2 KORINTUS 6:16 - KITAB NU TUMPU ALLA LELE MA'IMAI'

¹⁶ Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

2 KORINTUS 6:16 ပူးပေါင်းရင်းမြစ်များ

1 TOMU-TOMUNDO' 18:21

Lantas i Elia nokiijo'mo hi mian da'isan ka' notatae, “Sampe toka hipian na tempo'nyo belemiu daagi' sabole-bole tataap mompo'ohua' kinyonyoa? De Tumpu aijo', Tumpu Allah, osombah na Tumpu! De Baal aijo' Tumpu Allah, osombah na Baal!” Mian da'isan anu sinilimu' i kiijo' ola nomohokot.

MAZMUR 90:1

Doi i Musa, posaihon nu Tumpu. O, Tumpu, Belentomo na bau pihohungan mami molundu-lundu na tulunan mami.

NOSABATMO 20:3

Boli monsombah to pilo-pilogot sangga'at, ola Aku na osombah.

NOSABATMO 23:13

O'intomakon iwi-iwi' apaa na anu tinaloakon-Kumo hi belemiu. Boli monsombah to pilo-pilogot sangga'at, monsanggo pe'e sanggonyo madi' timbali.”

NOSABATMO 25:8

Pokau na bansa aijo' mombau sa'angu' na kemah ponsomban Aku, da Aku jojoong hi aha.

NOSABATMO 29:45

Aku jojoongmo hi aha bansa Israel ka' timbalimo Tumpu Allah nu aha.

NOSABATMO 34:14

Boli monsombah pilogot sangga'at, kalana Aku, Tumpu, te Tumpu Allah anu madi' mongka'oho' opokakanakon tiba mau mule' pa' apaa.

YEREMIA 24:7

Aku mosu'an, misa' monggautakon aha. Aku mombee'i hi aha da ko kahanda' mangalati', taalu' Akumo ahi' aijo' na Tumpu. Sahingga aha timbalimo mian anu palesayamo hi beleng-Ku, ka' Aku timbalimo Tumpu Allah nu aha, kalana po' ule'mo mae na aha montuluti Aku buke-buke' na kinyonyoa nu aha.

YEREMIA 31:1

Tumpu notatae, “Tokaje mae na tempo'nyo Aku timbalimo Tumpu Allah nu aha iwi-iwi' na tulunan nu bansa Israel ka' aha timbalimo mian anu palesayamo hi beleng-Ku.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 32:38

Aha timbalimo mian anu palesayamo hi Belengku, ka' Aku timbalimo Tumpu Allah nu aha.

YEHEZKIEL 11:20

Sahingga aha montulutimo iwi-iwi na atulan-Ku ka' mule' tulu-tulutanmo ipalentang-Ku iwi-iwi'. Aha timbalimo mian anu palesayamo hi beleng-Ku ka' mule' Aku timbalimo Tumpu nu aha.

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

YEHEZKIEL 36:28

Jadi belemiu jojoongmo itano' anu binee'-Kumo hi mompolee' nu belemiu. Belemiu timbalimo mian anu palesayamo hi beleng-Ku ka' Aku mule' timbalimo Tumpu nu belemiu.

YEHEZKIEL 43:7

“O manusia anu madi' tumuu' batu, aiyamo na kajojoongan-Ku. Aiyamo na tampat kajojoongan-Ku itotonga' nu aha mian Israel ka' mompalentahmo aha sampe toka sidu-sidutu'. Maumo aha kabai to tomu-tomundo' nu aha, madi'mo daagi' mohumimi'i sanggong-Ku anu susi', nu saduakon nu aha monsombahmo pilogot kabai kalana mongkolobanakonmo bangke' nu to tomu-tomundo' nu aha itampat aiya.

YEHEZKIEL 43:9

Panyo otampu'uni uuka aiya aha tionyo ahi' bolimo daagi' monsombah pilogot ka' molalinmo ahi' bangke' nu to tomu-tomundo' nu aha. Lapas aijo' Aku jojoongmo ahi' itotonga' nu aha sampe toka sidu-sidutu'.”

HOSEA 14:8

Aha po ule'mo mae minsusule' hi beleng-Ku ka aha Ku jagaimo. Ka' malia'mo hondo na aha mohumpak kasanangan i uno nu kantumuu'an nu aha sumomo gandum tumuu' i ale' anu tano'nyo ma'omuk, ka' susumo ale' nu anggur susumo uee nu anggur nu Libanon sanggo nu aha talasanggomo i yaya mae.

HOSEA 2:23

Ku bauje na mian-Ku anu palesayamo da tumuu'mo sanang, ka' tataapmo ilipu' nu aha. Kona hi aha anu osanggohi ‘Anu Madi' Okalibosi’ ku potoaje saba aha Kukalibosi ahi', ka' hi aha anu osanggohi ‘Misa' mian-Ku anu palesayamo’ Ku taloakonje, ‘Belemiu mian-Ku anu palesayamo’. Aha montaamije sumo uuka, ‘Beleyumo na Tumpu mami!’ ”

IMAMAT 26:12

Aku monsangaluimo belemiu; Aku timbalimo Tumpu Allah nu belemiu ka' belemiu timbalimo mian anu pinalesayamo hi beleng-Ku.

ZEFANYA 1:5

Ku sapuimo iwi-iwi' ihe na saja' moliba' aita' mae i atop ka' monsombah batu nu sinaa, bitu'on, ka' to manda-mandala'. Saidi' mae Ku hopu'imo na aha anu monsombah Aku ka' mule' binasumpa'mo da tulu-tulutanmo hi beleng-Ku, panyo mule' ahi' binasumpa'mo hi sanggo nu Tominuat Milkom.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

ZAKHARIA 8:8

ka' monsule'akonmo mae aha anu lengkat mae i kabete'an, ka' mule' anu lengkat mae i kinsoban, sahingga aha po ule'mo jojoong i Yerusalem. Aha timbalimo mian anu palesayamo hi beleng-Ku ka' Akumo na Tumpu nu aha. Aku mompalentahmo aha ma'i-ma'ima' ka' mule' adin.”

MATIUS 16:16

I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

MATIUS 6:24

“Madi' ko samian pe'e timbali mokalaja hi ohua' na tuan. Kalana ia lebe mongkalibosi samian molingkudui anu sangga'at. Kabai ia lebe mohongo-hongo hi tuan samian molingkudui sangga'at. Sumo aitu suele na komiu. Komiu madi' timbali mokalaja bau kapentingan nu Tumpu ka' bau kapentingan suele i halata'.

LUKAS 5:36

Lantas i Yesus nonsisikakon hi aha kantuang aijo', “Madi' ko mian montamban baju' mahudemo tiba geat nu hude bu'ou. Kalana ia mombeak baju' anu bu'ou aijo'. Ka' mule' hude pontamban anu bu'ou aijo' madi' mompahakona tiba baju' anu mahudemo.

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 6:56

Mian anu mongkaan butong-Ku ka' monginum baso'-Ku tataap mosa'angu' tiba Aku, ka' Aku tiba ia.

ROMA 8:11

De i Kristus sinilaka, pino tumuu' nu Roh nu Tumpu, tumuu' i uno nu butongum, saba' Ia anu nompotumuu' i Kristus tempo'nyo Ia sinilaka aijo' sueleje mompotumuu' butongum anu timbali silaka aijo'. Ia mombau aijo' nu Roh-Nyo anu tumuu' i uno nu butongum.

ROMA 8:9

Panyo komiu madi' tumuu' mombatuki sipat nu mian. Komiu tumuu' mombatuki pongka'oho' nu Roh nu Tumpu – de memang, Roh nu Tumpu totu-totu'u montoongi kuasa i uno nu butongum. Mian anu madi' ko Roh i Kristus, mian aijo' misa' i Kristus na tumpunyo.

ROMA 9:26

Ka' i tampat pinontaloakonan hi mian, ‘Komiu misa' mian-Ku anu palesayamo,’ i kiijo' to mia-mian haha aijo' osanggoje to ana-anak nu Tumpu anu tumuu'.”

1 KORINTUS 10:21

Komiu madi' timbali monginum i galas nu anggur nu Tumpu, ka' mule' suele i galas nu anggur nu roh ma'idek. Komiu madi' timbali mongkaan i meja' nu Tumpu tiba i meja' suele nu roh ma'idek.

1 KORINTUS 6:19

Tionyo ahi' osumbu' miu saba' butong miu kajojoongan nu Roh nu Tumpu. Roh aijo' jojoong i uno nu butong miu. Ka' posi Tumpu na nombee' Roh aijo' hi komiu. Butong nu kita Utus, misa' kita na tumpunyo. Aijo' Tumpu na tumpunyo.

EFESUS 2:20

Komiu mule' pinotinjomo i patikokoan anu binaumo nu to rasul-rasul, ka' to nabi-nabi, ka' i Kristus Yesusmo na salaku batu mahoson pinompokokoan.

EFESUS 2:22

Kalana tumuu' nosa'angu'mo tiba i Kristus, komiu mule' hau-haunyo pinotinjomo hingga-hinggat tiba to mia-mian sangga'at da timbali sa'angu' na Laigan nu Tumpu; i kiijo' na Tumpu Allah jojoong tiba Roh-Nyo.

EFESUS 3:17

Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan.

PO'ULE' INGULIT 5:7

Boli monsombah pilogot haha aijo' sangga'at. Ola Aku na osombah.

1 TIMOTIUS 3:15

da de aku ma'isa malia' toka nusumbu'mo nu beleyum mosia na kita tionyo ahi' tumuu' salaku sampoto utusan nu Tumpu, aijo'mo jama'at nu Tumpu anu tumuu'. Aiyamo na jama'at anu sumo salaku ahi' montinjohakon ka' ponsoko pangajalan anu totu'u lengkat mae hi Tumpu.

2 TIMOTIUS 1:14

Kalana tulungan nu Roh nu Tumpu anu tinumuu'mo i uno nu kantumuu'anto, tionyo ahi' nu jagai nu beleyum ima-ima' na hahan anu ko halaga'nyo, anu pinalesayakonmo hi beleyum.

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

IBRANI 8:10

Panyo uuka aiya, aiyamo na palajanjian anu Ku baumo tiba mian nu Israel, i sina-sinaa anu tokaje mae, koonyo nu Tumpu: Aku monguna'mo atulan-Ku i uno nu pikilan nu aha, ka' montulismo i kinyonyoa nu aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

YAKOBUS 4:5

Boli monsangka Kitab nu Tumpu notatae madi' ko sababnyo, “I uno nu butongto Tumpu nompojoongmo roh anu madi' opoko gagakon na pongka'oho'nyo.”

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.

1 YOHANES 4:12

Madi' ko samian pe'e na anu toho'mo nontoa Tumpu, panyo de kita mompaha kali-kalibosi, Tumpu mosa'angu'mo tiba kita, ka' kalibosan-Nyo ganaapmo i butongto.

1 YOHANES 4:15

Ihe na mongakui tukoonyo i Yesus aijo' Anak nu Tumpu, Tumpu tumuu' nosa'angu'mo tiba mian aijo', ka' mian aijo' suele tumuu'mo mosa'angu' tiba Tumpu.

ANU PINOTO'I HI YOHANES 2:1

“Toka hi malaikat anu kiijo' i jama'at nu Efesus, tulismo sumo uuka: Aiyamo na potuunon lengkat mae hi Ia anu montoongi popi-popitu' na mandala' i lima koanan-Nyo, ka' i lumajang i olot nu popi-popitu' na tengke nu sulu' mosoni' aijo'.

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.

ANU PINOTO'I HI YOHANES 21:7

To mia-mian anu inguntungmo i uno nu kasabalan montalimaje hahan aijo' hi Beleng-Ku. Aku timbalimo Tumpunyo, ka' ia timbalimo anak-Ku.