2 KORINTUS 13:5 - KITAB NU TUMPU ALLA LELE MA'IMAI'

⁵ Soba posi uji' na butong miu pa' totu-totu'u komiu tumuu' kalana palesaya hi Kristus! Tantu osumbu'je miu taalu' i Kristus Yesus daagi' itina' hi komiu! – sangalasan na hannyo de memang komiu madi' totu-totu'u palesaya.

2 KORINTUS 13:5 ပူးပေါင်းရင်းမြစ်များ

MAZMUR 119:59

Pinotutugakonkumo na kalakuanku ka' balajanji'mo montuluti atulan nu Belento.

MAZMUR 17:3

De Belento monguji' kinyonyoangku ka' de pihi na toka mae mompalesa aku, tantu osumbu'je nu Belento na aku memang ahi' sahondo-hondonyo na kinyonyoangku; potataengku madi' sala' sumomo ahi' pikilanku.

MAZMUR 26:2

Selidiki mae na aku, o Tumpu, ka' uji' mae na aku, palesamo mae na anu ku kahanda'i tiba pikilanku.

YEREMIA 6:30

Aha osanggohimo salaka anu o alinmo kalana Aku, Tumpu, nongalinmo aha.”

MOHAANGI 3:40

Sahanyo oselidikinto na kantumuu'anto, ka' pobalikmo hi Tumpu Allah i suluga'. Imbo'mo da kita momposadia kinyonyoa ka' balado'a

YEHEZKIEL 18:28

Ia nongakuimo kasala'annyo ipalabuatannyo anu ihukuhakonmo lantas madi'mo sola' mombau dosa'. Tiba jalan anu sumo aijo' ia madi'mo silaka, panyo tataapmo tumuu'.

HAGAI 1:5

Soba palahatikan na ka'ada'an nu belemiu!

HAGAI 1:7

Ma'isa sinumbu' nu belemiu kadaka' han aijo' jinadimo?

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 15:4

Tataap mosa'angu' tiba aku, ka' Aku mule' tataap mosa'angu' tiba komiu. Posi panga' madi' moko pimbua', beilako' de ia tataap i kau'nyo. Sumo aitumo na komiu moko ala mimbua', de saja' mosa'angu' tiba Aku.

YOHANES 17:23

Aku tiba aha, ka' kita Tuuma tiba Aku, da aha totu-totu'u sa'a-sa'angu'. Sahingga dunia monsumbu' taalu' kita Tuuma na nonsai mae Aku, ka' taalu' kita Tuuma mongkalibosi aha, sumo kita Tuuma mongkalibosi Aku.

YOHANES 17:26

Aku nompoto'imo sanggo nu kita Tuuma hi aha; ka' saja' Kubau sumo aitu, da liibos nu kita Tuuma hi beleng-Ku tataap i uno nu kinyonyoa nu aha, ka' Aku mosa'angu' tiba aha.”

YOHANES 6:56

Mian anu mongkaan butong-Ku ka' monginum baso'-Ku tataap mosa'angu' tiba Aku, ka' Aku tiba ia.

YOHANES 6:6

Sinumbu'mo i Yesus apaa na anu ka'oho' Nubau, panyo Ia notatae sumo aijo' kalana Ia mongka'oho' monguji' i Filipus.)

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

ROMA 8:10

Panyo de i Kristus tumuu' i uno nu butongum, saba' mau mule' butongum mate kalana dosa', panyo Roh nu Tumpu mombee'i kantumuu'an hi beleyum, kalana pompahasumbu'anum tiba Tumpu na'ima'mo.

1 KORINTUS 11:28

Jadi batu-batu mian tionyo mompalesa pe'e butongnyo, atina'je ka' ia timbali mongkaan roti ka' monginum anggur aijo'.

1 KORINTUS 11:31

Panyo de kita mompalesa pe'e butongto momona, kita madi' nu hukum nu Tumpu.

1 KORINTUS 3:16

Osumbu' nu kita Utus, saba' komiu Laigan nu Tumpu? Ka' saba' Roh nu Tumpu jojoong i uno nu butong miu?

1 KORINTUS 6:15

To Utu-utus nonsumbu'mo saba' butong miu nosa'angu'mo hi butong i Kristus. Jadi, pa' timbali na aku mongala sambagian butong i Kristus, lantas opotimbali na sambagian butong nu samian masala'? Madi' hondo-hondonyo!

1 KORINTUS 6:19

Tionyo ahi' osumbu' miu saba' butong miu kajojoongan nu Roh nu Tumpu. Roh aijo' jojoong i uno nu butong miu. Ka' posi Tumpu na nombee' Roh aijo' hi komiu. Butong nu kita Utus, misa' kita na tumpunyo. Aijo' Tumpu na tumpunyo.

1 KORINTUS 6:2

Te madi' osumbu' miu, mian anu palesayamo hi Tumpu na momputusi dunia aiya? Jadi, de memang komiu na momputusi dunia aiya, te komiu madi' moko ala mongulus to pala-palakala nu nu putusi nu mian kopian anu madi' ko alati'nyo?

1 KORINTUS 9:24

Kita Utus tantu monsumbu' saba' i uno nu pailomban mopadeka', iwi-iwi' na mian mopadeka', panyo ola samian na mohumpak tambonyo. Mokonyo aijo' popadeka'mo hoso-hoson sahingga kita Utus mohumpak tambonyo.

1 KORINTUS 9:27

Kubee' na butongku opogulu' totu-totu'u, sahingga aku monsumbu' hondo-hondo. Kubau sumo aijo', kalana aku madi' mongka'oho' boli-boli salatan aku mongende mian sangga'at da mombatuki bakutanding pailomba aijo', yo aitu aku na madi' ahi' opobee' pailomba.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

GALATIA 4:19

To ana-anakku anu ku kanonongi! Uuka aiya aku po'ule' mule' nongoa'i sansala kalana komiu. Aku mongoa'i sansala sumomo samian na tina nu anak anu mongoa'imo sansala tempo'nyo mohampeakonmo anak. Aku saja' mongoa'i sansala, de sipat-sipat i Kristus ma'isa minsoop hi butong miu!

GALATIA 6:4

Batu-batu mian mosi palesa ahi' butongnyo pa' kalakuannyo ma'ima' kabai madi'. De ma'ima', ia timbali mongoa'i sanang i han aijo'. Panyo madi' timbali ia mompokakanakon tiba apaa na anu nubau nu mian sangga'at.

EFESUS 3:17

Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan.

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

KOLOSE 2:19

sahingga madi'mo daagi' mintoong hi Kristus anu tinimbalimo kapala. I uno nu pongatunan i Kristus, songko-songko na butong opotuu', ka' oposa'angu' nu to losu-losuannyo, ka' tumuu' mombatuki pongka'oho' nu Tumpu.

KOLOSE 2:7

ka' mimbakatmo hi Ia. Tionyo ahi' komiu tumuu'mo hi Kristus salaku bau kahosonan. Tionyo ahi' komiu mompaka palesayamo hi Kristus, susumo apaa na ingajanakonmo hi komiu. Ka' tionyo ahi' kinyonyoa miu saja' montaloakon talima kase.

1 TIMOTIUS 2:15

Mau mule' sumo aijo', boune salamat na mohampeakon anak, asan ia ta'aluk na kinyonyoa tataap palesaya hi Kristus ka' tataap mongkalibosi mian sangga'at ka' tumuu' samata-mata kalana kapentingan nu Tumpu.

2 TIMOTIUS 3:8

Susumo i Yanes ka' i Yambres nongewa' i Musa naipuan mae, sumo aitu mule' na mian haha aijo' mombahakon ajalan anu lengkat mae hi Tumpu. Pikilan nu aha na'idekanmo, ka' palesaya nu aha madi'mo nintuus.

TITUS 1:13

Apaa na anu tinaloakon nu nabi aijo' memang totu'u. Aijo' na sababnyo beleyum tionyo ahi' sabole-bole montewa' aha; da aha tataap mintoong i jalan anu totu'u

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

TITUS 2:2

Opokinde'i na mian to momo'ane anu langkai'mo, da aha boli sampa tagoda nu apa-apaa, pande ka' tumuu' sumo mian anu pantas otabe'i. Aha tionyo ahi' suele montoongi pangajalan anu totu'u anu nolengkat mae hi Tumpu, mongkalibosi tala-talakana', ka' sabaan na mongoa'i sansala.

IBRANI 12:15

Obala'ingati da boli ko samian na anu mosabat mompala'imo kalibosan nu Tumpu, da boli ko samian na anu timbalimo sumo hemput anu ko lasungnyo itina' hi komiu, sahingga monsaduakonmo kasusa'an ka' mongideimo mian da'isan nu lasungnyo.

IBRANI 4:1

Yo, janji' nu Tumpu daagi' ahi' sabole-bole opake, ka' kita mohumpakje pingkainan anu jinanji'nyomo. Jadi, sabole-bole ahi' obala'ingati da boli ko samian anu itina' hi komiu na madi' mohumpak pingkainan anu jinanji'nyomo aijo'.

IBRANI 6:8

Panyo de tano' aijo' mohasinakon to pada-padang ka' anu tumuu' kohii'nyo, saba' tano' aijo' madi' ko gunanyo ka' saidi' mae nu kutukimo nu Tumpu ka' ahennyo opapui sampe mingkot.

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?

1 PETRUS 5:9

O'ewa na ia nu iman anu totu-totu'u, kalana sinumbu'mo nu belemiu to Utu-utus sangko Kristen sangga'at i songko-songko na dunia singkona nongoa'imo kasansala'an sumo komiu.

ANU PINOTO'I HI YOHANES 2:5

Kalana aijo' o inau', sangkeheng na komiu talalomo nanabu'! Balatobatmo i to dosa-dosa' miu, ka' obau na anu binaumo miu imoonanyo. De madi' saba' Aku tokamo mae hi belemiu, ka' mombubut tengke nu sulu' miu aijo' i tampatnyo.