2 KORINTUS 12:9 - KITAB NU TUMPU ALLA LELE MA'IMAI'

⁹ Panyo Tumpu nontaami, “Aku mongkalibosi beleyum ka' aijo' sukupmo hi beleyum; kalana kuasang-Ku na anu talalo mahoson de beleyum mongoa'imo madi' mahoson.” Mokonyo aijo' aku lebe sanang na mombuulakon anu madi' ku poko ala, kalana de aku madi'mo mahoson, saba' tempo'je ahi' aitu na aku mongoa'i i Kristus monjagai aku nu kahosonan-Nyo.

2 KORINTUS 12:9 ပူးပေါင်းရင်းမြစ်များ

2 TOMU-TOMUNDO' 2:15

Aha lima-limampulu' na nabi anu kiijo' i Yerikho nontoamo ka' notatae, “Kuasa' i Elia nolalinmo hi Elisa!” Aha tinokamo mae hi ia ka' tinolodadupumo i ahopnyo nonsombah ia,

MAZMUR 8:2

O Tumpu, Tumpu mami, kuasa nu Belento talasanggo hondo i dunia songko-songko! Talasanggo hondo na Belento nu lingkudui na kotangkasnyo nu langit

YESAYA 11:2

Kuasa nu Tumpu na mompotiju' ia, mompotimbali ia mingkinyonyoa ma'ima' ka' pande, pande na montantukan kaputusan ka' mompojalan kaputusan monsumbu' anu nukahanda'i nu Tumpu Allah ka' tulu-tulutan hondo hi Ia.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

ZEFANYA 3:17

Belemiu nu jagai nu Tumpu, Tumpu nu belemiu baani ka' talasanggo. Belemiu inguntungmo na nahampate kalana kuasa-Nyo. Tumpu ilame'mo ka' mule' binilahimo kalana belemiu, kalana kalibosan-Nyo binee'an-Nyomo na belemiu kantumuu'an anu bu'ou.

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

LUKAS 21:15

Akuje na mombee' hi beleyum potatae tiba kapandean aijo', sahingga madi' ko samian pe'e hi anu sampo bali' miu moko ewa kabai motunde apaa na anu otaloakon miu.

1 KORINTUS 10:13

Batu-batu soba'an anu o'oa'i nu kita Utus, atina' soba'an anu saja'mo o'oa'i nu mian. Panyo Tumpu tataap i pala janjian-Nyo. Ia madi' mompojohok kita Utus osobai molingkudui anu opoko ala obau miu. Tempo'nyo kita Utus nukona nu soba'an, Ia mombee'i jalan hi komiu da mahoson, da kita Utus moko ala montahan.

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

1 KORINTUS 2:3

Tempo'nyo aku tinokamo hi komiu, aku ilundengmo ka' ilakatmo nu buhuk.

1 KORINTUS 2:5

Kubau sumo aijo' da palesaya miu hi Kristus madi' mimpu'u i kapandean nu mian, panyo mimpu'u i kuasa nu Tumpu.

2 KORINTUS 11:30

Yoh de aku sabole-bole mombuulakon apa-apaa, saba' aku mombuulakonmo hahan anu madi' ku poko ala ku bau.

2 KORINTUS 12:1

Memang madi' ko untungnyo na mombuulakon. Panyo aku mongka'oho' ahi' mombuulakon hahan anu pinoto'imo nu Tumpu Allah hi belengku, anu pinoto'i kabai anu pinotoa.

2 KORINTUS 12:10

Jadi, lame' na aku i han anu madi' ku poko ala. Aku mule' lame' de kalana i Kristus aku lewa' opobau-bau, aku nonta'up kasusa'an, pinotoitumputan ka' aku nongoa'i kasusa'an madi'mo nahoson. Kalana de aku madi'mo moko ala saba' i kiijo'je na tempo'nyo aku mongoa'imo mahoson.

2 KORINTUS 12:15

Kalana aijo' sanang na kinyonyoangku halala' mongkulubanakon iwi-iwi' bau kapalaluan miu, aitu pe'e sagalamo butongku. De aku sumo aijo' mongkalibosi komiu, pa' patut na komiu madi' talalo mongkalibosi aku?

2 KORINTUS 12:5

Mongkona mian aijo' na anu ka'oho' ku buulakon misa' posi butongku. Mongkona butongku, ola hahan anu mompotoa kakulanganku aijo' na ka'oho' ku buulakon.

EFESUS 3:16

Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo.

FILIPI 4:13

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.

KOLOSE 1:11

O'amalakon da kuasa anu lengkat mae hi Tumpu anu talasanggo, komiu opohoson, sahingga komiu moko ala sabaan na mongoa'i sansala i han iwi-iwi', ka' sabaan ka' sanang na kinyonyoa

1 TIMOTIUS 1:14

Ka' aku pinaka bee'an mule' balakat nu Tumpunto. Ia nombee'imo aku da moko ala palesaya hi Ia ka' mongkalibosi sangko manusia. Da moko ala sumo aijo' binee'mo hi kita iwi-iwi' anu nosa'angu'mo tiba i Kristus Yesus.

IBRANI 11:34

nompateimo apu anu daka' na moaknyo, madi' pinoko ala tinabas nu bajak. Aha madi' mahoson, panyo tinimbalimo nahoson; aha baani na mahampate sahingga nompatundu'mo suludadu nu bansa anu i salipu'an.

IBRANI 4:16

Kalana aijo' imbo' na kita babaani na mangadap hi Tumpu Allah anu ma'ima' hondo na mompalentah. Tumpu mongkalibosije kita ka' mombalakati kita da kita nu tulungi de tokamo na tempo'nyo anu tinantukanmo.

YOSUA 1:9

O inau', Aku nompalentahmo beleyum da beleyum totu-totu'u na kinyonyoa ka' baani! Boli beleyum mabuhuk kabai hente na kinyonyoa, kalana Aku na Tumpu Allah nu beleyum saja' monsangalui beleyum maumo pa' moya na kalambanan nu beleyum.”