2 KORINTUS 4:4 - KITAB NU TUMPU ALLA LELE MA'IMAI'

⁴ Pilogot ide-idek anu mongkuasai dunia aiya nongkulubimo pikilan nu to mia-mian anu madi' palesaya aijo'. Iamo na lewa' molingkang aha da aha madi' montoa jingka nu Lele Ma'ima' aijo' mongkona katalasanggoan i Kristus, anu salaku gambalan nu Tumpu Allah.

2 KORINTUS 4:4 ပူးပေါင်းရင်းမြစ်များ

1 TOMU-TOMUNDO' 22:22

'Mosia na beleyum pagala monsale'i?' na koonyo nu Tumpu. Malaikat aijo' nontaami, 'Aku mamba ka' ku sale'ije na nabi iwi-iwi' da timbali baleko'.' Tumpu notatae, 'Ma'ima'mo de sumo itina', baumo sumo itina', timbalimo nupoko sale'i na ia.’ ”

MAZMUR 50:2

Lengkat mae i Sion kota' anu ma'ima' hondo Tumpu tinokamo mae ka' binalasahayamo.

YESAYA 6:10

Lantas notataemo mae na Ia hi belengku, “Popikokakon na pikilan nu mian haha aijo', pobongonakon na bihingnyo ka' mule' popisokakon na matanyo da aha madi'mo montoa-toa, madi'mo mohongo-hongo kabai madi'mo mangalati' lantas po ule'mo toka mae hi beleng-Ku ka' ma'alinmo.”

MATIUS 13:22

Bine' anu nanabu' i totonga' nu sompinit, sumomo to mia-mian anu mohongo lele aijo', panyo bata-bata mongkona kantumuu'an nu aha, ka' mongka'oho' tumuu' molabi. Kalana aijo' lele anu lengkat mae hi Tumpu, ola o piiti i kinyonyoa nu aha, sahingga madi' mimbua'.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 12:31

Uuka aiya tempo'nyomo na dunia oputusi na palakalanyo; uuka aiya anu mongkuasai dunia aiya otua'akonmo.

YOHANES 12:35

I Yesus nontaami, “Ola sasaingoni' na jingka aijo' daagi' aiya hi komiu. Jadi, lajangmo da tempo' u'uka komiu daagi' ko jingka, da komiu boli nukona nu kapintungan. Mian anu lumajang i uno nu pintung, madi' nusumbu' pa' iyana kalambanannyo.

YOHANES 12:40

‘Ku popisok na mata nu aha, mombau aha mokuut na kinyonyoa; da mata nu aha boli montoa, pikilan nu aha boli monsumbu'. Da aha boli minsusule' mae hi beleng-Ku, lantas Ku po'alinmo na aha.’ ”

YOHANES 12:45

Ka' mian anu montoa aku, montoa ia anu nonsai mae aku.

YOHANES 14:30

Aku madi'mo daagi' basisik lebe manjoo' tiba komiu, kalana tempo'nyomo na kuasa nu dunia aiya toka. Panyo ia madi' mongkuasai butong-Ku.

YOHANES 15:24

De aijo' hi aha, Aku madi' nombau hahan anu ma'isa toho' binau nu mian sangga'at, aha madi' baladosa'. Panyo u'uka aha nontoamo apaa na anu binaung-Ku, ka' aha nongka'idekimo Aku tiba Tuumang-Ku.

YOHANES 16:11

ka' Tumpu momtampu'unimo mohukum, kalana anu mongkuasai dunia aiya i hukummo.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

SISIKON NU TO RASUL-RASUL 26:23

aijo'mo saba' Tomundo' anu Momposalamat anu jinanji'mo nu Tumpu aijo' tionyo mongepe susa', ka' tinimbalimo mian anu momona'nyo po'ule' tinumuu' noko silaka na ia; da kalana aijo' Ia timbali monsisikakon jingka – aitumo kasalamatan – mau hi to mia-mian Yahudi mau pe'e hi to mia-mian anu misa' Yahudi.”

1 KORINTUS 10:20

Apaa na anu sinombahkonmo i tampat koloban bau bagi nu pilogot madi' sinombahkon hi Tumpu, panyo hi to roh-roh ma'idek. Ka' aku madi' mongka'oho' komiu mosa'angu'mo tiba roh ma'idek.

2 KORINTUS 2:11

Kubau sumo aijo' da Ibilis boli mongala kasampatan mongkuasai kita; kalana osumbu'to na tanga'annyo iwi-iwi'.

2 KORINTUS 2:12

Tempo'nyo aku tinoka i Troas kahanda' mompolele Lele Ma'ima' mongkona i Kristus, Tumpu nombuka'mo jalan hi belengku da mokalaja i tampat aijo'.

2 KORINTUS 3:11

De pa'apaa na anu montahan ola sasaingoni' sumo aijo'mo na ko lonyingkabannyo tantu anu montahan sampe toka sidu-sidutu' lebe lonyingkaban mule'.

2 KORINTUS 3:14

Ka' toka sampe sinaa aiya pikilan nu aha daagi' nukukumbungi nu kukumbung de aha mombasa'mo kitab-kitab mongkona janji' anu pini-pininmo aijo'. Kukumbung aijo' timbali tonsukap de mian mosa'angu'mo tiba i Kristus.

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

GALATIA 1:4

Mohongo-hongo pongka'oho' nu Tumpu Tuumanto, i Kristus nombee'mo butong-Nyo kinolobanakon pinontokong to dosa-dosa'to, da kita nu posalamat i tempo' anu ma'idek aiya.

EFESUS 2:2

Tempo'nyo aitu komiu nombatukimo kabiasa'an-kabiasa'an nu dunia aiya; bala alati' komiu nontulutimo anu mongkuasai langa, aijo'mo roh anu tempo' uuka nongkuasaimo kinyonyoa nu to mia-mian anu madi'mo nontuluti Tumpu.

EFESUS 6:12

Kalana kita mahampate misa' mongewa mian, panyo mongewa kahosonan nu to setan-setan iwi-iwi' anu mongkuasaimo tempo' anu ma'idek aiya. Kita mongewa kahosonan nu to roh-roh ma'idek anu mongkuasai langa.

FILIPI 2:6

Sabenannyo Ia pokakana tiba Tumpu, panyo Ia madi' ko kinyonyoa sabole-bole mompotoa sipat-Nyo susumo Tumpu na pagala nu toongi.

KOLOSE 1:15

I Kristus te gambalan nu butong nu Tumpu anu madi' kantoan; i Kristus te anak anu tumpe, lebe penting molingkudui iwi-iwi' apaa na anu pinotimbalimo.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

1 TIMOTIUS 1:11

Ajalan aijo' daagi' i uno nu Lele Ma'ima' ka' anu mompolele pinalesayakonmo hi belengku, aijo'mo Lele Ma'ima' lengkat mae hi Tumpu anu opopodaka' ka' anu patut o puji'.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 6:4

Kalana daagi' ko to mia-mian anu noteba'mo, madi'mo opoko ala, po'ule' o ajan. Aha naipuan mae jinojoongmo i uno nu jingka anu no lengkat mae hi Tumpu, ka' nongoa'imo anu binee'-Nyomo. Aha mule' suele kinuasanmo nu Roh nu Tumpu.

2 PETRUS 1:19

Mokonyo aijo' kami lebe mule' palesaya totu-totu'u hi potuunon nu Tumpu anu pinolelemo nu to nabi-nabi. Lebe ma'ima' belemiu mongintoomakon potuunon aijo', kalana potuunon aijo' sumo sulu' anu monjingkai tampat anu pintung sampe pe dunia nu jingkai nu hiusinyo nu jingka tolohinsi'mo, ka' jingka nu mandala' sasu kabete'an monjingkaimo uno nu kinyonyoa miu.

1 YOHANES 2:11

Panyo mian anu mongka'ideki utusnyo, daagi' i uno nu kapintungan. Ia lumajang i uno nu kapintungan, ka' madi' nu sumbu' pa' moya na kalambanannyo, kalana kapintungan aijo' sahingga ia madi' moko ala montoa.

1 YOHANES 2:8

Mau mule' sumo aijo', palentah anu tinuliskumo aiya suele ahi' sala'je, kalana katotu'uannyo timbalimo otoa hi butong i Kristus ka' hi butong miu. Kalana kapintungan ko lapu-lapusnyomo ka' jingka anu totu'u momtampu'unimo majingka.

1 YOHANES 5:19

Osumbu'to saba' kita aiya anumo nu Tumpu, mau mule' songko-songko na dunia aiya Anumo Ma'idek na nongkuasai.