2 KORINTUS 7:13 - KITAB NU TUMPU ALLA LELE MA'IMAI'

¹³ Mokonyo aijo' kinyonyoa kami sinanangmo. Misa' ola kalana sinanangmo, panyo kami nompaka binilahimo mule', kalana nontoamo kabilahian nu kinyonyoa i Titus; kinyonyoanyo sinanangmo kalana to Utu-utus iwi-iwi'.

2 KORINTUS 7:13 ပူးပေါင်းရင်းမြစ်များ

ROMA 12:15

Suele lame' tiba to mia-mian anu lame'. Ka' humaang tiba mian anu humaang.

ROMA 15:32

Desumo aitu, maluannyo nukahanda'i nu Tumpu, aku toka hi beleyum tiba kinyonyoa sanang. Ka' aku mongoa'ije lame' tiba komiu itina'.

1 KORINTUS 12:26

De sa'angu' na bagian mongoa'i sansala, iwi-iwi' na bagian sangga'at suele mongoa'i sansala; de sa'angu' na bagian o puji', iwi-iwi' na bagian sangga'at suele hingga-hinggat lame'.

1 KORINTUS 16:13

O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya.

1 KORINTUS 16:18

Aha nompolame'mo kinyonyoangku, sumo aha nompolame'mo kinyonyoa miu. To mia-mian anu susumo aijo' tionyo ahi' o'angga'i.

2 KORINTUS 2:13

Panyo aku madi' sanang, kalana madi' siningkabot tiba utusto i Titus kiijo' mae. Sahingga aku nomoita siloloa hi to mia-mian i tampat kiijo' lantas namba i Makedonia.

2 KORINTUS 2:3

Mokonyo aijo' tinulisku na sulat itina' toka hi komiu. Aku madi' mongka'oho' mamba montoa komiu, lantas opolibosmo miu, mae padahan komiu ahi' na anu sabenannyo mompolame' aku. Kalana ku palesaya de aku lame', makia' komiu utus iwi-iwi' suele lame' ahi'.

2 KORINTUS 7:14

Aku memang nombuulakonmo komiu hi ia. Talima kaseh komiu madi' nongambangi aku. Iwi-iwi' na anu toho'mo tinaloakon mami hi komiu totu'u. Sumo aijo' mule' apaa na anu binuulakonmo mami mongkona komiu hi Titus memang ahi' totu'u.

2 KORINTUS 7:15

Uuka ia nompaka kalibosimo komiu, kalana nututugi komiu Utus iwi-iwi' mongka'oho' mohongo-hongo pongatunnyo, ka' mosia na komiu nontalimamo ia ka' nongadatimo ia ka' tulu-tulutan.

2 KORINTUS 7:6

Panyo talima kaseh, Tumpu saja' mompohoson kinyonyoa nu mian anu hentemo; Ia nomposanangmo kinyonyoa mami kalana tinokamo na i Titus.

FILIPI 2:28

Mokonyo aijo' lebe daka' mule' na kahanda'ku monsai ia minsusule' hi komiu da komiu po'ule' lame' de komiu singkabotmo tiba ia, ka' kinyonyoangku suele madi'mo guaon.

2 TIMOTIUS 1:16

Panyo aha sa'anakon i Onesiforus noko to pimpi-pimpianmo ahi' na nompolame' kinyonyoangku. O'amalakon da Tumpu timbali mompotoa kalibosan-Nyo hi aha. Mau mule' aku i uno nu talungku', i Onesiforus madi' mongka'ambangakon i kantumuu'anku aiya.

FILEMON 1:20

Mokonyo aijo', i uno nu sanggo nu Tumpu soba tulungi mae na aku, polame'akon mae na kinyonyoangku salaku anu moto utus hi Kristus.

FILEMON 1:7

Utusku i Filemon, kalibosanum kona hi iwi-iwi' mian anu palesaya hi Tumpu nompolame'mo aku, ka' nongkakeha'imo aku! Iwi-iwi' mian anu pinalesayamo hi Tumpu i lame'mo kalana kita Utus.

1 PETRUS 3:8

Isinyo aijo'mo: Oposa'angu' ahi' to Utu-utus na tanga'an ka' kinyonyoa. Pompaha kali-kalibosi ahi' sumo to mia-mian anu moto utus. Ka' mompaha kano-kanonongi ahi', ka' mintabiat madi' montige-tige.