2 KORINTUS 3:7 - KITAB NU TUMPU ALLA LELE MA'IMAI'

⁷ Tempo'nyo janji' anu momboa kapatean aijo' binau ka' binotik i batu, jingka nu Tumpu lonyingkaban na nonjingkai ohup i Musa. Jingka-Nyo aijo' lonsinoan hondo, sahingga bansa Israel madi' noko ala nontoa ohup i Musa, mau mule' jingka i ohupnyo aijo' montampu'unimo mopoho' tempo'nyo aitu. Yo, de mojanji' anu ola momboa kapatean aijo' pinododo ka' taha-tahahumo na lonyingkaban,

2 KORINTUS 3:7 ပူးပေါင်းရင်းမြစ်များ

KAJADIAN 3:21

Lantas kilit nu binatang binaumo nu Tumpu Allah bau pombaju'i i Adam ka' bengkele'nyo, lantas pinopusok-Nyomo hi aha.

NEHEMIA 9:13

Lengkat mae i langit Belento nintatau'mo mae aita i Bungkutnyo nu Sinai, Lantas notataemo na Belento hi mian anu palesayamo hi Belento. Belento nombee'imo atulan, mosia na mongatun ka' mule' mosia na mompalentah, anu adin, adin ka' anu mingguna.

MAZMUR 119:174

Kinyonyoangku mongindimo kasalamatan lengkat mae hi Belento, atulan nu Belento nompolame'mo kinyonyoangku.

MAZMUR 119:97

Talalo hondo ku ka'ima'i na atulan nu Belento; ku tutugi sansina-sinaa.

NOSABATMO 24:12

Lapas aijo' Tumpu notataemo hi Musa, “Tokamo mae hi beleng-Ku aita' i bungkutnyo. I kiita' mae Ku bee'je hi beleyum ohua' na batu anu tinulisan-Kumo nu atulan-Ku iwi-iwi'. Iwi-iwi' na atulan aijo' Ku bee' da bau pompokinde'i bansa aijo'.”

NOSABATMO 31:18

Noko potatae tiba i Musa aita' i Bungkutnyo nu Sinai, Tumpu Allah nombee'mo hi ia ohua' na kobakan nu batu anu tinulisanmo nu Tumpu Allah iwi-iwi' na palentah-Nyo.

NOSABATMO 32:19

Salatan i Musa ingohanimo kiijo' i pinombauan Kemah, tinoanyomo na sapi' mosoni' aijo' ka' to mia-mian hau-haunyo monsalelei sahingga ia notambuha'mo. Ikiijo'mo, i tengke nu bungkutnyo aijo', na i Musa nonsapahakon batu anu binoanyo mae aijo' sahingga nohimpunyumo toto sahintik.

NOSABATMO 34:1

Lapas aijo' Tumpu notataemo hi Musa, “Pompa'at ohua' na kobakan nu batu susumo anu u'utu mae. I batu aijo' Ku tulisje na potatae susumo i batu anu tinumpakonmo nu beleyum aijo' da nobiha'.

SISIKON NU TO RASUL-RASUL 6:15

Iwi-iwi' mian anu tinokamo i uno nu ulusan Mian Kopian Daka' nu Agama aijo' nontoa i Stefanus. Ka' tempo'nyo aitu ohup i Stefanus tinoa sumomo ohup nu malaikat.

ROMA 10:4

Atulan nu agama pinoko baumo i Kristus. Jadi batu-batu mian anu pinalesayamo hi Kristus, pompahasumbu'annyo tiba Tumpu mompo'ule'mo na'ima.

ROMA 4:15

Atulan nu agama Yahudi molubatakon hukuman nu Tumpu. Panyo de madi' ko atulan, tantu madi' ko anu olanggai.

ROMA 5:20

Anu nombee' atulan nu agama Yahudi aijo' posi Tumpu. Panyo lebe mian makeke montapali atulan aijo', lebe mule' aha molanggai ka' baladosa' hi Tumpu. Mau mule' mian lebe mombau dosa', Tumpu lebe mule' mongkalibosi aha.

ROMA 7:10

ka' aku mule' i natemo. Sahingga atulan nu agama aijo' anu momoonanyo kinahanda'an da mombee'i kantumuu'an, yo aitu ola ahi' mompotoka kapatean hi belengku.

ROMA 7:22

Kinyonyoangku mongka'ima'ai atulan nu Tumpu,

ROMA 7:5

Kalana, u'utu mae kita tumuu' mombatuki sipat-sipat nu mian. Tempo'nyo aitu anu okamilui monsaduakon da baladosa', anu lubat mae kalana ko atulan nu agama na montoongi kuasa i uno nu butongto. Mokonyo aijo' kita mombau anu mongahenakon kapatean.

1 KORINTUS 13:10

Tokaje uuka mae na tempo'nyo Tumpu mombaumo iwi-iwi' aijo' sukupmo, ka' anu madi' sukup aijo' o alinmo.

2 KORINTUS 3:3

Posi aha timbali montoa saba' komiu Utus pokakanamo sulat anu tinulis i Kristus, anu pinakatunyo ka' pinotokakon mami. Sulat aitu misa' tinulis nu tinta, panyo Roh nu Tumpu anu tumuu'; misa' mule' i batu tulis, panyo i kinyonyoa nu mian.

2 KORINTUS 3:6

Iamo na nompotimbali kami da moko ala timbali posaihon i palajanjian anu bu'ou; palajanjian anu lengkat hi Roh nu Tumpu Allah, misa' anu tuli-tulis i atulan. Kalana anu tuli-tulis aijo' momboa kapatean, panyo Roh nu Tumpu aijo' mombee'i kantumuu'an.

2 KORINTUS 3:8

tantu mojanji' anu nubee' nu Roh nu Tumpu lebe lonyingkaban mule' na nompokododo.

GALATIA 3:10

To mia-mian anu talalomo nontaha'imani atulan nu agama, iwi-iwi' tumuu' i uno nu kutuk. Kalana i uno nu Kitab nu Tumpu tinulismo, “Mian anu madi' tulu-tulutan mompojalan iwi-iwi' anu tinulismo i uno nu Kitab Atulan nu Agama, nu kutuki nu Tumpu!”

GALATIA 3:21

Ugaat aijo' alati'nyo saba' atulan nu agama mompaha sala' tiba anu jinanji'mo nu Tumpu? Tantu ahi' madi'! Kalana de atulan nu agama binee' da mombee'i kantumuu'an hi manusia, sahingga manusia timbali mompo'ule' ma'ima' tiba Tumpu kalana atulan nu agama.

PO'ULE' INGULIT 4:13

Kiijo' mae Ia nompoto'imo hi belemiu apaa na anu tionyo ahi' obau nu belemiu, salaku bau pomponyata' apaa na anu jinanji'akon-Nyomo hi belemiu. Sampulu' na palentah anu tinulis-Nyomo i ohua' na batu pontulisan aijo' tionyo ahi' obau nu belemiu.

PO'ULE' INGULIT 4:8

Ka' bansa daka' iya na anu ko atulannyo susumo aijo' na ko adinnyo pokakana sumo atulan anu pinogulu'kumo hi belemiu sinaa aiya?

PO'ULE' INGULIT 5:22

Aijo'mo na palentah-Nyo iwi-iwi' anu binee'mo nu Tumpu hi belemiu tempo'nyo belemiu sinihukmo i bungkutnyo. Tempo'nyo Ia notatae daka-daka' hondo aijo' mae i uno nu apu ka' i kundom anu butolu hondo, Ia nombee'i palentah haha aijo' ka' misa' anu sangga'at. Lantas tinulisnyo i ohua' na batu pinontulisan ka' binee'mo mae hi belengku.”

PO'ULE' INGULIT 9:15

Lantas, aku nosiloimo ka' nomboamo ohu-ohua' na batu palajanjian aijo', tinoongku nu limangku, nintatau'mo na aku lengkat mae i bungkutnyo anu daagi hau-haunyo moak.

IBRANI 12:18

To utu-utus madi' tinoka nangadap hi apa-apaa susumo anu pinangadapanmo nu bansa Israel naipuan mae. Aha nangadapmo hi apa-apaa anu timbali okanyang, aijo'mo Bungkutnyo nu Sinai tiba apunyo anu saja' moak, aha nangadapmo i kapintungan, hondomi' ka' antong;

IBRANI 3:3

Panyo i Yesus pantas mohumpak pongangga'i anu lebe daka' molingkudui i Musa. Kalana mian anu mompotinjo laigan na tionyo lebe o'angga'i molingkudui laigan aijo'.

IBRANI 9:4

I uno nu salipi' aijo' daagi' ko mezbah mosoni' na binau bau pompapuian kamangian, ka' daagi' mule' ko Peti' Palajanjian. Peti' aijo' i lapisan songko-songko nu mosoni'. I uno nu Peti' aijo' daagi' ko kuhon mosoni', isinyo manna, tokon i Harun anu ninsumpemo, ka' ohua' na kobakan nu batu bau pinontulisan; anu kiijo' tuli-tulis sampulu' na palentah nu Tumpu.