2 KORINTUS 7:6 - KITAB NU TUMPU ALLA LELE MA'IMAI'

⁶ Panyo talima kaseh, Tumpu saja' mompohoson kinyonyoa nu mian anu hentemo; Ia nomposanangmo kinyonyoa mami kalana tinokamo na i Titus.

2 KORINTUS 7:6 ပူးပေါင်းရင်းမြစ်များ

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 51:12

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 57:18

Tinoang-Kumo na kalakuan nu aha, panyo aha Ku bee'i kahosonan. Ku jagaije ka' ku tulungi na aha ka' mohase' mian anu molibosmo na kinyonyoa.

YEREMIA 31:13

Toka itempo'nyo aijo' to lalangkoyang monsaleleimo ka' lame'mo na kinyonyoa. To tu'a-tu'anyo tiba to oli-olitau bubu'mo mongoa'i sanang na kantumuu'an, kalana Aku mohase'mo aha. Kasusa'an i uno nu kinyonyoa nu aha Ku bali'imo jadimo kalame'an kalibosan nu kinyonyoa Ku bali'imo jadimo sanang na kantumuu'an.

MATIUS 5:4

Bila-bilahi na mian anu mongoa'i susa' na kinyonyoanyo; Tumpu mongindeko'je aha!

YOHANES 14:16

Ku poitaje hi Tuuma, da Ia tionyo mombee'i komiu Pontulungi sangga'at, anu jojoong hingga-hinggat ka' komiu sidu-sidutu'.

ROMA 15:5

O amalakon hi Tumpu anu nombee'i da sabaan ka' bau pohaase hi mian, montulungi komiu da tumuu' sambuku montuluti sonto' i Kristus Yesus.

2 KORINTUS 7:13

Mokonyo aijo' kinyonyoa kami sinanangmo. Misa' ola kalana sinanangmo, panyo kami nompaka binilahimo mule', kalana nontoamo kabilahian nu kinyonyoa i Titus; kinyonyoanyo sinanangmo kalana to Utu-utus iwi-iwi'.

2 KORINTUS 7:14

Aku memang nombuulakonmo komiu hi ia. Talima kaseh komiu madi' nongambangi aku. Iwi-iwi' na anu toho'mo tinaloakon mami hi komiu totu'u. Sumo aijo' mule' apaa na anu binuulakonmo mami mongkona komiu hi Titus memang ahi' totu'u.

2 KORINTUS 7:7

Kinyonyoa kami sinanangmo misa' ola kalana i Titus tinokamo, panyo mule' kalana ia nonsisikmo mosia na kinyonyoanyo sinanangmo kalana komiu. Ia nompoto'imo hi kami tukoonyo komiu mongindi hondo da singkabot tiba aku; saba' komiu nompele-pele'mo i anu binau miu u'utu mae ka' uuka aiya mongka'oho'mo mompototu'u aku. Han aijo' nompaka posanangmo aku mule'.

FILIPI 2:1

Komiu nahosonmo kalana komiu nosa'angu'mo tiba i Kristus. Ka' komiu sinanangmo kalana i Kristus nongkalibosimo komiu! Komiu pinotiju'mo nu Roh nu Tumpu, ka' komiu suele nompaha kali-kalibosimo, ka' nompaha ina-inau'mo kalibosan nu samian ka' samian.

1 TESALONIKA 3:2

hau-haunyo aijo' kami nonsaimo utusto i Timotius. Ia samian na posaihon nu Tumpu anu bakalaja tiba kami, da mompolele Lele Ma'ima' mongkona i Kristus. Kami nonsai i Timotius hi komiu, da ia mompohosonakon komiu ka' mongkakeha' komiu da lebe palesaya mule' hi Kristus.