2 KORINTUS 2:7 - KITAB NU TUMPU ALLA LELE MA'IMAI'

⁷ Uuka aiya komiu tionyo mongampuni ia ka' po'ule' mongkakeha'i ia da boli talalo molibos na kinyonyoanyo dumo talalomo susa' na ia.

2 KORINTUS 2:7 ပူးပေါင်းရင်းမြစ်များ

MAZMUR 124:3

sahingga kita ilonyomo titu-tituu', kalana tambuha' nu aha anu taha-tahahumo.

MAZMUR 21:9

Nuboamo iwi-iwi' na anu monsampobali' ia ka' nu hakopmo iwi-iwi' na mian anu mongka'ideki Ia.

MAZMUR 57:3

Aku mongkakase momoita tulung hi Tumpu Anu Matangkas na Kuasanyo, hi Tumpu anu timbali mombau apa-apaa hi belengku.

AMSAL 1:12

Uuka ai ya aha tumuu' sanang ka' madi' masakit, panyo aha saidi' mae timbalimo susumo mian anu mompai silakamo.

AMSAL 17:22

Kinyonyoa anu lame' momposehat butong; panyo kinyonyoa anu susa' monsaduakon da madi'mo kogia' mombau apa-apaa.

YESAYA 28:7

Suele to nabi-nabi ka' to ima-imam nalangumo kalana talalomo nanjoo' na nonginum anggur tiba siu. Aha lumajang mahasungonanmo ka' mahatosumpunanmo kalana pikilan nu aha pinusingmo. To nabi-nabi madi'mo daagi' mapaham i hahan anu nu toa nu aha mongkona apaa na anu nu bee' nu Tumpu hi aha. To ima-imam madi'mo daagi' moko ala momputusi palakala-palakala anu nu boa mae nu mian hi aha.

1 KORINTUS 15:54

De butong anu timbali silaka obolosimo nu butong anu madi' silaka, ka' butong anu lengkat i dunia aiya obolosimo nu butong anu lengkat mae i suluga', tempo'je aitu ka' timbalimo apaa na anu tinulismo i Kitab nu Tumpu, “Kapatean i hungku'anmo; ka'untungan i humpakmo!”

2 KORINTUS 2:8

Kalana aijo' ku poita, da komiu po'ule' mompotoa hi ia taalu' totu-totu'u komiu mongkalibosi ahi' ia.

2 KORINTUS 5:4

Kalana hau-haunyo kita jojoong i laigan anu i dunia aiya, kita motusa' kalana o'oa'into maboat hondo. Misa' kalana kita mongka'oho'mo da butongto anu i dunia aiya olapasakontomo, panyo kalana kita mongka'oho'mo mompokona butong anu lengkat mae i suluga' aijo', da butongto anu timbali silaka aiya nukuasai nu anu tumuu'.

2 KORINTUS 7:10

Kalana kalibosan anu sumo aijo' sahingga kinyonyoa nongabali'mo ahennyo oposalamatmo. Ka' mian madi' ko mompele-pele' i han aijo'. Sumo aitu mule' kalibosan anu ola mombatuki kahanda' nu mian monsaduakon kapatean.

EFESUS 4:32

Ola ahi' kinyonyoa na obau mano-manonong ka' mompahakali-kalibosi samian ka' samian, ka' mompaha ampu-ampuni pokakana sumo Tumpu singkona nongampunimo komiu hi Kristus.

FILIPI 2:27

Memang totu'u ia nasakit kiniboli' sinilakamo. Panyo Tumpu Allah nongkalibosimo ia; ka' misa' ola ia, panyo hi belengku suele da boli aku mompaka susa' mule'.

KOLOSE 3:13

Komiu tionyo ahi' mompaha saba-sabalakon samian ka' samian ka' mompaha ampu-ampuni de daagi' ko anu mongingu sangga'at. Sanang na kinyonyoa nu Tumpu mongampuni komiu, jadi komiu suele tionyo ahi' mongka'oho' mongampuni samian ka' samian.

1 TESALONIKA 4:13

To Utu-utus, okahanda'i mami na komiu da monsumbu' anu sahondo-hondonyo kona hi aha to mia-mian anu sinilakamo; da komiu boli susa' na kinyonyoa sumo to mia-mian sangga'at anu madi' ko anu otaha'imani.

2 TESALONIKA 3:6

To Utu-utus, kalana kuasa i Tumpu Yesus Kristus, kami mompalentah da komiu matijo'on hi to Utu-utus iwi-iwi' anu tumuu' to lulu-luluk, ka' madi' mombatuki aja-ajalan anu obee' kami hi aha.