2 KORINTUS 4:3 - KITAB NU TUMPU ALLA LELE MA'IMAI'

³ De Lele Ma'ima' anu opolele kami aijo' ma'isa mule' osumbu', saba' aijo' ola to mia-mian anu hau-haunyo mongahopimo kapatean na anu madi' monsumbu'.

2 KORINTUS 4:3 ပူးပေါင်းရင်းမြစ်များ

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

ROMA 2:16

Sumo aijo'mo na anu saidi' mae timbali i sinaa anu tinantukanmo aijo'. I sinaa aijo' – koonyo nu Lele Ma'ima' anu kupo-kupolele – Tumpu hi Yesus Kristus na momputusi iwi-iwi' na lahasia nu kinyonyoa ka' pikilan nu mian iwi-iwi'.

1 KORINTUS 1:18

Kalana to mia-mian anu mongahopi kasilakan, lele mongkona kasilakan i Kristus sinalib ola susumo anu madi' totu'u. Panyo kalana hi kita anu pinosalamatmo nu Tumpu, lele aitu sumo salaku jalan nu Tumpu mompotoa kuasa-Nyo.

1 KORINTUS 2:6

Mau mule' sumo aitu, kona hi to mia-mian anu nasasakmo na kapalesaya'annyo i uno nu kantumuu'annyo, aku memang motatae mongkona kapandean. Panyo kapandean aiya misa' kapandean nu dunia, kabai kapandean nu anu mongkuasai tempo' uuka, anu kakuasa'annyo ola mingkot.

2 KORINTUS 2:12

Tempo'nyo aku tinoka i Troas kahanda' mompolele Lele Ma'ima' mongkona i Kristus, Tumpu nombuka'mo jalan hi belengku da mokalaja i tampat aijo'.

2 KORINTUS 3:14

Ka' toka sampe sinaa aiya pikilan nu aha daagi' nukukumbungi nu kukumbung de aha mombasa'mo kitab-kitab mongkona janji' anu pini-pininmo aijo'. Kukumbung aijo' timbali tonsukap de mian mosa'angu'mo tiba i Kristus.

2 KORINTUS 4:4

Pilogot ide-idek anu mongkuasai dunia aiya nongkulubimo pikilan nu to mia-mian anu madi' palesaya aijo'. Iamo na lewa' molingkang aha da aha madi' montoa jingka nu Lele Ma'ima' aijo' mongkona katalasanggoan i Kristus, anu salaku gambalan nu Tumpu Allah.

1 TESALONIKA 1:5

Kalana kami mompotokakon Lele Ma'ima' hi belemiu misa' ola potatae, panyo mule' tiba kuasa ka' tiba Roh nu Tumpu, ka' kami palesaya hondo na kahondoan lengkat i Lele Ma'ima'. Osumbu' miu mosia na kami tinumuu' nombaumo kapentingan miu tempo'nyo kami jinojoong itina' hi komiu.

1 TIMOTIUS 1:11

Ajalan aijo' daagi' i uno nu Lele Ma'ima' ka' anu mompolele pinalesayakonmo hi belengku, aijo'mo Lele Ma'ima' lengkat mae hi Tumpu anu opopodaka' ka' anu patut o puji'.