2 KORINTUS 4:16 - KITAB NU TUMPU ALLA LELE MA'IMAI'

¹⁶ Mokonyo aijo' kami madi' ma'osa. Mau mule' kantumuu'an i dunia aiya, kami ko ide-ideknyomo, panyo kinyonyoa mami toka sansina-sinaa saja' opotimbali bu'ou.

2 KORINTUS 4:16 ပူးပေါင်းရင်းမြစ်များ

MAZMUR 119:81

Kinyonyoangku mongka'ima'i hondo kasalamatan lengkat mae hi Belento; aku montaha'imani anu jinanji'mo nu Belento.

MAZMUR 27:13

Aku palesaya hondo totu-totu'u saidi' mae mongoa'ije kanonongan nu Tumpu i uno nu kantumuu'anku i dunia aiya.

MAZMUR 51:10

Sahanyo aku sola'mo mohongo lele anu lame', da kinyonyoa anu ihansunanmo nu Belento aiya po ule' ahi' montaligalai.

MAZMUR 73:26

Maumo ahi' santuu'ku ka' butongku madi'mo moko ala mombau apa-apaa, Belento na timbali bau kahosonanku, o, Tumpu; Belento na anu talalo ku taha'imani sampe toka sidu-sidutu' molingkudui iwi-iwi' apaa na anu daagi' hi belengku.

YESAYA 40:29

Ia mompohoson mian anu nalawemo, mongkakeha'i mian anu madi'mo moko ala mombau apa-apaa.

YESAYA 40:31

Panyo mian anu montakabunakon Tumpu, saidi' mae po ule'mo mohumpak kahosonan. Aha pokakanamo sumo bonyia', anu lumahap matangkas kalana kahosonan nu polipiknyo. Aha lewa' mopadeka' panyo madi' malawe, aha lewa' lumajang panyo madi' lu'us.

YEREMIA 45:3

beleyum notusa'mo sumo uuka, ‘Beh memang aku aiya sinoe'mo hondo! Kasusa'anku aiya nanjoo'mo hondo ka' pinaka tuangan mule' nu Tumpu nu kasansala'an. Aku nalawemo hondo na sola' motusa', madi'mo daagi' ko kasanangan nu kinyonyoa!’

LUKAS 11:3

Bee'iakon mae sansina-sinaa kaanon anu opalalui mami.

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

ROMA 7:22

Kinyonyoangku mongka'ima'ai atulan nu Tumpu,

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

2 KORINTUS 12:15

Kalana aijo' sanang na kinyonyoangku halala' mongkulubanakon iwi-iwi' bau kapalaluan miu, aitu pe'e sagalamo butongku. De aku sumo aijo' mongkalibosi komiu, pa' patut na komiu madi' talalo mongkalibosi aku?

2 KORINTUS 4:1

Kami nombau kalaja aiya kalana kanonongan nu Tumpu. Mokonyo aijo' kami madi' ma'osa.

EFESUS 3:16

Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo.

EFESUS 4:23

Tionyo ahi' kinyonyoa ka' pikilanum opotimbali bu'ou iwi-iwi'.

KOLOSE 3:10

Komiu uuka aiya binee'anmo kantumuu'an anu bu'ou. Komiu mian anu binu'oumo anu hau-haunyo saja' opotimbali bu'ou nu anu Nompotimbali, aijo'mo Tumpu, montiho tuladan nu butongnyo. Kahanda'nyo aijo'mo da komiu monsumbu' Tumpu anu sahondo-hondonyo.

TITUS 3:5

Ia momposalamat kita, misa' kalana kita nombaumo anu ma'ima', panyo kalana Ia ahi' na nongkalibosimo kita. Ia momposalamat kita kalana pakalaja'an nu Roh nu Tumpu, anu nombee'imo kita kantumuu'an bu'ou susumo anu po'ule'mo i hampeakon, ka' kantumuu'an anu bu'ou, aijo'mo kita pinobelesimo.

1 PETRUS 3:4

Panyo belemiu handa tionyo ahi' molengkat mae i uno nu kinyonyoa, kalakuan anu tobos ka' madi' solaa' hengge'; aijo' ahi' na handa anu sampe toka sidu-sidutu' ka' anu talalo ko angga'nyo i pontoan nu Tumpu.

1 PETRUS 4:14

Komiu mohumpakmo dale' de komiu o jojoa, kalana komiu anu saja' mombatuki i Kristus. Aijo' alati'nyo Roh anu opopodaka', aijo'mo Roh nu Tumpu anu daagi'mo itina' hi belemiu.