2 KORINTUS 6:4 - KITAB NU TUMPU ALLA LELE MA'IMAI'

⁴ Panyo ola ahi' i uno nu iwi-iwi' na han, kami mompotoa saba' kami te to posa-posaihon nu Tumpu. Kalana sagala lupa na kasansala'an anu ingoa'an sinabaanakonmo mami:

2 KORINTUS 6:4 ပူးပေါင်းရင်းမြစ်များ

YESAYA 61:6

Belemiu osanggohije posaihon nu Tumpu ka' osanggohimo imam nu Tumpunto. Belemiu mongoa'ije kakaya'an nu to bansa-bansa ka' bilahimo kalana halata' nu aha.

YOËL 1:9

Gandum ka' anggur i nokangkanmo i Laigan nu Tumpu. Sahingga lewa'mo nohangi na to imam-imam, anu mohongo-hongo hondo mombau palentah nu Tumpu.

YOËL 2:17

Pokau na to ima-imam anu montuluti palentah nu Tumpu, haangmo atina' i olot nu mezbah ka' i gandalia i ahop, ka' motatae, “Kalibosi na mian anu palesayamo hi Belento boli opojohok na anu nu belento dumo timbali anu moko ambang.” Sahingga to bansa-bansa sangga'at monsindin ka' motatae, “Iya mae na Tumpu nu aha?”

LUKAS 21:19

De komiu moko tahan ka' sabaan, komiu saidi' mae salamat.”

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

SISIKON NU TO RASUL-RASUL 2:22

To Utu-utus mian nu Israel! Hongo apaa na anu ku taloakon aiya: I Yesus mian nu Nazaret aijo' binee'anmo kalaja nu Tumpu Allah bau kapentingan nu kita utus. Aijo' nyata' hondo i anu okabangangi ka' hahan anu daka', apaa na anu binau nu Tumpu i totonga' miu hi Yesus aijo'. Iwi-iwi' aijo' posi kita utus nonsumbu'mo.

SISIKON NU TO RASUL-RASUL 20:34

Posi kita Utus monsumbu'mo, saba' ola posi lawengku na bakalaja bau pomposukup kapalaluanku ka' to sanga-sangalungku anu mombatuki aku.

SISIKON NU TO RASUL-RASUL 9:16

Ka' Ku potoaje hi ia iwi-iwi' na kasansala'an anu tionyo nu oa'i kalana Aku.”

ROMA 14:18

Mian anu mohongo-hongo apaa na anu pinalentahkonmo i Kristus susumo aijo', mian aijo' momposanangmo kinyonyoa nu Tumpu, ka' nu angga'i nu to mia-mian sangga'at.

ROMA 16:10

Salan do'angku hi Apeles. Tinoamo na bukuti'nyo ia tulu-tulutan hondo hi Kristus. Salan do'angku suele hi sampoto utusan i Aristobulus,

ROMA 3:5

Panyo de ka'adinan nu Tumpu konyata-nyata'nyomo, kalana kita mombau anu madi' totu'u, apaa na anu ka'oho' otaloakonto? Tebolong Tumpu madi' adin de ia mohukum kita? (Memang anu opokilawa aiya, pantas de susumo mian.)

ROMA 5:8

Panyo Tumpu mompotoa liibos-Nyo hi kita tempo'nyo i Kristus sinilaka pontokong kita tempo'nyo kita daagi' baladosa'.

1 KORINTUS 3:5

De o'ala i hondonyo, ihe na i Apolos aijo'? Ka' ihe na i Paulus? Kami ola to posa-posaihon nu Tumpu, anu nompotiju'mo hi komiu da palesaya hi Kristus. Kami ola mompojalanakon kalaja anu pinotoong nu Tumpu hi kami toto samian.

1 KORINTUS 4:1

Kami aijo'mo to posa-posaihon i Kristus anu mangaku mompolele tanga'an nu Tumpu anu ma'isa sinumbu' nu dunia.

1 KORINTUS 9:11

Kami nonsaumo bine' nu santuu' i uno nu kantumuu'an miu. Jadi de kami mompadakmo te balakat sumo to bala-balang hi komiu, te aijo' kami monggaganmo talalo manjoo' hi komiu?

2 KORINTUS 11:23

To posa-posaihon i Kristus ugaat na aha? De ohongo aku sumo anu i ningkotmo na pikilan, panyo aku memang posaihon anu lebe ma'ima' molingkudui aha iwi-iwi'! Aku mokalaja lebe makeke, aku lebe saja' oposoop i uno nu talungku', aku lebe saja' hondo sinakisa, ka' toto minsan mompai patemo.

2 KORINTUS 11:27

Aku mokalaja totu-totu'u nongusahakon mompai patemo: toto minsan madi' hoyot, madi' mongkaan, madi' monginum, saja' mongintim ohop, mabakin kalana madi' sukup na baju' ka' madi' ko tampat kajojoongan.

2 KORINTUS 11:9

De tempo'nyo aitu aku kinakulanganmo, aku madi' toho' nomposusa' samian pe'e itina' hi komiu. Iwi-iwi' na anu kupalalui tinoukan mae nu to Utu-utus anu tinoka lengkat mae i Makedonia. Pagala pinimpalianku ima-ima' da aku madi' momposusa' komiu i uno nu han mau mule' pa' apaa, ka' saja' kupimpali da sabole-bole sumo aijo'.

2 KORINTUS 12:10

Jadi, lame' na aku i han anu madi' ku poko ala. Aku mule' lame' de kalana i Kristus aku lewa' opobau-bau, aku nonta'up kasusa'an, pinotoitumputan ka' aku nongoa'i kasusa'an madi'mo nahoson. Kalana de aku madi'mo moko ala saba' i kiijo'je na tempo'nyo aku mongoa'imo mahoson.

2 KORINTUS 12:12

Anu okabangangi tiba hahan anu madi' ko anu mongkakanai tiba kalaja anu toto daka-daka', pinotoamo hi komiu i uno nu kasabalan da mompobukuti'i saba' aku samian na rasul.

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.

2 KORINTUS 3:6

Iamo na nompotimbali kami da moko ala timbali posaihon i palajanjian anu bu'ou; palajanjian anu lengkat hi Roh nu Tumpu Allah, misa' anu tuli-tulis i atulan. Kalana anu tuli-tulis aijo' momboa kapatean, panyo Roh nu Tumpu aijo' mombee'i kantumuu'an.

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

2 KORINTUS 4:2

Kami madi' mompake hahan anu oposuluk ka' mongambangi. Kami madi' mongka'oho' mokalaja mongakali kabai monggeo-geo'akon potatae nu Tumpu. Hodi-hodi' na kinyonyoa mami mohongo-hongo apaa na koonyo nu Tumpu mombatuki pongka'oho'-Nyo. Mokonyo aijo' o'inde'i mami da mian iwi-iwi' mompopikilakon kami ima-ima' i uno nu kinyonyoanyo.

2 KORINTUS 4:8

Iwi-iwi'mo na han baumo pompahantuda'akonan kami, panyo kami madi' momosia. Mingkotmo na pikilan mami, panyo kami madi' ma'osa.

2 KORINTUS 7:11

Soba po'inau'akon miu apaa na hasinnyo hi komiu nu kalibosan anu mo'imboa kahanda' nu Tumpu! Hasinnyo aijo'mo komiu totu-totu'u bala usaha da mompokopiani anu ma'idek! Komiu mongka'idekimo dosa', komiu mabuhukmo, komiu molibosmo, komiu timbalimo bikas, komiu halala'mo na mohukum anu ko sala'nyo! I uno nu iwi-iwi' na han aiya komiu mompotoamo saba' komiu madi' ko sala'nyo.

KOLOSE 1:11

O'amalakon da kuasa anu lengkat mae hi Tumpu anu talasanggo, komiu opohoson, sahingga komiu moko ala sabaan na mongoa'i sansala i han iwi-iwi', ka' sabaan ka' sanang na kinyonyoa

KOLOSE 1:24

Uuka aku sanang na mongoa'i sansala kalana komiu. Kalana sansala anu ingoa'anmo nu butongku, aku momposampa'mo apaa na anu tionyo daagi' nu oa'i i Kristus kalana jama'at-Nyo, aijo'mo butong-Nyo.

1 TESALONIKA 3:7

Aijo' na sababnyo to utu-utus i uno nu kasusa'an iwi-iwi' ka' kasansala'an mami, kami ingindeeke'mo nu lele anu lengkat mae hi komiu. Palesaya miu hi Kristus nomposanangmo kinyonyoa mami,

1 TESALONIKA 5:14

Opoita mami mule' hi to Utu-utus, pokinde'i ma'i-ma'ima' na mian anu madi' mongka'oho' mokalaja; posanang na kinyonyoa nu mian anu mabuhuk; tulungi na mian anu palalu otulungi, ka' sabaan kona hi mian iwi-iwi'.

1 TIMOTIUS 2:15

Mau mule' sumo aijo', boune salamat na mohampeakon anak, asan ia ta'aluk na kinyonyoa tataap palesaya hi Kristus ka' tataap mongkalibosi mian sangga'at ka' tumuu' samata-mata kalana kapentingan nu Tumpu.

1 TIMOTIUS 4:6

De beleyum mongajanakon iwi-iwi' aijo' hi to Utu-utus anu sampo palesaya, beleyum timbalimo posaihon i Kristus Yesus anu ma'i-ma'ima' na mokalaja. Ka' beleyum tionyo ahi' saja' mompokopiani isi nu kinyonyoa nu beleyum nu potatae nu Tumpu Allah anu opalesayanto, ka' mule' to panga-pangajalan anu totu'u, ka' anu tinulutanumo sumo uukamo na kopinnyo.

1 TIMOTIUS 6:11

Panyo beleyum atina' anumo nu Tumpu, jadi beleyum tionyo matikojo'on i han iwi-iwi' aijo'. O'usahakon da timbali mian anu totu'u i mata nu Tumpu, anu tulut hi Tumpu, palesaya hi Kristus, mongkalibosi sangko mian, sabaan i uno nu mongoa'i sansala, ka' mingkalakuan ma'ima' na kinyonyoa.

2 TIMOTIUS 1:8

Mokonyo aijo' boli ma'ambang na mombee'i katalangan mongkona Tumpunto, ka' boli mongka'ambangakon aku, anu tinalungku' kalana Ia. Panyo ahi' tionyo beleyum tiba kahosona anu lengkat mae hi Tumpu suele mongoa'i sansala kalana Lele Ma'ima' aijo'.

2 TIMOTIUS 2:24

Mian anu mokalaja bau kapentingan nu Tumpu, madi' patut painggaga; ia tionyo ahi' motatae ma'ima' hi iwi-iwi' na mian, ka' timbali mongajan mian ma'i-ma'ima' ka' sabaan.

2 TIMOTIUS 4:5

Maumo sumo aitu beleyum tionyo mongkuasai posi butongum i uno nu ka'ada'an maumo pa' mosia. Sabaalakon na kasansala'an, baumo na kalajaum salaku anu mompolele Lele Ma'ima' aijo', ka' opojalan ma'i-ma'ima' na kalajaum salaku mian monjalanakon palentah nu Tumpu.

IBRANI 12:1

Yo de hi kita, manjoo' hondo aiya hi kita na sakisi! Kalana aijo', imbo' da o'alintomo iwi-iwi' na anu mompiboati ka' dosa' anu saja' maningkampit hi kita. Ka' imbo' na kita da sabaan na mombatuki baku lebee anu aiyamo i ahopto.

ANU PINOTO'I HI YOHANES 1:9

Aku i Yohanes, utus miu anu suele sumo belemiu i uno nu kasansala'an salaku mian anu pinalesayamo hi Kristus. Kita tionyo ahi' sabaan na mongoa'i kasansala'an salaku mian, anu Iamo na tumpu-Nyo. Aku ingalin nokiijo' i togong nu Patmos kalana aku nompolelemo potuunon lengkat mae hi Tumpu, anu pinohosonmo na kinyonyoangku nu han anu binaumo i Yesus.

ANU PINOTO'I HI YOHANES 3:10

Kalana belemiu nontulutimo palentah-ngKu da totu-totu'u na kinyonyoa, Aku suele monjagaije komiu i tempo' nu kasusa'an anu mongkona songko-songko na dunia. Han aijo' saidi' mae timbali da monsobai iwi-iwi' na mian i dunia.