palabuatan ma'idek nu aha.

MAZMUR 30:5

Nyanyi na nyanyian bau pompuji-puji' Tumpu, o mian anu palesayamo hi Ia ka' tulu-tulutan ka' mule' pontalimakasehmo hi Ia Anu Susi' hondo.

MAZMUR 38:18

Me ise-ise' aku nanabu'mo, memo ahi' saja' aku mongoa'i sakit.

MAZMUR 51:1

Anu mongkapalai panyanyi. Mazmur kalangan i Daud

MATIUS 26:75

Ka' i Petrus tinonginau'mo apaa na koonyo i Yesus hi ia, “Ma'isa pe'e manuk mintutuhu', beleyum pinintolumo nombahakon Aku.” Lantas i Petrus nosabat, ka' i humaang kalana talalomo nolibos.

MATIUS 5:4

Bila-bilahi na mian anu mongoa'i susa' na kinyonyoanyo; Tumpu mongindeko'je aha!

LUKAS 22:44

I Yesus talalomo hondo nongoa'i sansala i kinyonyoa, sahingga Ia nompaka balado'amo totu-totu'u. Liasa'-Nyo sumomo baso' jinumuju' i tano'.]

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

ROMA 1:12

Kahanda'ku aijo'mo kalana kita bubuu'mo pinalesaya hi Yesus Kristus sahingga kita timbali paimpoho-pohosonan, kapalesaya'an.

1 KORINTUS 5:2

Mau mule' sumo aijo', kita Utus daagi' kobubuun. Ola ahi' kita Utus sabenannyo susa', ka' monsabatakon anu itina' hi komiu Utus mian anu nombaumo han aijo'.

2 KORINTUS 1:4

Ia mompohoson kinyonyoa mami i uno nu kasusa'an anu o'oa'i mami, da kahosonan anu otalima mami lengkat hi Tumpu aijo', kami suele timbali mompohoson kinyonyoa nu iwi-iwi' mian anu i uno nu kasusa'an.

2 KORINTUS 2:9

Aku nontulis sulat itina' toka hi komiu ko kahanda' monguji' komiu, pa' komiu saja' mongka'oho' mombatuki sonto'-sonto' lengkat hi belengku.

2 KORINTUS 5:2

I uno nu laigan anu tempo' uuka aiya, kita motusa' kalana kita mongindi hondo jojoong i uno nu laiganto i suluga' aijo'.

2 KORINTUS 7:6

Panyo talima kaseh, Tumpu saja' mompohoson kinyonyoa nu mian anu hentemo; Ia nomposanangmo kinyonyoa mami kalana tinokamo na i Titus.

2 KORINTUS 7:8

Mau mule' sulatku nompopolibosmo kinyonyoa miu, aku madi' mompele-pele' na nontulis sulat aijo'. Memang salatan tinoangku na sulat aijo' mompopolibosmo komiu – maumo kalibosan aijo' ola sasaingoni' – aku gagana'mo ahi' nompele-pele'.

2 KORINTUS 8:16

Tahahumo hondo na kami montalima kase hi Tumpu, kalana Ia nompotimbalimo i Titus nakekemo sumo kami da montulungi komiu!

FILIPI 1:20

Anu talalo ku ka'ima'i ka' kugagan aijo'mo da boli hondo-hondo aku madi' mingkaliangan i uno nu kalajangku. Panyo ahi' kugagan da iwi-iwi' na tempo' lebe-lebe mule' uuka aiya, aku timbali baani sahingga i uno nu kantumuu'anku – pa' aku tumuu' kabai silaka – i Kristus na opopodaka'.

KOLOSE 2:5

Kalana mau mule' aku to majo'onan tiba komiu, panyo o'anggapmo ahi', au'aitu aku sumo-sumomo daagi' itina' hi komiu. Ka' aku i lame'mo na montoa komiu nosa'angu'mo na kinyonyoa ka' nahosonmo na pinalesaya hi Kristus.

1 TESALONIKA 3:6

Uuka i Timotius ninsusule'mo mae ka' nompotokamo hi kami lele anu moko lame' mongkona mosia na komiu palesaya hi Kristus, ka' mompaha kali-kalibosi. Ia nompoto'imo hi kami tukoonyo komiu saja' montutugi hahan anu ma'ima' mongkona kami i kinyonyoa miu. Ka' komiu ko kahanda' mompahakabot tiba kami, pokakanamo sumo kami mule' ko kahanda' mompahakabot tiba komiu.

1 TESALONIKA 3:8

sahingga uuka kami nongoa'imo totu-totu'u daagi' tutuu', asan komiu tataap tuminjo mahoson mosa'angu' tiba Tumpu.

IBRANI 2:1

Mokonyo aijo' kita tionyo lebe totu-totu'u mintoong i pangajalan anu i hongontomo, da kita boli mompala'i kapalesaya'anto.

YAKOBUS 5:17

I Elia pokakana mian sumo kita. Ia binalado'a totu-totu'u da ujan boli tudun, sahingga ujan madi' tinudun tinotolu' ka' inintonga' na taun na kinopinnyo.

2 YOHANES 1:4

Aku lame' hondo na nonsumbu' taalu' daagi' ko to ana-anak nu kita Pontina'on anu tumuu' mombatuki pangajalan nu Tumpu, susumo anu pinalentahkonmo nu Tumpu Tuuma hi kita.

YUDAS 1:3

To Utu-utus anu okanonongi! Aku totu-totu'u ko kahanda' nontulis sulat toka hi belemiu mongkona kasalamatan anu bubuu'mo ingoa'anto. Panyo uuka aiya aku palalu hondo mompokinde'i komiu nu sulat aiya da komiu saja' bala usaha da iman anu minsanmo na binee' nu Tumpu sampemo ahi' toka sidu-sidutu' hi mian anu palesayamo hi Ia.