2 KORINTUS 11:9 - KITAB NU TUMPU ALLA LELE MA'IMAI'

⁹ De tempo'nyo aitu aku kinakulanganmo, aku madi' toho' nomposusa' samian pe'e itina' hi komiu. Iwi-iwi' na anu kupalalui tinoukan mae nu to Utu-utus anu tinoka lengkat mae i Makedonia. Pagala pinimpalianku ima-ima' da aku madi' momposusa' komiu i uno nu han mau mule' pa' apaa, ka' saja' kupimpali da sabole-bole sumo aijo'.

2 KORINTUS 11:9 ပူးပေါင်းရင်းမြစ်များ

NEHEMIA 5:15

Iwi-iwi' na gubernur anu nompalentahmo momona ma'isa pe'e aku nompalentah, tinimbalimo tanggungan nu mian da'isan kalana aha montuntut patompulu' na doi salaka, na otalima sansinaa pombayan anu o kaan ka' anggur. Pakalaus mule' to mia-mian anu kopangkat aijo' hi aha suele nonsakisamo mian da'isan. Panyo aku madi' mongka'oho' mombau sumo aijo' kalana aku mabuhuk hi Tumpu Allah.

SISIKON NU TO RASUL-RASUL 18:3

lantas jinojoong i kiijo' tiba aha ka' nokalaja hingga-hinggat aha, kalana bau polio nu aha pokakana tiba i Paulus, aitumo mongka'ut kemah.

SISIKON NU TO RASUL-RASUL 18:5

Salatan i Silas ka' i Timotius tinokamo lengkat mae i Makedonia, i Paulus nonggunaakon iwi-iwi' na kasampatannyo da mompolele lele lengkat mae hi Tumpu toka hi to mia-mian Yahudi tukoonyo i Yesus aijo'mo na Tomundo' anu Momposalamat anu jinanjimo nu Tumpu.

SISIKON NU TO RASUL-RASUL 20:33

Ma'isa toho' aku nongkamilui doi kabai pakean lengkat hi toto samian.

ROMA 15:26

Kalana to jama'-jama'at i Makedonia ka' i Akhaya nonsetujuimo mombee'i pontulungi to Utu-utus anu kasiasi, hi mian anu palesayamo hi Tumpu kiijo' mae i Yerusalem.

1 KORINTUS 16:17

Sanang na aku kalana tinokamo na i Stefanus, i Fortunatus ka' i Akhaikus. Aha sumo-sumomo komiu na tinoka mae hi belengku.

2 KORINTUS 6:4

Panyo ola ahi' i uno nu iwi-iwi' na han, kami mompotoa saba' kami te to posa-posaihon nu Tumpu. Kalana sagala lupa na kasansala'an anu ingoa'an sinabaanakonmo mami:

2 KORINTUS 9:12

Kalana palabuatan anu ma'ima' bibinaumo miu aiya misa' ola da momposukup kakulangan nu mian anu pinalesayamo hi Tumpu, panyo mule' suele mompotuka'mo mian da'isan da montalima kase hi Tumpu.

FILIPI 2:25

Mongkona utusto i Epafroditus anu sinai miu mae da montulungi aku, ku oa'i palalu monsai ia da po'ule' minsusule' hi komiu. Ia nonsangaluimo aku i uno nu kalajangku ka' usahangku.

1 TESALONIKA 2:6

Kami madi' mule' mompagala da mohumpak pompuji' lengkat hi mian – kabai hi komiu kabai hi mian sangga'at. Anu sahondo-hondonyo salaku rasul i Kristus, kami timbali ahi' montuntut apa-apaa lengkat hi komiu.

1 TESALONIKA 2:9

Tantu komiu daagi' tonginau' mosia na kosigonyo na kami bala usaha ka' bakalaja. Sinaa ka' pihi kami mokalaja da kami madi' monsusa'i mau ola samian anu itina' hi komiu, tempo'nyo kami nompolele Lele Ma'ima' anu lengkat mae hi Tumpu aijo' toka hi komiu.

IBRANI 11:37

Aha pinahambunu'akon nu batu sampe sinilaka, daagi' mule' ko anu kinolong nu galagaji, ka' anu pinatean nu bajak. Aha anu namba momoya, ola mibaju' nu kilit nu domba kabai kilit nu mee'; aha kasiasi, okabisa'i, ka' osakisa.