2 KORINTUS 2:11 - KITAB NU TUMPU ALLA LELE MA'IMAI'

¹¹ Kubau sumo aijo' da Ibilis boli mongala kasampatan mongkuasai kita; kalana osumbu'to na tanga'annyo iwi-iwi'.

2 KORINTUS 2:11 ပူးပေါင်းရင်းမြစ်များ

AYUB 1:11

Panyo de maluannyo iwi-iwi' na kakaya'annyo aijo' o'alamo nu Belento, tantu nutotobi'akonmo na belento!”

AYUB 2:3

Pinokilawa nu Tumpu, “Pa' totu-totu'u tinoamo nu beleyum na mian-Ku i Ayub? I dunia aiya songko-songko madi' ko mian anu ma'ima' na kinyonyoanyo sumo ia. Ia monsombah Aku ka' totu'u madi' lewa' mombau anu ma'idek. Ia daagi sabole-bole tulu-tulutan hi belengku, maumo oko pagalamo monsale'i Aku da opateimo na ia, mau madi' ia ko sala'nyo.”

AYUB 2:5

De maluannyo butongnyo dinokemo nu Belento, tantu tinotobi'akonnyo na belento!”

AYUB 2:9

Bengkele'nyo notataemo hi ia, “Te daagi' mule' totobo' na beleyum sabole-bole montuluti Tumpu Allah? Donganmo o, totobi'akon na la, lantas mangkongmo!”

MATIUS 4:10

I Yesus nontaami, “Lako' na oko anu Monggoda! I uno nu Kitab nu Tumpu tinulis: O sombah na Tumpu, Tumpuum, ka' ola Ia na hongo na palentah-Nyo!”

LUKAS 22:31

“Simon, Simon, hongo! Ibilis binee'anmo kasampatan da monguji' komiu; sumo gandum oga'atakonmo i kilitnyo sahingga anu ma'ima' oga'atakonmo i anu ma'idek.

YOHANES 13:2

I Yesus tiba anu saja' mombatuki Ia hau-haunyo mongkaan malom. Ibilis nomposoopmo tanga'an i uno nu kinyonyoa i Yudas anak i Simon Iskariot da monguwesani Yesus.

1 KORINTUS 7:5

Boli mosi tade-tade samian ka' samian salaku moto bengkele'. Timbali panyo boli pin asan ua-ua'aha bubuu' setuju. Desumo aitu yo toto samian moko ala balado'a ka' madi' ko anu monggoda. Panyo lapas mae tionyo ahi' komiu po'ule' motuang salaku moto bengkele'. De madi' sumo aijo' komiu saidi' mae salatan nusale'imo nu roh ma'idek obatukimo miu, kalana komiu madi' moko ala mongintim napisu.

2 KORINTUS 11:14

Madi'mo okatalanggangakon na aha mombau sumo aijo', kalana Ibilis pe'e mingadi-adi' sumo malaikat anu susi'!

2 KORINTUS 11:3

Panyo aku bata-bata mamanga pikilanum saidi' mae tagoda madi'mo daagi' tulu-tulutan hi Kristus, pokakana sumo i Hawa u'utu mae suele tinagoda kalana kapandean nu ulo.

2 KORINTUS 4:4

Pilogot ide-idek anu mongkuasai dunia aiya nongkulubimo pikilan nu to mia-mian anu madi' palesaya aijo'. Iamo na lewa' molingkang aha da aha madi' montoa jingka nu Lele Ma'ima' aijo' mongkona katalasanggoan i Kristus, anu salaku gambalan nu Tumpu Allah.

2 TIMOTIUS 2:25

Ia madi' ko sega-sega na mongajan mian anu ka'oho' monggagakon; o'amalakon da Tumpu mombee'i kasampatan hi mian haha aijo' da balatobat mombabali'i dosa-dosa' nu aha, ka' monsumbu' pangajalan anu totu'u.

1 PETRUS 5:8

Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.

ANU PINOTO'I HI YOHANES 13:8

Binatang aijo' na nu sombah nu iwi-iwi' mian anu tumuu' i uno nu dunia, sambiha'nyo to mia-mian anu sanggonyo noko daputanakonmo ma'isa pe'e dunia pinotimbali, i uno nu kitab nu mian anu tumuu', tumpu'nyo aijo'mo Anak nu Domba anu ki kinolotmo.

ANU PINOTO'I HI YOHANES 2:24

Panyo belemiu anu sansangga'atannyo i Tiatira madi' nontuluti pangajalan anu ma'idek aijo', ka' madi' monggulu'i to panga-pangatahuan nu Ibilis. Aku notataemo tukoongku, Aku madi' montuangi hi belemiu kolonon anu mompatikoboati.