2 KORINTUS 7:10 - KITAB NU TUMPU ALLA LELE MA'IMAI'

¹⁰ Kalana kalibosan anu sumo aijo' sahingga kinyonyoa nongabali'mo ahennyo oposalamatmo. Ka' mian madi' ko mompele-pele' i han aijo'. Sumo aitu mule' kalibosan anu ola mombatuki kahanda' nu mian monsaduakon kapatean.

2 KORINTUS 7:10 ပူးပေါင်းရင်းမြစ်များ

KAJADIAN 30:1

Panyo i Rahel ma'isa suele nohumpak anak, kalana aijo' ia ninsihipmo hi utusnyo tu'a, lantas notataemo hi Yakub, “Bee'i mae anak na aku, de madi' aku silakamo.”

2 SAMUEL 12:13

Lantas notataemo na i Daud hi Natan, “Aku binaladosa'mo hi Tumpu.” Tinaaman i Natan, “Tumpu mongampunimo belento Tomundo'; jadi belento Tomundo' madi'ahi' silaka.

2 SAMUEL 13:4

I Yonadab notatae hi Amnon, “O anak nu Tomundo' Kadaka' sansina-sinaa otoa na beleyum sumo anu talalo hondo' susa'? Pa' daagi ahi' ko apa-apaanyo?” Tinaaman i Amnon, “Aku talalomo hondo' mongka'ima'i i Tamar utus ise i Absalom, utusku aijo'.”

2 SAMUEL 17:23

Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

1 TOMU-TOMUNDO' 21:4

Kinyonyoanyo madi'mo sinanang ka' notambuha'mo kalana nohongomo apaa na anu tinaloakon i Nabot hi ia, i Ahab ninsusule'mo ka' nale'mo i kahoyotannyo ohupnyo pinsonggilingnyo ka' madi'mo mongka'oho' mongkaan.

MAZMUR 38:18

Me ise-ise' aku nanabu'mo, memo ahi' saja' aku mongoa'i sakit.

AMSAL 15:13

Kinyoa anu lame' otoa isahaya nu ohup; panyo kinyonyoa anu susa' mompohente sahingga madi'mo bihan na kinyonyoa.

AMSAL 15:15

Mian anu madi' lame' na kinyonyoanyo tionyo ahi' saja' bala usaha i uno nu kantumuu'annyo, panyo mian anu saja' lame' mohumpak ka'ima'an i unonu kantumuu'annyo.

AMSAL 17:22

Kinyonyoa anu lame' momposehat butong; panyo kinyonyoa anu susa' monsaduakon da madi'mo kogia' mombau apa-apaa.

AMSAL 18:14

Mongindi da tumuu', mian moko ala montanggung kasansala'an; imadi'mo moko ala mongindi apa-apaa, madi'mo mule' ko apa-apaa anu otaha'imani.

ANU MOMPOLELE POTATAE NU TUMPU 7:3

Kasusa'an nu kinyonyoa na lebe ma'ima' molingkudui kumojo. Maumo ohup otoa susa' asan kinyonyoa na sanang ahi'.

YEREMIA 31:9

Aha lumajang humang Ku hase' ka' mule' Ku laya' na aha. Ku boa na aha montulu tampat-tampat anu manjoo' na ueenyo, montulu jalan daka' itampat nu aha lumajang aha madi' tosumpun. Kona hi aha Israel Aku sumomo ahi' tuuma nu aha; i Efraim aijo'mo na anak-Ku momo'ane anu tumpenyo.”

YEHEZKIEL 7:16

Sambagian na tumuu' ahi' ka' mopalaimo mamba ibungkutnyo. Ikiita' mae aha sumomo to tomo-tomonsi' dara anu ilaa'mo lengkat mae isongko-songko na bangka'nyo; iwi-iwi' mohehengakonmo dosa-dosa' nu aha.

YUNUS 3:10

Tumpu nontoamo palabuatan nu aha; Ia montoa aha nombabali'imo kalakuan nu aha anu ma'i-ma'idek aijo'. Sahingga Ia nombali'imo kaputusan-Nyo ka' madi'mo sinida na nohukum aha.

YUNUS 3:8

Mian ka' binatang tionyo ahi' mompake hude kalung. Salaku bau tanda nanyasanmo. Iwi-iwi' na mian tionyo ahi' balado'a totu-totu'u hi Tumpu. Aha tionyo ahi' mombabali'imo kalakuan nu aha anu ma'idek ka' palabuatan nu aha anu kahomo dosa'.

YUNUS 4:9

Panyo Tumpu notatae hi ia, “Beleyum madi' palalu susa' sumo aijo' kalana nu saduakon nu sosu'anon aijo'!” Tinaaman i Yunus, “Kadaka' madi'mo? Pantasnyomo na aku motambuha' taha-tahahumo sampe mate.”

MATIUS 26:75

Ka' i Petrus tinonginau'mo apaa na koonyo i Yesus hi ia, “Ma'isa pe'e manuk mintutuhu', beleyum pinintolumo nombahakon Aku.” Lantas i Petrus nosabat, ka' i humaang kalana talalomo nolibos.

LUKAS 15:10

Sumo aitumo na malaekat nu Tumpu lame' de daagi' ko samian anu ma'idek balatobatmo i dosa-dosa'nyo. Palesayamo!”

LUKAS 18:13

Panyo topo tage hasin aijo' tinuminjo jo'o-jo'on ka' madi' baani montihanga langit. Ka' nompanyamo saha'annyo ia notatae, ‘O Tumpu, kalibosiakon na aku mian baladosa' aiya!’ ”

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 3:19

Mokonyo aijo' to Utu-utus, balatobatmo i dosa-dosa' miu ka' pinsusule'mo mae hi Tumpu, da Ia mongalinakon dosa-dosa' miu.

2 KORINTUS 12:21

Aku mabuhuk manga-manga tempo'nyo aku toka saidi' mae Tumpu Allah mompopo ambangmo aku i ahop miu ka' aku humaangmo kalana manjoo' itina' hi komiu na anu baladosa' u'utu mae, madi' nongabali' ka' madi' belenti na mombau bauon nu aha anu masala', pahengas ka' anu madi' halus obau.

2 KORINTUS 7:9

Panyo uuka aiya aku sinanangmo – misa' kalana kinyonyoa miu nolibosmo, panyo kalana kalibosan miu aijo' sahingga kalakuan miu nongabali'mo. Memang kalibosan miu aijo' no'imboamo tiba pongka'oho' nu Tumpu. Jadi kami madi' nompolugi' komiu.

IBRANI 12:17

Osumbu' miu saba' ilapas mae i Esau kino kahanda'mo da mohumpak balakat aijo' hi tuumanyo, panyo ia madi'mo tinalima. Kalana maumo i humaang na ia nolio jalan mompokopiani kasala'annyo, madi'mo daagi' ko kasampatan da mohumpak han aijo'.

1 SAMUEL 30:6

To sulu-suludadu i Daud sinusa'mo hondo kalana madi'mo kino anak tiba bengkele' nu aha. Mokonyo aijo' aha kahanda'mo mompahambunu'akon nu batu i Daud. Jadi i Daud sinusa'mo hondo panyo kinyonyoanyo po ule'mo pinohoson nu Tumpu Allahnyo.