2 KORINTUS 13:7 - KITAB NU TUMPU ALLA LELE MA'IMAI'

⁷ Kami balado'a hi Tumpu da Ia mongka'oho' montulungi komiu da madi'mo mombau kasala'an. Misa' mongka'oho' mompotoa au'aitu kami aiya memang pande na mompojalan palentah, panyo da komiu mombau apaa na anu nukahanda'i nu Tumpu – mau mule' otoa kami madi' moko ala mombau, madi' mongkuka!

2 KORINTUS 13:7 ပူးပေါင်းရင်းမြစ်များ

1 TAWARIKH 4:10

Panyo i Yabes binalado'amo hi Tumpu Allah anu osombah nu mian Israel, ia notatae “O Tumpu Allah, balakatiakon mae de timbali na aku ka' podaka'akon mae na da'erah-ngKu. Jagaiakon mae na aku, ka' pojo'onakon mae na balaa' da aku madi' sansala.” Ka' anu pinoitanyomo aijo', tinalimamo nu Tumpu Allah.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

YOHANES 17:15

Madi' Ku poita da kita Tuuma mongala aha i dunia aiya, panyo Ku poita da kita Tuuma mompimpaliakon aha i Anu Ma'idek.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

ROMA 12:17

De mian mombau idek hi beleyum, boli obalosi nu ka'idekan. Obau na anu o'oa'i ma'ima' hi mian iwi-iwi'.

ROMA 13:13

Kita tionyo mombau anu ko adatnyo sumo anu biasanyo obau sinaa; boli mompopodaka' bau-bauon moliu-liumo anu madi' opoko ala obaunto, kabai malangu. Boli masala', kabai kalakuan anu madi' ko atulannyo. Boli mahantuda' kabai pusa na kinyonyoa.

ROMA 16:10

Salan do'angku hi Apeles. Tinoamo na bukuti'nyo ia tulu-tulutan hondo hi Kristus. Salan do'angku suele hi sampoto utusan i Aristobulus,

1 KORINTUS 11:19

Memang konamo na ko poga'a-ga'atan itina' hi komiu da otoaje saidi' mae ihehe na mian Kristen anu totu-totu'u.

2 KORINTUS 10:10

Mian notatae, “Sulat i Paulus haha aijo' talalo hondo mapohos ka' o'adati hondo, panyo de posi ia na aiya hi kita, butongnyo mangkuyu ka' potataenyo madi' ko alati'nyo apa-apaa!”

2 KORINTUS 10:18

Kalana mian anu opuji' aitumo mian anu nu puji' nu Tumpu, misa' mian anu mosi puji' butongnyo.

2 KORINTUS 13:6

Ku poita na komiu da monsumbu' taalu' kami misa' mian anu madi' moko ala montahan ponguji'.

2 KORINTUS 13:8

Kalana kami madi' noko ala nombau apa-apaa anu mompahasala' tiba anu sahondo-hondonyo; kami tionyo mombatuki anu totu'u.

2 KORINTUS 13:9

Kami sanang de kami madi' moko ala mombau apa-apaa, ka' komiu na mahoson. Kami mule' balado'a da komiu timbali ganap.

2 KORINTUS 6:4

Panyo ola ahi' i uno nu iwi-iwi' na han, kami mompotoa saba' kami te to posa-posaihon nu Tumpu. Kalana sagala lupa na kasansala'an anu ingoa'an sinabaanakonmo mami:

2 KORINTUS 8:21

Kami mongka'oho' mokalaja hodi-hodi' misa' ola i ahop nu Tumpu, panyo mule' suele i ahop nu mian.

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

1 TIMOTIUS 2:2

kona hi to tomu-tomundo ka' kona hi iwi-iwi' mian anu montoongi kakuasa'an. Poita da kantumuu'anto sanang ka' aman na palesaya hi Tumpu i uno nu kalakuan anu pantas.

2 TIMOTIUS 2:15

Tionyo ahi' beleyum bala usaha totu-totu'u da nu akui nu Tumpu sumo mian anu pantas na mokalaja hi Ia. Bala usaha da beleyum madi' ma'ambang na molakukan pakalaja'anum, panyo o'ajanakon ahi' na aja-ajalan anu totu'u lengkat mae hi Tumpu Allah.

2 TIMOTIUS 4:18

Memang Tumpu na montulungi mae aku i iwi-iwi na usaha anu ma'idek da madi' mae mongkona aku. Ia momboaje aku i uno nu ka'ada'an salamat hi Kalaja'an-Nyo i Suluga'. Tionyo Ia saja' opopodaka' sampe toka sidu-sidutu'! Amin.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.