2 KORINTUS 3:6 - KITAB NU TUMPU ALLA LELE MA'IMAI'

⁶ Iamo na nompotimbali kami da moko ala timbali posaihon i palajanjian anu bu'ou; palajanjian anu lengkat hi Roh nu Tumpu Allah, misa' anu tuli-tulis i atulan. Kalana anu tuli-tulis aijo' momboa kapatean, panyo Roh nu Tumpu aijo' mombee'i kantumuu'an.

2 KORINTUS 3:6 ပူးပေါင်းရင်းမြစ်များ

YEREMIA 31:31

Tumpu notatae, “Tokaje mae na tempo'nyo Ku bauje na palajanjian anu obauje mule' tiba mian nu Israel ka' Yehuda.

MATIUS 13:52

Lantas i Yesus notataemo, “Aijo', na sababnyo batu-batu gulu' Agama anu timbalimo mian anu palesayamo hi Tumpu, sumo samian na tumpu nu laigan anu monsabatakon lengkat i tampat nu halata'nyo anu bu'ou ka' anu pininmo.”

MATIUS 26:28

Kalana aiyamo na baso'-Ku anu mompokododo apaa na anu jinanji'mo nu Tumpu – baso' anu binubusakon bau kapentingan nu mian da'isan da bau pongampuni dosa' nu aha.

MARKUS 14:24

Lapas aijo' i Yesus notatae, “Aiyamo na baso'-Ku anu mompohoson palajanjian nu Tumpu, baso' anu binubusakon bau kapentingan nu mian da'isan.

LUKAS 22:20

Sumo aitu mule' noko kaan, Ia nombee'mo mangko' nu anggur aijo' hi aha ka' notatae, “Mangko' aiya, salaku pontandai nu Tumpu Allah anu bu'ou anu sinela'mo nu baso'-Ku – baso' anu jinujuhakonmo hi komiu].”

YOHANES 5:21

Tuuma aijo' po'ule' mompotumuu' mian mate, ka' mombee'i aha kantumuu'an anu talakana' ka' toka sidu-sidutu'; sumo aitu mule' Anak mombee'i kantumuu'an sidu-sidutu' hi mian anu nuka'oho' Nubee'i kantumuu'an.

YOHANES 6:63

Anu nompotimbali mian tumuu' aijo'mo Roh nu Tumpu. Kahosonan nu mian madi' ko kaliangannyo. Potatae anu Ku taloakon hi komiu aiya, aijo'mo na potatae nu Roh nu Tumpu ka' potatae anu mombee'i kantumuu'an.

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 3:20

Kalana madi' ko samian pe'e na moko ala mompaha ima' tiba Tumpu, kalana mian aijo' mombau hahan anu daagi' i uno nu atulan nu agama. Ola ahi' atulan aijo' na mompotiju' hi mian taalu' mian aijo' baladosa'.

ROMA 4:15

Atulan nu agama Yahudi molubatakon hukuman nu Tumpu. Panyo de madi' ko atulan, tantu madi' ko anu olanggai.

ROMA 4:17

Kalana Tumpu notatae sumo uuka hi Abraham, “Aku mompotimbalimo beleyum tuuma nu manjoo' na bansa.” Sumo aijo'mo na Tumpu nombee' janji' aijo' hi Abraham. Ka' i Abraham pinalesayamo hi Ia. Iamo na Tumpu anu mompotumuu' mian silaka; Iamo ahi' na Tumpu anu ola motatae aku mombau apaa na anu madi' toho' daagi', timbali daagi'.

ROMA 7:6

Panyo uuka aiya kita madi'mo sego-segot i atulan nu agama Yahudi. Kita natemo i atulan anu u'utu mae mongkusai kita. Kita madi'mo monsombah susumo jalan u'utu mae mombatuki atulan anu tuli-tulis. Uuka aiya kita monsombahmo mombatuki jalan bu'ou anu pinotiju' nu Roh nu Tumpu hi kita.

ROMA 8:2

Kalana atulan nu Roh nu Tumpu na mombau kita tumuu' mosa'angu' tiba i Kristus Yesus nompobebasmo aku lengkat i atulan anu monsaduakon dosa' ka' kapatean.

1 KORINTUS 11:25

Sumo aitu mule' salatan noko kaan, ingalanyomo na galas nu anggur lantas notatae, “Anggur aiya anu sala'je jinanji'akon nu Tumpu, sinela' nu baso'-Ku. De komiu monginumo aiya, obau na aiya bau ponginau' Aku.”

1 KORINTUS 12:28

Sumo aitumo i uno nu jama'at, Tumpu nontantukanmo tampat hi ngangahan nu mian: Momonanyo to rasul-rasul; ko ohua'nyo to nabi-nabi, ko totolu'nyo to gulu-gulu', lantas aha anu mombau hahan anu okabangangi, lapas aijo' aha binee'anmo balakat da nompa'alin mian, kabai montulungi mian sangga'at, kabai anu mongatun, kabai mule' da basisik tiba ngangahan nu basa' anu okabangangi.

1 KORINTUS 15:45

I uno nu Kitab nu Tumpu tinulismo sumo uuka, “Mian anu momona aijo'mo i Adam anu binau ka' pinotumuu',” panyo i Adam anu imihi-mihinyo aijo'mo Roh anu mombee'i kantumuu'an.

1 KORINTUS 3:10

Tiba kapandean anu binee'mo nu Tumpu, aku salaku anu pande mombau gudang, aku nombaumo mesen bau pompotinjoan gudang aijo', ka' mianje sangga'at na mompotinjo gudang i bawo nu mesen aijo'. Toto samian tionyo montoa ima-ima' mosia na ia mompotinjo i bawo nu mesen aijo'.

1 KORINTUS 3:5

De o'ala i hondonyo, ihe na i Apolos aijo'? Ka' ihe na i Paulus? Kami ola to posa-posaihon nu Tumpu, anu nompotiju'mo hi komiu da palesaya hi Kristus. Kami ola mompojalanakon kalaja anu pinotoong nu Tumpu hi kami toto samian.

2 KORINTUS 11:23

To posa-posaihon i Kristus ugaat na aha? De ohongo aku sumo anu i ningkotmo na pikilan, panyo aku memang posaihon anu lebe ma'ima' molingkudui aha iwi-iwi'! Aku mokalaja lebe makeke, aku lebe saja' oposoop i uno nu talungku', aku lebe saja' hondo sinakisa, ka' toto minsan mompai patemo.

2 KORINTUS 3:14

Ka' toka sampe sinaa aiya pikilan nu aha daagi' nukukumbungi nu kukumbung de aha mombasa'mo kitab-kitab mongkona janji' anu pini-pininmo aijo'. Kukumbung aijo' timbali tonsukap de mian mosa'angu'mo tiba i Kristus.

2 KORINTUS 3:3

Posi aha timbali montoa saba' komiu Utus pokakanamo sulat anu tinulis i Kristus, anu pinakatunyo ka' pinotokakon mami. Sulat aitu misa' tinulis nu tinta, panyo Roh nu Tumpu anu tumuu'; misa' mule' i batu tulis, panyo i kinyonyoa nu mian.

2 KORINTUS 3:7

Tempo'nyo janji' anu momboa kapatean aijo' binau ka' binotik i batu, jingka nu Tumpu lonyingkaban na nonjingkai ohup i Musa. Jingka-Nyo aijo' lonsinoan hondo, sahingga bansa Israel madi' noko ala nontoa ohup i Musa, mau mule' jingka i ohupnyo aijo' montampu'unimo mopoho' tempo'nyo aitu. Yo, de mojanji' anu ola momboa kapatean aijo' pinododo ka' taha-tahahumo na lonyingkaban,

2 KORINTUS 3:9

De palajanjian anu mohukum mian aijo', sumo aijo'mo na ko lonyingkabannyo, tantu lebe lonyingkaban mule' na palajanjian anu moko ala mompotimbali mian mompo'ule ma'ima' tiba Tumpu Allah.

GALATIA 3:21

Ugaat aijo' alati'nyo saba' atulan nu agama mompaha sala' tiba anu jinanji'mo nu Tumpu? Tantu ahi' madi'! Kalana de atulan nu agama binee' da mombee'i kantumuu'an hi manusia, sahingga manusia timbali mompo'ule' ma'ima' tiba Tumpu kalana atulan nu agama.

EFESUS 2:1

Naipuan mae rohani miu i natemo kalana komiu binala dosa'mo ka' nolanggaimo to pale-palentah nu Tumpu.

EFESUS 2:5

sahingga tempo'nyo kita daagi' nate na rohaninto kalana kita saja' mombau kasala'an, Ia po'ule'mo nompotumuu' kita hingga-hinggat tiba i Kristus. Jadi, ola kalana ka'ima'an nu kinyonyoa nu Tumpu sahingga komiu pinosalamat-Nyomo.

EFESUS 3:7

Tumpu nombee'imo balakat aku – aiyamo kalaja – da mompolele Lele Ma'ima' aijo'. Aku nontalima balakat aijo' nontului kuasa nu Tumpu anu nokalaja i uno nu butongku.

PO'ULE' INGULIT 27:26

‘Kinutukan na mian anu madi' montuluti sahondo-hondonyo atulan ka' pangajalan nu Tumpu Allah i uno nu palabuatan.’ ‘Amin!’ ”

1 TIMOTIUS 4:6

De beleyum mongajanakon iwi-iwi' aijo' hi to Utu-utus anu sampo palesaya, beleyum timbalimo posaihon i Kristus Yesus anu ma'i-ma'ima' na mokalaja. Ka' beleyum tionyo ahi' saja' mompokopiani isi nu kinyonyoa nu beleyum nu potatae nu Tumpu Allah anu opalesayanto, ka' mule' to panga-pangajalan anu totu'u, ka' anu tinulutanumo sumo uukamo na kopinnyo.

2 TIMOTIUS 1:11

Da Lele Ma'ima' aijo' opolele Tumpu nohangkatmo aku da tinimbali rasul ka' gulu'.

IBRANI 12:24

Komiu tokamo mangadap hi Yesus anu Nonjambatanimo da montalimamo palajanjian anu sala'je aijo'; komiu mangadapmo i baso' anu pinipi'akonmo, anu mompokopianimo hahan da lebe ma'ima' molingkuduimo anu pinokopiananmo nu baso' i Habel aijo'.

IBRANI 13:20

Tumpu mompotumuu'mo Tumpunto i Yesus anu sini-sinilakamo. Kalana Ia sinilakamo, sahingga Ia tempo' uuka tinimbalimo Polaya'to anu Talasanggo aiya hi kita to domba-domba-Nyo. Ia sinilaka aijo' mompaka pompohosonmo palajanjian anu sampe toka sidu-sidutu' anu binaumo nu Tumpu hi kita.

IBRANI 7:22

Tiba jalan aiya mule' i Yesus na anu tinimbalimo bau pintoongan ka' anu lebe ma'ima' ka' lebe mahoson mongkona han anu jinanji'mo aijo'.

IBRANI 8:13

Kalana mompoto'imo sa'angu na palajanjian' anu bu'ou, jadi Tumpu Allah nompotimbalimo palajanjian anu momona aijo' naluso'mo ka' madi'mo talalo ma'ima'; ka' apaa na anu naluso'mo tantu malia'mo lanyaap.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 YOHANES 1:1

Isi nu sulat aiya mongkona Potatae nu Tumpu anu mompotumuu', aijo'mo Potatae nu Tumpu anu polo-polo'mo daagi' salatanmo pe'e momonanyo. Kami nohongomo ka' nontoamo nu posi mata mami. Kami nontoamo ka' lima mami nongkanyangmo ia.