2 KORINTUS 6:2 - KITAB NU TUMPU ALLA LELE MA'IMAI'

² I uno nu Kitab nu Tumpu, Tumpu notataemo, “I tempo' anu kinaima'an-Kumo, Aku nohongomo beleyum, ka' i sinaa kasalamatan, Aku nontulungimo beleyum.” Tutugi ima-ima', uukamo aiya na tempo' anu Ku ka'ima'i aijo'. Uukamo aiya na sinaanyo bau pomposalamatan!

2 KORINTUS 6:2 ပူးပေါင်းရင်းမြစ်များ

MAZMUR 69:13

Aku tinimbalimo mian anu lewa' osisik iyaya mae de sihukmo na mian, ka' mule' nyanyian nu to mia-mian anu lewa' malangu mongaku aku.

YESAYA 49:8

Tumpu notataemo hi mian anu palesayamo hi Ia, “De Aku situjumo, Aku montaamimo; de tokamo isinaanyo nu Aku momposalamatmo, Aku montulungimo belemiu. Belemiu Ku lindungimo ka' Kujagaimo, ka' Ku potimbalimo palajanjian hi to bansa-bansa. Po ule'mo Ku bau na lipu' anu iliingmo hondo timbalimo tano' pusaka' anu ojojoongimo.

YESAYA 61:2

Ia nonsaimo aku da mompolele saba' tokamo na tempo'nyo Tumpu momposalamatmo; da mohase'mo iwi-iwi' na mian anu sinusa'mo ka' mombalosakon mo sampobali' nu aha;

LUKAS 18:37

“I Yesus, mian nu Nazaret aijo', notulu,” tinaeakon nu aha hi ia.

LUKAS 4:19

ka' mompolele tempo' katokaan nu Tumpu momposalamat mian anu palesayamo hi Ia.”

IBRANI 3:13

Jadi, da madi' ko samian pe'e anu itina' hi komiu na nu akali nu dosa' sahingga panggagamo hi Tumpu, tionyo ahi' komiu mompaha poki-pokinde'i sansina-sinaa de kita daagi' tumuu' i uno nu tempo' anu sinanggo-Nyo “Sinaa Aiya” i uno nu Kitab nu Tumpu.

IBRANI 3:7

Kalana aijo', susumo koo-Nyo nu Roh nu Tumpu, “De sinaa aiya komiu mohongomo potatae nu Tumpu, bolimo komiu panggaga, susumo mompolee' miu, tempo'nyo aha notomuhukmo hi Tumpu, ka' nonsobaimo Tumpu i padang bone'.

IBRANI 4:7

Kalana Tumpu nontantukanmo sa'angu' na sinaa sangga'at mule', anu osanggohi “Sinaa Aiya”. Motau-taunmo na Tumpu nompoto'i han aijo' hi Daud, i uno nu ayat anu ingala ka' tinulis u'uka aijo', “De sinaa uuka komiu mohongomo potatae nu Tumpu, bolimo komiu panggaga.”