2 KORINTUS 6:10 - KITAB NU TUMPU ALLA LELE MA'IMAI'

¹⁰ Mau mule' kinyonyoa mami oposusa', panyo kami saja' ahi' lame'. Kami otoa kasiasi, panyo kami nompotimbalimo manjoo' na mian kinayamo. Otoa kami madi' ko apa-apaa, panyo sabenannyo iwi-iwi' daagi' hi kami.

2 KORINTUS 6:10 ပူးပေါင်းရင်းမြစ်များ

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

AMSAL 13:7

Daagi ko mian anu mingadi-adi' mian anu kaya padahan madi' ko halata'nyo; daagi ko anu mingadi-adi' kasiasi padahan talalo ahi' kaya.

AMSAL 16:16

Mohumpak kapandean bapikin nu lingkudui na mohumpak mosini'; mohumpak ilimu' lebe ko angga'nyo nu lingkudui na mohumpak salaka.

MATIUS 5:12

To nabi-nabi anu tinumuu' ma'isa pe'e kino komiunyo sinakisamo sumo aijo'. Oposanaang ka' opolame' na kinyonyoa, saba' daka' na tamboo anu pinosadiakon nu Tumpu bau bagi miu.”

MATIUS 5:4

Bila-bilahi na mian anu mongoa'i susa' na kinyonyoanyo; Tumpu mongindeko'je aha!

LUKAS 6:21

Bila-bilahi na komiu anu mo'ohop uuka aiya; komiu opobosuje! Bila-bilahi na komiu anu humaang uuka aiya; komiu kumojoje!

YOHANES 16:22

Sumo aitu mule' na komiu: Uuka komiu susa' na kinyonyoa, panyo Aku singkabotje mule' tiba komiu, sahingga kinyonyoaum po'ule'je lame'; ka' madi' ko samian pe'e na moko ala kalame'an aijo' i kinyonyoaum.

SISIKON NU TO RASUL-RASUL 16:25

Kila-kila tonga' pahu, i Paulus ka' i Silas hau-haunyo balado'a ka' nonyanyi mompuji-puji' Tumpu. To mia-mian nu talungku' sangga'at hau-haunyo mompotombihing aha manyanyi.

SISIKON NU TO RASUL-RASUL 3:6

Panyo i Petrus notatae hi ia, “Aku madi' hondo ko doi. Panyo apaa na anu daagi' hi belengku, aijo' na ku bee' hi beleyum: Tiba kuasa i Yesus Kristus mian nu Nazaret aijo', lajangmo!”

SISIKON NU TO RASUL-RASUL 5:41

To rasul-rasul haha aijo' nompala'imo Mian Kopian Daka' nu Agama ka' ilame'mo kalana Tumpu nonganggapmo aha patut mohumpak potatae anu ma'idek kalana i Yesus.

ROMA 11:12

Kalana bansa Yahudi nombaumo sala' ka' madi'mo nohongo-hongo pongka'oho' nu Tumpu, sahingga bansa-bansa sangga'at binalakatanmo nu Tumpu. Apaa mule' de pompahasumbu'an nu bansa Yahudi tiba Tumpu nompo'ule'mo na'ima'; tantu lebe daka' na balakat anu Nubee' nu Tumpu!

ROMA 12:15

Suele lame' tiba to mia-mian anu lame'. Ka' humaang tiba mian anu humaang.

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

ROMA 9:2

Aku talalo susa' tibaa kinyonyoangku talalo mongoa'i sansala

1 KORINTUS 1:5

Kalana komiu i Kristusmo na tumpunyo, sahingga kantumuu'an miu kaya i uno nu iwi-iwi' na han. Kapandean miu mongkona iwi-iwi' na han talalo matangkas, ka' komiu pande na mompogulu' kapandean aijo'.

2 KORINTUS 2:4

Maboat ka' molibos na kinyonyoangku montulis sulat toka hi komiu ka' saja' monjujuhakon lolu'. Kahanda'ku misa' da komiu molibos, panyo da osumbu' miu taalu' aku talalo hondo mongkalibosi komiu.

2 KORINTUS 4:15

Iwi-iwi' aijo' bau kapentingan. Kalana lebe manjoo' na mian mongoa'i kalibosan nu Tumpu, mompaka lebe manjoo' mule' suele na do'a pontalima kase anu opotoka hi Tumpu; jadi desumo aijo' Tumpu opopodaka'mo.

2 KORINTUS 4:7

Panyo halata' nu rohani anu ma'ima' hondo aijo' oboa i butong mami anu madi' ko olinyo aiya anu tano' na binau. Jadi desumo aijo' nyata'mo taalu' kakuasa'an anu daka' aijo' una-una' hi Tumpu misa' hi kami.

2 KORINTUS 8:9

Kalana osumbu' miu hondo kita talalo nukalibosi i Yesus Kristus Tumpunto. Ia kaya, panyo Ia nompotimbalimo butong-Nyo kasiasi kalana kapentingan miu da kalana Ia kinasiasimo aijo', komiu timbalimo kaya.

EFESUS 3:16

Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

FILIPI 2:17

Ugaat aku saidi' mae opateimo ka' baso'ku timbalimo sumo kuluban anu obubusakon i bawo nu anu osombahkon komiu hi Tumpu Allah salaku sa'angu' na tanda saba' komiu pinalesayamo hi Ia. De memang aijo' tionyo sumo aijo', aku montalima kase i han aijo' ka' lame'mo hingga-hinggat tiba komiu.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

KOLOSE 1:24

Uuka aku sanang na mongoa'i sansala kalana komiu. Kalana sansala anu ingoa'anmo nu butongku, aku momposampa'mo apaa na anu tionyo daagi' nu oa'i i Kristus kalana jama'at-Nyo, aijo'mo butong-Nyo.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

1 TESALONIKA 1:6

Komiu mombatukimo sonto' mami, ka' sonto' nu Tumpu. Mau mule' komiu talalo mongoa'i sansala, otalima miu nu lame' na lele anu opolele hi komiu. Kalame'an aijo' binee' nu Roh nu Tumpu.

1 TESALONIKA 5:16

Tionyo ahi' komiu saja' lame',

1 TIMOTIUS 4:8

Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.

1 TIMOTIUS 6:18

Poita hi aha da mompotoa ka'ima'an, da manjoo' na mombau hahan anu ma'ima', manonong, ka' mongka'ima'i mobagi.

IBRANI 10:34

ka' komiu suele lewa'mo nonginau' kasusa'an nu mian anu tinalungku'mo. Ka' tempo'nyo iwi-iwi' na anu miu ingagoanmo, komiu madi' notambuha', kalana osumbu' miu, daagi' ko apa-apaa anu lebe ma'ima' itina' hi komiu anu montahan sampe toka sidu-sidutu'.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

1 PETRUS 4:13

Ola ahi' komiu sabenannyo mongoa'i sanang kalana sansalamo hingga-hinggat tiba i Kristus. Sahingga de saidi' mae katalasanggoan i Kristus opotoamo, komiu balame-lame'je.

ANU PINOTO'I HI YOHANES 2:9

Ku sumbu' na kasusa'an-kasusa'an miu; Ku sumbu' na komiu kasiasi panyo anu sahondo-hondonyo ahi' komiu kaya! Ku sumbu' na to pita-pitana' anu pompitana'i komiu nu to mia-mian anu mongakui butongnyo mian nu Yahudi, padahan misa'; aha atina'mo na mian nu Ibilis!

ANU PINOTO'I HI YOHANES 21:7

To mia-mian anu inguntungmo i uno nu kasabalan montalimaje hahan aijo' hi Beleng-Ku. Aku timbalimo Tumpunyo, ka' ia timbalimo anak-Ku.