2 KORINTUS 12:7 - KITAB NU TUMPU ALLA LELE MA'IMAI'

⁷ Panyo da boli aku talalo buulon kalana saja' montoa anu madi' ko gampanyo aijo', aku binee'anmo sangahan na panyakit i butongku anu binau sumo sala'sa'angu' jalan nu Ibilis. Panyakit aijo' binee' bau pondoke aku, da aku madi' timbali buulon.

2 KORINTUS 12:7 ပူးပေါင်းရင်းမြစ်များ

KAJADIAN 32:25

Salatan ingo'anmo nu mian aijo' taalu' ia madi' untung i pahaluku'an aijo', jinagunnyomo na i Yakub i lampeokannyo aijo' sahingga tinonggoisi'mo na ia.

KAJADIAN 32:31

Salatan sinaa binete'mo, pinala'ianmo i Yakub na Pniel, ka' ia pinengko'mo kalana losuan nu lampeokannyo tinonggoisi'mo.

2 TAWARIKH 26:16

Salatan i Tomundo Uzia dinaka'mo na kakuasaannyo, ia sinombongmo ka' aijo'mo na nonsaduakon sahingga ia sinilakamo. Ia nolanggaimo palentah nu Tumpu Allahnyo kalana nompinsopimo Laigan nu Tumpu ka' nompapuimo kamangian i mezbah i tampat nu kamangian.

2 TAWARIKH 32:31

Ka' tempo'nyo to mia-mian anu sinai mae lengkat i Babel tinoka nompokilawa mosia ka' po'ule' na'alin, kalana ia na'alin aijo' memang okahelani hondo, Tumpu nompojohokmo i Hizkia mosi batanga' da o uji' na kinyonyoanyo.

AYUB 2:6

Jadi, notataemo na Tumpu hi Anu saja' Monggoda, “Yo ii', baumo pa'apaa na anu nuka'ima'i obau hi ia, asan boli nu patei na ia.”

AYUB 2:7

Jadi Anu saja' Monggoda aijo' nambamo pinala'iannyomo na Tumpu, ka' pinokonannyomo na butongnyo i Ayub songko-songko kahomo bela nu kumahut, lengkat pe'e i pala nu tengkenyo tinoka-toka nokiita' i ubaknyo.

YEHEZKIEL 28:24

Tumpu notatae, “Iwi-iwi na lipu' anu mompaha ohani anu madi' toho' nompopo ise' Israel madi'mo daagi' sumo unok tiba hii' anu monsakiti Israel. Aha mangalati'mo taalu' Akumo ahi' na Tumpu Anu Matangkas na Kuasanyo.”

DANIEL 5:20

Panyo salatan ia tinakabunmo ka' madi'mo nohongo pikilan nu mian sangga'at ka' talalomo binuhingison ia pinobelentimo i kalaja'annyo sahingga ia madi'mo tinala sanggo.

HOSEA 2:6

Kalana aijo' ku kulungje na ia i uno nu alas anu ko hii'nyo ka' mompagan jalannyo nu pagan mesen.

NOMBILANGMO 33:55

Panyo de anu jojoong i lipu' aijo' madi' o laa' nu belemiu mian haha aijo' anu sabole-bole jojoong ikiijo' saidi' mae momposusa'mo belemiu sumomo bone' i mata nu belemiu kabai hii' i tengke nu belemiu. Saidi' mae ahamo na mompahampateakon belemiu.

MATIUS 26:67

Lantas aha nontupe'i ohup i Yesus ka' nomboboti Ia. Daagi' mule' ko anu nohapa' Ia,

MATIUS 4:10

I Yesus nontaami, “Lako' na oko anu Monggoda! I uno nu Kitab nu Tumpu tinulis: O sombah na Tumpu, Tumpuum, ka' ola Ia na hongo na palentah-Nyo!”

LUKAS 13:16

Yo, uuka aiya daagi' ko samian na boune lee' i Abraham, anu sampulu'mo uwalu' na taun na kopinnyo pinungu nu Ibilis. Pa' madi' ia olapasakon kiijo' pungu-pungu na ia i sinaa nu Sabat?”

1 KORINTUS 4:11

Sampe tempo' uuka kami mongoa'i susa' i anu okaan tiba susa' i anu o inum; baju' mami me anu i butong; mian monsakisa kami; kami madi' ko kajojoongan tataap:

1 KORINTUS 5:5

komiu tionyo mombee' mian aijo' hi Ibilis da butong nu mian aijo' osilakai, desumo aitu yo santuu'nyo oposalamat de Tumpu po'ule'mo toka.

2 KORINTUS 10:10

Mian notatae, “Sulat i Paulus haha aijo' talalo hondo mapohos ka' o'adati hondo, panyo de posi ia na aiya hi kita, butongnyo mangkuyu ka' potataenyo madi' ko alati'nyo apa-apaa!”

2 KORINTUS 10:5

ka' montumpak to bente-benteng nu kasombongan anu opotinjo bau pongewa kapandean da osumbu' na Tumpu. Ihungku'anmo mami na pikilan nu to mia-mian, ka' mompotimbalimo aha tinundu'mo hi Kristus.

2 KORINTUS 11:20

Ola opojohok miu na mian mombotuani komiu, kabai mongakali ka' mongala ka'untungan hi komiu, kabai mongoa'i butong lebe matangkas molingkudui komiu, ka' baani mohapa' komiu.

2 KORINTUS 12:1

Memang madi' ko untungnyo na mombuulakon. Panyo aku mongka'oho' ahi' mombuulakon hahan anu pinoto'imo nu Tumpu Allah hi belengku, anu pinoto'i kabai anu pinotoa.

GALATIA 4:13

Komiu tantu daagi' monginau' apaa na anu nonsabapimo aku i moonanyo nompolele Lele Ma'ima' aijo' hi komiu. Sababnyo aitumo aku i nasakit.

PO'ULE' INGULIT 17:20

De ia saja' mombasa' saba ia madi' monsangka butongnyo na lebe ma'ima' molingkudui to mia-mian sangko bansanyo, ka' madi' molanggai palentah nu Tumpu mau mule' pa' mosiamo. Lantas ia ka' lee'nyo mompalentahmo bansanyo opotulu-tulunakon.”

PO'ULE' INGULIT 8:14

Ojaga ima-ima' da belemiu boli kobubuun ka' mongkolilimimo Tumpu Allah nu belemiu anu mompobebasmo belemiu lengkat mae i Mesir tampat nu belemiu binotuanan.

1 TIMOTIUS 3:6

Samian na anu montoongi jama'at madi' timbali mian anu sala'je tinimbali Kristen, kalana saidi' mae ia timbalimo kobubuun, lantas okutukimo sumo Ibilis naipuan mae.

TO MIA-MIAN KOPIAN 2:3

Jadi, uuka aiya potombihing! Aku madi' molaa' to mia-mian nu lipu' aiya de belemiu mahampate tiba aha. Aha timbalimo sampobali' nu belemiu, ka' belemiu mohongo-hongomo apaa na anu nupoto'i nu aha, sahingga belemiu monsombahmo suele to pilo-pilogot nu aha.”