2 KORINTUS 7:4 - KITAB NU TUMPU ALLA LELE MA'IMAI'

⁴ Kupalesaya totu-totu'u na komiu. Ka' mule' kami sanang hondo hi komiu! Mau mule' kami mongoa'i manjoo' na kasusa'an, molumu hondo na kinyonyoangku kalana komiu. Kinyonyoangku bilahi hondo!

2 KORINTUS 7:4 ပူးပေါင်းရင်းမြစ်များ

SISIKON NU TO RASUL-RASUL 5:41

To rasul-rasul haha aijo' nompala'imo Mian Kopian Daka' nu Agama ka' ilame'mo kalana Tumpu nonganggapmo aha patut mohumpak potatae anu ma'idek kalana i Yesus.

ROMA 5:3

Ka' misa' ola aijo', kita mule' lame' i uno nu kasansala'an, kalana osumbu'to kasansala'an mombau mian timbali tapakuun,

1 KORINTUS 1:4

Aku saja' montalima kaseh hi Tumpu mongkona komiu, kalana komiu nontalimamo balakat hi Yesus Kristus anu nolengkat mae hi Tumpu.

2 KORINTUS 1:4

Ia mompohoson kinyonyoa mami i uno nu kasusa'an anu o'oa'i mami, da kahosonan anu otalima mami lengkat hi Tumpu aijo', kami suele timbali mompohoson kinyonyoa nu iwi-iwi' mian anu i uno nu kasusa'an.

2 KORINTUS 10:8

Aku madi' ma'ambang de aku talalo mombuulakon kakuasa'an anu binee'mo nu Tumpu hi kami, kalana kakuasa'an aijo' binee' mae da mombangonakon komiu misa' da mongidei.

2 KORINTUS 11:21

Aku ma'ambang na mangaku au'aitu kami talalo mabuhuk na mombau anu sumo aijo'. Panyo apaa na anu nu kabaaniakon ka' okabubuulakon nu mian sangga'at, aku suele baani! (Aku motatae sumo mian ponga'.)

2 KORINTUS 2:14

Panyo talima kase hi Tumpu! Ia saja' nolaya' kami nombatuki balondaan i kamenangan i Kristus kalana kami tumuu' nosa'angu'mo tiba Ia. Tumpu nompake kami da lele mongkona i Kristus tolele sumo nohong anu monohongi iyaya mae.

2 KORINTUS 3:12

Kalana kami montaha'imani anu susumo aijo', sahingga kami baani na motatae sumo aijo'.

2 KORINTUS 7:14

Aku memang nombuulakonmo komiu hi ia. Talima kaseh komiu madi' nongambangi aku. Iwi-iwi' na anu toho'mo tinaloakon mami hi komiu totu'u. Sumo aijo' mule' apaa na anu binuulakonmo mami mongkona komiu hi Titus memang ahi' totu'u.

2 KORINTUS 8:24

O indi mami na komiu da mompotoa kalibosan miu hi aha da iwi-iwi' na jama'at monsumbu' taalu' komiu mongkalibosi aha, ka' da apaa na anu obuulakon mami mongkona komiu aijo' memang totu'u.

FILIPI 1:14

Ka' aku tinalungku' nonsaduakonmo manjoo' na to mia-mian Kristen i kota aiya nompaka palesayamo mule' hi Tumpu, sahingga aha nompaka baanimo na mombebakon potuunon nu Tumpu, ka' madi'mo maha pabuhukan.

FILIPI 1:20

Anu talalo ku ka'ima'i ka' kugagan aijo'mo da boli hondo-hondo aku madi' mingkaliangan i uno nu kalajangku. Panyo ahi' kugagan da iwi-iwi' na tempo' lebe-lebe mule' uuka aiya, aku timbali baani sahingga i uno nu kantumuu'anku – pa' aku tumuu' kabai silaka – i Kristus na opopodaka'.

FILIPI 1:26

Mokonyo aijo', de aku minsusule'mo mae hi komiu, komiu anu nosa'angu'mo tiba i Kristus Yesus lebe manjoo' mule' na katalangan mombuulakon butongku.

FILIPI 2:17

Ugaat aku saidi' mae opateimo ka' baso'ku timbalimo sumo kuluban anu obubusakon i bawo nu anu osombahkon komiu hi Tumpu Allah salaku sa'angu' na tanda saba' komiu pinalesayamo hi Ia. De memang aijo' tionyo sumo aijo', aku montalima kase i han aijo' ka' lame'mo hingga-hinggat tiba komiu.

KOLOSE 1:24

Uuka aku sanang na mongoa'i sansala kalana komiu. Kalana sansala anu ingoa'anmo nu butongku, aku momposampa'mo apaa na anu tionyo daagi' nu oa'i i Kristus kalana jama'at-Nyo, aijo'mo butong-Nyo.

1 TESALONIKA 2:19

Komiumo na anu otaha'imani mami ka' okalame'akon mami. Kalana de Tumpu Yesus tokamo, ka' kita mangadapmo hi Ia, saba' komiumo na anu timbali obuulakon mami!

1 TESALONIKA 2:2

Komiu monsumbu' saba' ma'isa pe'e kami tinoka hi komiu i Tesalonika, kami po'ule'mo kinabisa'an ka' pinopo'ambang kiijo' mae i Filipi. Panyo mau mule' manjoo' na mian mombahakon kami, Tumpunto nombee'imo kami kabaanian da mompolele hi komiu Lele Ma'ima' anu lengkat mae hi Ia.

2 TESALONIKA 1:4

Mokonyo aijo' kadaka' kami saja' monsisik komiu, de kami mambamo molenga to jama-jama'at nu Tumpu. Obuulakon kami na monsisik mosia na komiu tataap mahoson na palesaya hi Kristus i uno nu ponsakisa'an ka' kasansala'an anu ingoa'anmo miu.

FILEMON 1:7

Utusku i Filemon, kalibosanum kona hi iwi-iwi' mian anu palesaya hi Tumpu nompolame'mo aku, ka' nongkakeha'imo aku! Iwi-iwi' mian anu pinalesayamo hi Tumpu i lame'mo kalana kita Utus.

YAKOBUS 1:2

To Utu-utus! De komiu mongoa'i ngangahan nu soba'an, oa'i na aijo' salaku sumo ka'untungan.