2 KORINTUS 6:9 - KITAB NU TUMPU ALLA LELE MA'IMAI'

⁹ Kami osanggohi madi' talasanggo, panyo iwi-iwi' mian monsumbu' kami. Kami osangka sinilakamo, panyo nyata' kami daagi' tumuu'. Mau mule' kami osakisa, kami madi' sinilaka.

2 KORINTUS 6:9 ပူးပေါင်းရင်းမြစ်များ

SISIKON NU TO RASUL-RASUL 17:18

To gulu-gulu' anu mombatuki pangajalan i Epikuros ka' mombatuki pangajalan i Stoa pinainggaga suele tiba ia. To pia-piangkuka lengkat hi aha notatae, “Apaa na nusumbu' nu mian aiya? Kapandeannyo ola sangkiding, panyo ia manjoo' na potatae!” To pia-piangkuka anu sangga'atannyo notatae, “Kugantang ia mompolele mongkona to pilo-pilogot nu bansa sangga'at.” Aha notatae sumo aitu, kalana i Paulus monsisik mongkona i Yesus ka' mongkona anu mate po'ule' tumuu'.

SISIKON NU TO RASUL-RASUL 19:26

Uuka kita Utus nontoamo ka' pinosi hongomo apaa na anu binau i Paulus aijo'. Ia notatae tukoonyo, to pilo-pilogot anu binau nu mian, misa' hondo-hondo pilogot. Ka' ia kino hasinnyomo, nompotimbali da'isan na mian palesaya i ajalannyo, misa' ola aiya i Efesus, panyo ohani songko-songkomo na tano' nu Asia suele.

SISIKON NU TO RASUL-RASUL 25:19

Aha ola madi' pokakana na pikilan tiba ia mongkona posi agama nu aha, ka' mongkona sala' samian anu sanggonyo i Yesus. Mian aijo' sinilakamo, panyo i Paulus notatae totu-totu'u tukoonyo mian aijo' po'ule'mo tinumuu'.

SISIKON NU TO RASUL-RASUL 25:26

Panyo aku ma'isa nohumpak katalangan apa-apaa anu matantu mongkona butongnyo da tinulis i uno nu sulatku toka hi Kaisar. Mokonyo aijo' aku nomboa mae ia hi kita Tuan-tuan iwi-iwi', lebe-lebe mule' hi Anu Opopodaka' Tomundo' Agripa! Kahanda'ku aijo'mo da de lapasmo na mompalesa aiya, daagi' ko katalangan anu ku tulis.

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.

ROMA 8:36

I Uno nu Kitab nu Tumpu tinulis sumo uuka, “Sansina-sinaa kami tumuu' i uno nu balaa', kapatean kalana Beleyum. Kami obau sumo domba anu okahanda'imo okolot.”

1 KORINTUS 11:32

Panyo de kita nu hukum nu Tumpu, Ia mondoke kita, da kita boli nukona nu hukuman mohingga-hinggat dunia aiya.

1 KORINTUS 15:31

To Utu-utus! Sansina-sinaa aku monta'up sansala kalana aku sanang na montoa kantumuu'an miu, kalana komiu pinalesayamo hi Kristus Yesus Tumpunto.

1 KORINTUS 4:9

Kalana de mombatuki pikilanku, kami to rasul-rasul pinotimbalimo nu Tumpu sumo anu lewa' otoa i ahop nu mian tiba to mala-malaikat. Kami sumo to mia-mian anu madi' opajuli, anu pinokakanamo hukuman mate i ahop nu mian da'isan ka' sola' ohagai nu dunia.

2 KORINTUS 11:6

Ugaat aku madi' talalo pande babisala, panyo mongkona kapandean, aku misa' mian ponga'. Aijo' pinonyata'mo mami hi komiu i uno nu iwi-iwi' na han.

2 KORINTUS 4:2

Kami madi' mompake hahan anu oposuluk ka' mongambangi. Kami madi' mongka'oho' mokalaja mongakali kabai monggeo-geo'akon potatae nu Tumpu. Hodi-hodi' na kinyonyoa mami mohongo-hongo apaa na koonyo nu Tumpu mombatuki pongka'oho'-Nyo. Mokonyo aijo' o'inde'i mami da mian iwi-iwi' mompopikilakon kami ima-ima' i uno nu kinyonyoanyo.

2 KORINTUS 5:11

Osumbu' mami apaa na alati'nyo mabuhuk hi Tumpu; mokonyo aijo' kami bala usaha da mian monsumbu' hondo-hondo butong mami. Tumpu monsumbu' hondo kami, ka' suele ku poita na komiu da monsumbu' kami i uno nu kinyonyoa miu.