2 KORINTUS 6:14 - KITAB NU TUMPU ALLA LELE MA'IMAI'

¹⁴ Boli mongka'oho' timbali sangalu nu to mia-mian anu madi' palesaya hi Yesus; aijo' madi' sosok. Iya na toho' ka'ima'an mosa'angu' tiba ka'idekan! Madi' toho' jingka maninggalo' tiba pintung.

2 KORINTUS 6:14 ပူးပေါင်းရင်းမြစ်များ

1 KORINTUS 15:33

Boli o akali! Po'imboan anu ma'idek mongidei kalakuan anu ma'ima'.

1 KORINTUS 10:21

Komiu madi' timbali monginum i galas nu anggur nu Tumpu, ka' mule' suele i galas nu anggur nu roh ma'idek. Komiu madi' timbali mongkaan i meja' nu Tumpu tiba i meja' suele nu roh ma'idek.

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?

IMAMAT 19:19

Otuluti na palentah-ngKu haha aiya. Boli mompo'osoakon potuu'on anu misa' gampanyo. Boli mosu'an ohua' na ngahan nu anu osu'an i sa'angu' na ale'. Boli mompusok baju' anu tinonun ohua' na ngahan nu banang.

1 KORINTUS 5:9

I uno nu sulatku anu u'utu mae, aku nompoto'imo hi komiu da boli mosangalu tiba mian saja' masala'.

MAZMUR 106:35

Pakalaus aha mule' no'osoamo tiba to bansa-bansa sangga'at haha aijo', ka' aha nontihomo kabiasa'an nu mian anu madi' monsumbu' Tumpu.

1 TOMU-TOMUNDO' 18:21

Lantas i Elia nokiijo'mo hi mian da'isan ka' notatae, “Sampe toka hipian na tempo'nyo belemiu daagi' sabole-bole tataap mompo'ohua' kinyonyoa? De Tumpu aijo', Tumpu Allah, osombah na Tumpu! De Baal aijo' Tumpu Allah, osombah na Baal!” Mian da'isan anu sinilimu' i kiijo' ola nomohokot.

AMSAL 22:24

Bolimo mosangalu tiba mian anu mongka'ima'i pusa ka' sampa pusa.

FILIPI 2:15

Tiba jalan anu sumo aijo', komiu mompotoamo saba' komiu to ana-anak nu Tumpu anu madi' ko alunyo, anu tumuu' madi' baleko' ka' madi' geguan hi aha mian anu ma'idek ka' baladosa'. Ka' de komiu monsisikmo hi aha lele anu mombee'i kantumuu'an, tionyo ahi' komiu toka hi aha timbali sumo jingka anu jongkilaban monjingkai dunia. De komiu tumuu' sumo aijo', atina'je ka' aku mongoa'i sanang hi komiu de tempo'nyomo i Yesus Kristus mompo'ule'mo toka. Aijo' na bukuti'nyo saba' usahangku madi' pinalasuma ka' usahangku kino hasinnyomo.

MALEAKHI 2:11

Mian nu Yehuda nolanggaimo palajanjian nu Tumpu tiba aha ka' nombaumo hahan anu okabuhuk hondo kiijo' i Yerusalem ka' mule' isongko-songko na lipu'. Aha nohumimi'imo Laigan nu Tumpu anu nunu ka'ima'i ka' mule' no'osoamo tiba to bou-boune anu monsombah to pilo-pilogot nu bansa sangga'at.

AMSAL 29:27

Mian anu manonong madi' mongka'ima'i mian anu ma'idek na kinyonyoanyo; mian anu ma'idek na kinyonyoanyo mongka'ideki mian anu manonong.

MAZMUR 119:63

Aku mobela' tiba iwi-iwi' mian anu tulu-tulutan, iwi-iwi' na mian anu mombau palentah nu Belento.

YOHANES 7:7

Dunia aiya madi' toho' mongka'ideki komiu. Panyo Aku memang nu ka'ideki nu dunia, kalana Aku saja' montaloakon i dunia kalakuannyo aijo' ma'idek.

MALEAKHI 2:15

Temisa' Tumpu Anu olamo ahi' sa'a-sa'angu'nyo nompotimbalimo belemiu sa'a-sa'angu'nyo na butong, sa'a-sa'angu'nyo na santuu' tiba boune aijo'? Apaa na nu kahanda'i nu Tumpu i potatae aijo'? Madi' ko sangalasannyo alati'nyo da belemiu mohumpak to anak-anak anu timbali mian anu anu palesaya hi Tumpu anu sahondo-hondonyo ahi'. Jadi ojagai ahi' na butong nu belemiu, da boli ko anu atina' hi belemiu na madi' mompalakai bengkele'nyo.

1 KORINTUS 7:39

Samian na boune anu mo'osoamo totoongmo hi langkai'nyo, de langkai'nyo daagi' tumuu'. De langkai'nyo silakamo, boune aijo' bebasmo na mo'osoa mule' tiba mian anu nuka'ima'i, asan po'osoan aijo' po'osoan nu Kristen.

NOSABATMO 34:16

De to ana-anak nu belemiu mo'osoamo tiba to bou-boune anu i salipu'an, aha nusale'imo nu boune haha aijo' da opala'imo na Aku ka' monsombahmo pilogot haha aijo' nu aha.

MAZMUR 16:3

Ku angga'i hondo na to mia-mian anu susi' i lipu' aiya; anu ku ka'ima'i hondo aijo'mo jojoong hingga-hinggat tiba aha.

EZRA 10:19

Aha nojanji'mo mongga'atakonmo bengkele' nu aha, lantas aha nonsombahkonmo domba lakinyo anu okolobanakon bau pongampuni dosa' nu aha.

2 TAWARIKH 19:2

samian na nabi sanggonyo i Yehu anak i Hanani tinokamo mae nangadap hi Tomundo. Koonyo nu nabi ai-aijo' hi ia, “Madi' minsoop i akan na belento Tomundo montulungi mian ma'idek ka' monsangaja'i mule' mian anu mongka'ideki Tumpu? Apaa na anu binaumo nu belento Tomundo, aijo' non saduakonmo i Tomundo tinambuha'anmo nu Tumpu.

SISIKON NU TO RASUL-RASUL 4:23

Salatan i Petrus ka' i Yohanes pinobebasmo, aha ninsusule'mo hi to sanga-sangalu nu aha ka' nonsisik iwi-iwi' anu tinaloakonmo nu to kapa-kapala nu imam ka' to pola-polaya' nu Yahudi hi aha.

KAJADIAN 24:3

Basumpa' hi Tumpu, Tumpu Allah anu mongkuasai langit ka' tano', saba' beleyum madi' molioi bengkele' i Ishak anakku hi to mia-mian i tano' nu Kana'an aiya.

1 KORINTUS 6:6

Panyo ola mule' ko mian Kristen anu mamba hi anu misa' Kristen kahanda' mongkalaak palakalanyo mongkona Utusnyo anu Kristen!