2 KORINTUS 4:9 - KITAB NU TUMPU ALLA LELE MA'IMAI'

⁹ Manjoo' na anu monsampobali kami, panyo madi' toho' kami oposi pala'i. Ka' mau mule' toto minsan kami obanda sampe tohumpuk panyo kami madi' mate.

2 KORINTUS 4:9 ပူးပေါင်းရင်းမြစ်များ

AYUB 22:29

Mian anu saja' mohangka-hakgat butongnyo nutauakon nu Tumpu, panyo anu madi' lewa' mohangka-hangkat butongnyo nu posalamat nu Tumpu.

MAZMUR 129:2

“Aku sinakisamo nu mian anu nonsampobali' mae salatanmo pe'e aku daagi' olitau, panyo aha madi' noko ala nompatundu' aku;

MAZMUR 22:1

Anu mongkapalai panyanyi. Lagunyo ingala i lagu nu nyanyian: Jonga de sinaa tolohinsi'mo mae. Mazmur i Daud.

MAZMUR 37:28

Kalana Tumpu na mongka'ima'i ahi' palabuatan anu ma'ima' ka' adin, mian anu tulu-tulutan hi Ia madi' ola Nu pojohok tumuu' susa'. Ia monjagai aha sampe toka sidu-sidutu', panyo lee' nu mian anu ma'idek na kinyonyoanyo na opateimo ahi'.

MAZMUR 42:11

Kinyonyoangku nohintutumo hondo kalana sola'mo mae nu kokojoi nu sampobali', Aha saja'mo mae mompokilawa, “Iyamo mae na Tumpu nu beleyum?”

MAZMUR 42:5

Kinyonyoangku susa'mo de tonginau'mo naipuan mae, salatan aku mambamo i Laigan nu Tumpu, hingga-hinggat tiba mian da'i-da'isan anu mombaumo lamean. Aku ilumajang mamba momona hi aha anu lumajang lame-lame' lewa' montaligalai ka' manyanyi bau pompuji' Tumpu.

MAZMUR 9:10

Tumpu aijo' tampat pinsendo'an nu mian anu sinakisamo, tampat pingkongan de kasusa'anmo.

AMSAL 24:16

Kalana, maumo pe'e mian anu madi tageo' na kinyonyoanyo saja' manabu', panyo saja' ia po'ule' mobula. Panyo mule', mian anu ma'idek na kinyonyoanyo timbali hansun totu-totu'u nu balaa' anu montokai ia.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

YESAYA 62:4

Sanggo nu beleyum misa'mo daagi' ‘Anu Pinala'ianmo’, lipu' nu beleyum misa'mo daagi' ‘Anu ilingmo’. Beleyum osanggohimo, ‘Anu nu kalibosi nu Tumpu’, ka' mule' lipu' nu beleyum osanggohimo ‘Anu inaki'mo,’ kalana Tumpu sinitujumo hi beleyum, Ia sumomo ahi' langkai' nu beleyum ilipu' nu beleyum.

MIKHA 7:8

Madi' ko bau pikilan nu aha to sampo-sampobali'to na balame-lame' kalana kita ihansunmo. Kalana maumo ahi' kita pinatundu'mo, panyo kita po ule' ahi' tootinjo. Uuka aiya kita i unomo nu pikat panyo Tumpu na monjingkai mae kita.

HABAKUK 3:17

Maumo kau' ara madi' ko bua'nyo, ka' kau' anggur madi' nimbua' anggur; mau pe'e pontipuanmo zaitun panyo madi' ko apa-apaa na anu ihumpak ka' hasin nu gandum i ale' suele madi'ko anu ihumpak, sadangkan iwi-iwi' na domba inatemo, ka' pangkun nu potuu'on madi'mo ko isinyo,

YOHANES 15:20

O'inau' apaa na anu tinaloakonKumo hi komiu, ‘Botuan madi' lebee daka' molingkudui tuannyo.’ De aha monsakisamo Aku, aha mule' monsakisa suele komiu. De aha mombatuki pangajalan-Ku, aha suele mombatuki pangajalanum.

ROMA 8:35

Apaa daagi' ko anu moko tewa' i Kristus mongkalibosi kita? Pa' kasusa'an timbali montewa', kabai kasansalan, kabai osakisa, kabai tempo' nu susa' i kaanon, kabai kasiasi, kabai balaa', kabai o kapatean?

2 KORINTUS 7:6

Panyo talima kaseh, Tumpu saja' mompohoson kinyonyoa nu mian anu hentemo; Ia nomposanangmo kinyonyoa mami kalana tinokamo na i Titus.

2 TIMOTIUS 3:12

Memang iwi-iwi' mian anu mongka'oho' tumuu' monsombah ka' tumuu' mosa'angu' tiba i Kristus Yesus saidi' mae okabisa'i,

IBRANI 13:5

Boli kantumuu'an miu mongka'ima'i doi na mongkuasai, panyo tionyo ahi' komiu mongoa'i sukupmo tiba apaa na anu daagi'mo hi belemiu. Kalana Tumpu notataemo, “Aku madi' mompojohok kabai mompala'i beleyum.”