2 KORINTUS 12:1 - KITAB NU TUMPU ALLA LELE MA'IMAI'

¹ Memang madi' ko untungnyo na mombuulakon. Panyo aku mongka'oho' ahi' mombuulakon hahan anu pinoto'imo nu Tumpu Allah hi belengku, anu pinoto'i kabai anu pinotoa.

2 KORINTUS 12:1 ပူးပေါင်းရင်းမြစ်များ

YEHEZKIEL 11:24

Hau-haunyo nontoa aijo' Roh nu Tumpu nohangkatmo aku ka' nonsule'akonmo aku namba hi aha mian anu binoamo ka' pinojoongmo kiijo' mae i Babel. Lapas aijo' anu tinoangku aijo' madi'mo ko anu tinoangku.

NOMBILANGMO 12:6

lantas Tumpu notataemo, “Potombihing mae na potataeng-Ku aiya! De daagi' ko anu aiya hi belemiu samian na nabi, Ku potoamo na butong-Ku hi ia da saja' otoa, ka' basisik tiba ia i uno nu ipion.

YOHANES 16:7

Panyo Aku montaloakon anu totu'u hi beleyum: Da bau ka'ima'an nu belemiu, lebe ma'ima' Aku mamba; kalana de Aku madi' mamba, Pontulungi aijo' madi' koko toka hi belemiu. Panyo de aku mambamo kusaije mae na Ia hi beleyum.

YOHANES 18:14

Ka' iamo na nompokinde'i anu mongkuasai Yahudi, tukoonyo lebee ma'ima' samian na mate bau pontokong iwi-iwi' na bansa.

SISIKON NU TO RASUL-RASUL 18:9

Daagi' kino sampahuan, i uno nu anu tinoa, Tumpu notatae hi Paulus, “Boli mabuhuk! Sampamo potatae boli momohokot.

SISIKON NU TO RASUL-RASUL 23:11

Dodododopnyo malom-malom i Tumpu Yesus tinuminjo'mo i sohipi' hi Paulus ka' notatae, “Pohoson na kinyonyoaum! Beleyum nombee'imo katalangan mongkona Aku kiijo' i Yerusalem. Beleyum suele tionyo po'ule' mombee'i katalangan aijo' i Roma.”

1 KORINTUS 10:23

Koonyo nu mian, “Kita timbali mombau mau mule' apaa na okahanda'into.” Totu'u! Panyo madi' iwi-iwi' na oka'oho'to aijo' mingguna. “Kita timbali mombau mau mule' apaa na oka'oho'to” – panyo madi' iwi-iwi' na oka'oho'to aijo' mombangonakon kantumuu'anto.

1 KORINTUS 14:6

De aku bisuannyo toka hi beleyum ka' aku basisik tiba ngangahan nu basa' anu okabangangi, apaa na gunanyo aijo' hi komiu? Madi' ko gunanyo mau pe'e sangkiding! Sangalasan na hannyo de aku mompoto'i apaa na anu tinaloakon nu Tumpu, kabai aku montalangkan apa-apaa mongkona Tumpu, kabai aku mompotokakon lele lengkat mae hi Tumpu, kabai aku mompogulu'.

1 KORINTUS 6:12

Daagi' ko anu notatae tukoonyo toto samian timbali mombau iwi-iwi na apaa. Panyo de hi belengku madi' iwi-iwi'mo mingguna. Jadi mau mule' aku timbali moko ala mombau pa' apaa, panyo aku madi' mongka'oho' mompojohok butongku nukuasai nu apa-apaa.

2 KORINTUS 12:11

Aku totu'u timbalimo sumo mian ponga' – panyo komiumo na nonsaduakon aku tinimbali sumo aijo'. Sabenannyo komiu ahi' na tionyo mompuji' aku. Kalana mau mule' aku madi' ko kaliangannyo apa-apaa, aku madi' hondo-hondo mahungku' hi to “rasul-rasul” anu madi' ko anu mongkakanai aijo'!

2 KORINTUS 12:5

Mongkona mian aijo' na anu ka'oho' ku buulakon misa' posi butongku. Mongkona butongku, ola hahan anu mompotoa kakulanganku aijo' na ka'oho' ku buulakon.

2 KORINTUS 12:7

Panyo da boli aku talalo buulon kalana saja' montoa anu madi' ko gampanyo aijo', aku binee'anmo sangahan na panyakit i butongku anu binau sumo sala'sa'angu' jalan nu Ibilis. Panyakit aijo' binee' bau pondoke aku, da aku madi' timbali buulon.

2 KORINTUS 12:9

Panyo Tumpu nontaami, “Aku mongkalibosi beleyum ka' aijo' sukupmo hi beleyum; kalana kuasang-Ku na anu talalo mahoson de beleyum mongoa'imo madi' mahoson.” Mokonyo aijo' aku lebe sanang na mombuulakon anu madi' ku poko ala, kalana de aku madi'mo mahoson, saba' tempo'je ahi' aitu na aku mongoa'i i Kristus monjagai aku nu kahosonan-Nyo.

2 KORINTUS 8:10

De o'ala i pikilanku, sapantasnyomo na komiu mompodopusmo apaa na tinampu'unanmo miu i taun anu i hikuhakonmo. Kalana komiumo na anu momonanyo nompopikilakon ka' nontampu'uni usaha aiya.

GALATIA 1:12

Aku madi' nontalima lele aijo' lengkat hi manusia, ka' madi' ko samian pe'e na nongajanakon hi belengku. Posi i Yesus Kristus na nontaloakon isinyo nu Lele Ma'ima' aijo' hi belengku.

GALATIA 2:2

Aku namba nokiijo' i Yerusalem kalana Tumpu nompoto'imo hi belengku, tukoonyo aku tionyo mamba. Ka' i uno nu sa'angu' na binagombuan, ola samata-mata to pola-polaya' anu i kiijo' mae, aku nompotalangakonmo Lele Ma'ima' anu pinolelengkumo hi to mia-mian anu misa' Yahudi. Kalana aku madi' mongka'oho' usahangku anu u'utu, mae kabai pe'e anu uuka aiya, ola palasuma.

EFESUS 3:3

Tumpu nontaloakonmo lahasia nu tanga'an-Nyo ka' pinoto'inyomo mae hi belengku. (Mongkona han aiya noko tuliskumo i aita' mae kodo-kodo',

1 TESALONIKA 4:15

Mongkona han aijo', aiyamo na ajalan nu Tumpu anu kahanda' opotokakon mami hi komiu: Salatan i Tumpu Yesus tokamo, misa' kita anu daagi' tumuu' na opopohimonakon lantas to mia-mian anu sinilakamo na imihije.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.