2 KORINTUS 2:13 - KITAB NU TUMPU ALLA LELE MA'IMAI'

¹³ Panyo aku madi' sanang, kalana madi' siningkabot tiba utusto i Titus kiijo' mae. Sahingga aku nomoita siloloa hi to mia-mian i tampat kiijo' lantas namba i Makedonia.

2 KORINTUS 2:13 ပူးပေါင်းရင်းမြစ်များ

DANIEL 6:19

Lapas aijo' ninsusule'mo na i tomundo' i laigan kajo-kajojoongannyo! Ia madi'mo daagi' nongkaan kabai nongka'oho' ohase'. Ka' mule' sinampahu aijo' ia madi'mo tinohoyot.

MARKUS 6:46

Noko sai mian da'isan aijo', i Yesus nambamo i bungkutnyo da balado'a.

SISIKON NU TO RASUL-RASUL 21:6

Ilapas aitu kami nompaha poi-poitamo siloloa, lantas kami sinumakemo i kapan, ka' aha mule' ninsusule'mo i laigan.

ROMA 15:26

Kalana to jama'-jama'at i Makedonia ka' i Akhaya nonsetujuimo mombee'i pontulungi to Utu-utus anu kasiasi, hi mian anu palesayamo hi Tumpu kiijo' mae i Yerusalem.

2 KORINTUS 12:18

Aku nompokaumo i Titus mamba molenga komiu, ka' utusto sangga'at aijo' anu bubuu' Kristen pinokaungku da mamba hingga-hinggat tiba ia. Pa' i Titus nongalamo ka'untungan hi komiu? Panyo kami ohua' mokalaja ko tanga'an anu pokakana ka' mompojalan kalaja tiba tanga'an anu pokakana!

2 KORINTUS 7:13

Mokonyo aijo' kinyonyoa kami sinanangmo. Misa' ola kalana sinanangmo, panyo kami nompaka binilahimo mule', kalana nontoamo kabilahian nu kinyonyoa i Titus; kinyonyoanyo sinanangmo kalana to Utu-utus iwi-iwi'.

2 KORINTUS 7:14

Aku memang nombuulakonmo komiu hi ia. Talima kaseh komiu madi' nongambangi aku. Iwi-iwi' na anu toho'mo tinaloakon mami hi komiu totu'u. Sumo aijo' mule' apaa na anu binuulakonmo mami mongkona komiu hi Titus memang ahi' totu'u.

2 KORINTUS 8:16

Tahahumo hondo na kami montalima kase hi Tumpu, kalana Ia nompotimbalimo i Titus nakekemo sumo kami da montulungi komiu!

2 KORINTUS 8:23

Mongkona i Titus, ia te sangalungku anu mokalaja tiba aku da montulungi komiu. Ka' mongkona ua'aha na Utus aijo' anu inamba hingga-hinggat tiba ia, aha mian anu sinai nu to jama-jama'at, ka' timbali bau katalasanggoan nu sanggo i Kristus.

2 KORINTUS 8:6

Mokonyo aijo' kami talalo hondo mompoto'i Titus – anu nontampu'unimo usaha aiya – da suele nubau na usaha anu ma'ima' aiya itina' hi komiu.

GALATIA 2:1

Ilapas sampulu' ka' opat na taun, aku ninsusule'mo nokiijo' i Yerusalem tiba i Barnabas, ka' nomboa suele i Titus.

GALATIA 2:3

I Titus, anu nonsangalui aku, mian nu Yunani, panyo ia madi' pinakisa mombatuki atulan nu sunat,

2 TIMOTIUS 4:10

sabab i Demas nompala'imo aku kalana mongka'ima'imo dunia aiya. Ia nambamo nokiijo' i Tesalonika. I Kreskes nambamo nokiijo' i Galatia, ka' i Titus nokiijo'mo i Dalmatia.

TITUS 1:4

Titus, beleyum atina' totu-totu'u anakku, kalana beleyum ka' aku hingga-hinggat pinalesayamo hi Kristus. Ku taha'imani ka' o'amalakon da Tumpu Tuumanto ka' i Kristus Yesus Tomundo anu Momposalamat kita, mombee'i balakat ka' ka'ima'an hi beleyum.