2 KORINTUS 6:6 - KITAB NU TUMPU ALLA LELE MA'IMAI'

⁶ Tiba gau' anu hodi', pande, sabaan ka' ma'ima' na kinyonyoa, kami mompotoa saba' kami, aijo'mo posaihon nu Tumpu Allah. Tiba mule' montaha'imani pontulungi nu Roh nu Tumpu Allah, ka' mongkalibosi totu-totu'u lengkat i kinyonyoa,

2 KORINTUS 6:6 ပူးပေါင်းရင်းမြစ်များ

YEHEZKIEL 33:31

Aha toka mae manjoo' hondo na mian ka' salaku mian anu palesayamo hi belengku, aha sumuhangmo mompotombihing potatae nu beleyum, panyo apaa na anu nu palentahkon nu beleyum madi' ahi' nu tuluti nu aha. Biwi nu aha montaloakon potatae mongka'ima'i panyo kinyonyoa nu aha na ola ahi' mompotutugakon mosia na mohumpak ka'untungan.

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.

1 KORINTUS 12:8

Toka hi samian, Roh aijo' mombee'i balakat da basisik o angga'i. Toka hi sangga'at Roh suele ai-aijo'mo na mombee'i balakat da monsisikakon Tumpu.

1 KORINTUS 13:4

Mian anu mongkalibosi to mia-mian sangga'at, sabaan ka' ma'ima' na kinyonyoa. Ia madi' pangka'ideki mian, madi' malambubut, madi' kobubuun.

1 KORINTUS 2:16

I uno nu Kitab nu Tumpu tinulismo, “Ihe na monsumbu' pikilan nu Tumpu? Ka' ihe na moko ala mompokinde'i Ia?” Kitamo na anu ko pikilan pokakana tiba i Kristus!

1 KORINTUS 2:4

Lele anu pinotokakon hi komiu madi' pinotokakonku nu potatae anu mompagala mongendei susumo kapandean nu dunia. Aku nompotokakon aijo' tiba jalan momponyata', saba' Roh nu Tumpu Allah ko kuasanyo.

2 KORINTUS 1:23

Tumpu na sakisingku – kalana nusumbu' na isi nu kinyonyoangku – kadaka' aku madi' sida mamba i Korintus, kalana aku madi' mongka'oho' kinyonyoa miu molibos.

2 KORINTUS 11:11

Kadaka' aku motatae sumo aitu? Ugaat kalana aku madi' mongkalibosi komiu? Nu sumbu' nu Tumpu na aku mongkalibosi komiu!

2 KORINTUS 11:4

Kalana lupanyo komiu ola sanang na montalima mian anu toka hi komiu ka' mompogulu' mongkona Yesus sangga'at – misa' i Yesus anu pipinoto'i mami hi komiu. Ka' komiu mongka'oho' mule' montalima roh ka' “lele ma'ima'” anu mompahasala' hondo tiba Roh nu Tumpu ka' Lele Ma'ima' anu toho'mo tinalima miu hi kami.

2 KORINTUS 11:6

Ugaat aku madi' talalo pande babisala, panyo mongkona kapandean, aku misa' mian ponga'. Aijo' pinonyata'mo mami hi komiu i uno nu iwi-iwi' na han.

2 KORINTUS 12:15

Kalana aijo' sanang na kinyonyoangku halala' mongkulubanakon iwi-iwi' bau kapalaluan miu, aitu pe'e sagalamo butongku. De aku sumo aijo' mongkalibosi komiu, pa' patut na komiu madi' talalo mongkalibosi aku?

2 KORINTUS 13:10

Mokonyo aijo' aku nontulismo sulat aiya tempo'nyo aku ma'isa itina' hi komiu. Desumo aijo', de aku tokamo saidi' mae, madi'mo pilenje mapohos na aku mompalentah komiu mompake kakuasa'an anu binee' nu Tumpu hi belengku. Kakuasa'an aijo' binee' da pombangonakon komiu, misa' da bau pohansuni.

2 KORINTUS 2:10

De komiu mongampuni mian anu nombaumo sala' hi komiu, saba' aku suele mongampuni ahi' mian aijo'. Kalana apaa na anu ingampunankumo – de memang ko anu palalu o ampuni – aijo' ku ampuni i ahop i Kristus bau ka'ima'an nu komiu.

2 KORINTUS 2:4

Maboat ka' molibos na kinyonyoangku montulis sulat toka hi komiu ka' saja' monjujuhakon lolu'. Kahanda'ku misa' da komiu molibos, panyo da osumbu' miu taalu' aku talalo hondo mongkalibosi komiu.

2 KORINTUS 3:3

Posi aha timbali montoa saba' komiu Utus pokakanamo sulat anu tinulis i Kristus, anu pinakatunyo ka' pinotokakon mami. Sulat aitu misa' tinulis nu tinta, panyo Roh nu Tumpu anu tumuu'; misa' mule' i batu tulis, panyo i kinyonyoa nu mian.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

2 KORINTUS 7:2

Talima na kami i uno nu kinyonyoa miu. Kami madi' ko sala' hi samian pe'e, ka' madi' toho' ko mian anu pinolugi'mo mami. Kami madi' hondo-hondo nongala ka'untungan mau mule' pa' hi he.

GALATIA 3:2

Soba poto'i mae hi belengku sa'angu' na han aiya: Pa' komiu nontalimamo Roh nu Tumpu kalana nompojalanmo atulan nu agama, kabai o kalana komiu nohongomo Lele Ma'ima' lengkat mae hi Tumpu ka' palesaya hi Kristus?

GALATIA 3:5

Tumpu nombee'mo Roh-Nyo hi komiu ka' nompodaagi'mo anu okabangangi atina' hi komiu. Te Tumpu mombau aijo' kalana komiu mompojalan atulan nu agama kabai kalana komiu nohongomo Lele Ma'ima' aijo' ka' palesaya hi Kristus?

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

EFESUS 3:4

ka' de komiu mombasa', osumbu'je miu na lahasia mongkona i Kristus sumo anu suele sinumbu'kumo.)

EFESUS 4:2

Tionyo ahi' komiu saja' mati aluk na kinyonyoa, motatae madi' ko pesa-pesa ka' sabaan. Potoa na kalibosanum montulungi samian ka' samian.

EFESUS 4:32

Ola ahi' kinyonyoa na obau mano-manonong ka' mompahakali-kalibosi samian ka' samian, ka' mompaha ampu-ampuni pokakana sumo Tumpu singkona nongampunimo komiu hi Kristus.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

KOLOSE 2:3

I Kristusmo na momponyata' iwi-iwi' na kapandean ka' mosia na monsumbu' Tumpu anu naipuan mae ma'isa sinumbu'.

KOLOSE 3:12

Kita Utus mian anu palesayamo hi Tumpu. Tumpu nongkalibosimo komiu ka' nompile'imo da timbali iamo samata-mata na tumpu-Nyo. Mokonyo aijo' komiu tionyo ahi' mompotoa kalibosan, komiu tionyo ahi' manonong, boli kobubuun, motatae madi' ko pesa-pesa, ka' sabaan na mongoa'i sansala.

1 TESALONIKA 2:10

Kami tumuu' susi', totu'u ka' madi' ko kasala'an hi komiu anu pinalesayamo hi Kristus. Komiumo na to saki-sakisi mami, ka' suele mule' Tumpu.

1 TIMOTIUS 4:12

Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.

1 TIMOTIUS 5:2

ka' to bou-boune anu tu'anyomo susumo tina. To lalangkoyang nu palentah susumo utus ise' nu kalakuan anu ma'ima'.

2 TIMOTIUS 3:10

Panyo beleyum nontulutimo to aja-ajalanku, kalakuanku, ka' patuju nu kantumuu'anku. Beleyum nosi toamo mosia na aku totu-totu'u palesaya hi Yesus Kristus ka' mongkalibosi sangko mian. Beleyum mule' monsumbu' kasabalan ka' kahosonan nu kinyonyoangku.

2 TIMOTIUS 4:2

Tionyo ahi' beleyum saja' mompolele lele lengkat mae hi Tumpu Allah aijo', ka' sabole-bole opoita da mian mohongo pa' aha mongka'oho', kabai madi'. Tionyo ahi' beleyum bala usaha da mian palesaya totu-totu'u, mompoto'i kasala'an ka' mongkakeha'i aha. Pagala osabalakon na mongajan mian.

TITUS 2:7

I uno nu iwi-iwi na han, tionyo ahi' beleyum timbali sonto' nu kalakuan anu ma'ima'. De beleyum mongajan, beleyum tionyo ahi' jujun ka' totu-totu'u na kinyonyoa.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 YOHANES 3:18

To Ana-anakku! Boli mongkalibosi ola i nganga' kabai ola i potatae. Tionyo ahi' kita mongkalibosi nu kalibosan anu totu-totu'u, anu oponyata' i palabuatanto.

TO MIA-MIAN KOPIAN 16:15

Lapas aijo' i Delila notataemo hi ia, “Ha, beleyum notatae tukooyum nu kalibosi na aku padahan kinyonyoa nu beleyum madi' totu-totu'u hi belengku! Pintolunmo na beleyum monggagau' aku, ka' sampe uuka aiya beleyum mule' madi' mongka'oho' mompoto'i kadaka' beleyum talalo mahoson.”