2 KORINTUS 3:10 - KITAB NU TUMPU ALLA LELE MA'IMAI'

¹⁰ Timbali otaloakon saba' apaa na anu naipuan mae lonyingkaban, madi'mo daagi' lonyingkaban kalana daagi'mo ko anu lonyingkaban tempo' uuka aiya.

2 KORINTUS 3:10 ပူးပေါင်းရင်းမြစ်များ

AYUB 25:5

De Tumpu Allah na montoa, bitu'on pe'e madi' majingka, ka' binta-bintang nu anggap suhau'on.

YESAYA 24:23

Bitu'on pikatmo, ka' mule' batu nu sinaa madi'mo majingka, kalana Tumpu Anu Daka' na Kuasanyo mompalentahmo salaku tomundo'. Ia mompalentahmo i Yerusalem aita' mae i Puge'nyo nu Sion ka' mompotoamo katalasanggoan-Nyo hi to pola-polaya' nu aha mian anu palesayamo hi Ia.

HAGAI 2:3

“Pa' daagi ko anu aiya hi belemiu na monsumbu' mosia na ko ima'nyo nu Laigan-Ku u'utu mae? Uuka aiya mosiamo na ka'ada'annyo de o'ala hi pikilan nu belemiu? Temisa' madi'mo ahi' ma'ima' na otoa?

SISIKON NU TO RASUL-RASUL 26:13

Ka' tempo'nyo aku i totonga' nu jalan sonsu-sonsu'un na sinaa, kita Tomundo' Anu Opopodaka', aku nontoamo jingka lengkat i langit, molabihi jingka nu batu nu sinaa. Jingka aijo' nonjingkai titikub butongku ka' nontikubi to mia-mian anu i lumajang hingga-hinggat tiba aku. Kami iwi-iwi' notua' i tano'.

2 KORINTUS 3:11

De pa'apaa na anu montahan ola sasaingoni' sumo aijo'mo na ko lonyingkabannyo tantu anu montahan sampe toka sidu-sidutu' lebe lonyingkaban mule'.

2 KORINTUS 3:9

De palajanjian anu mohukum mian aijo', sumo aijo'mo na ko lonyingkabannyo, tantu lebe lonyingkaban mule' na palajanjian anu moko ala mompotimbali mian mompo'ule ma'ima' tiba Tumpu Allah.

2 PETRUS 1:17

Kami kiijo' mae tempo'nyo Ia ingadatan ka' pinotalasanggo nu Tumpu Tuumanto. Tempo'nyo aitu i hongo na potatae lengkat mae hi Anu Talasanggo anu notatae hi Ia, “Aiyamo na Anak-Ku anu ku ku kalibosi. Ia momposanang kinyonyoang-Ku!”

ANU PINOTO'I HI YOHANES 22:5

Aha madi'mo mompalalui sulu' kabai jingka nu batu nu sinaa, kalana madi'mo daagi' pihi, ka' Tumpuje na monjingkai aha. Sahingga aha saidi' mae mompalentahmo susumo tomundo sampe toka sidu-sidutu'.