2 KORINTUS 11:23 - KITAB NU TUMPU ALLA LELE MA'IMAI'

²³ To posa-posaihon i Kristus ugaat na aha? De ohongo aku sumo anu i ningkotmo na pikilan, panyo aku memang posaihon anu lebe ma'ima' molingkudui aha iwi-iwi'! Aku mokalaja lebe makeke, aku lebe saja' oposoop i uno nu talungku', aku lebe saja' hondo sinakisa, ka' toto minsan mompai patemo.

2 KORINTUS 11:23 ပူးပေါင်းရင်းမြစ်များ

YEREMIA 36:5

Lapas aijo' pinalentah-ngKumo na ia sumo uuka, “Aku madi'mo pinobee' minsoop i Laigan nu Tumpu.

SISIKON NU TO RASUL-RASUL 14:19

To pia-piangkuka na mian nu Yahudi anu tinoka nokiijo' i Listra lengkat mae i Antiokhia i Pisidia ka' lengkat i Ikonium monsale'i mian da'isan aijo', sahingga mian da'isan aijo' nosambiha'mo hi aha. Aha nompahambunu'akon i Paulus nu batu, lapas aijo' i hela' nu aha na ia nosabat nokiijo' i sambiha' nu kota. Aha nonsangka ia i natemo,

SISIKON NU TO RASUL-RASUL 20:23

Aku ola monsumbu' saba' i toto sa'angu' na kota' Roh nu Tumpu nompoto'imo totu-totu'u hi belengku, tukoonyo saidi' mae o talungku' ka' mongoa'i sansala.

SISIKON NU TO RASUL-RASUL 21:11

Ia tinoka hi kami lantas nongala pombutu' i Paulus. Tiba pombutu' aijo' ia nonsegoti tengke ka' limanyo lantas notatae, “Aiyamo na anu tinaloakon nu Roh nu Tumpu: Tumpunyo nu pombutu' aiya o puuti sumo aiya i Yerusalem nu to mia-mian Yahudi, ka' o bee' hi to mia-mian anu misa' Yahudi.”

SISIKON NU TO RASUL-RASUL 25:14

Salatan aha jinojoong tino pia-pian sinaamo i kiijo', i Festus nontalangkanmo palakala i Paulus hi Tomundo Agripa. I Festus notatae, “Daagi' ko anu uuka aiya samian na anu tinalungku' anu pinala'ianmo i Feliks.

SISIKON NU TO RASUL-RASUL 27:1

Salatan pinutusanmo kami tionyo talabutmo mokiijo' i Italia, i Paulus tiba to pia-piangkuka na mian sangga'at anu tinalungku' binee'mo hi Yulius, kapala nu pasukan suludadu nu Roma anu osanggohi “Pasukan i Kaisar”.

SISIKON NU TO RASUL-RASUL 28:16

Tempo'nyo tinokamo i Roma, i Paulus pinobee'mo jojoong sausa'nyo ka' nujagai nu samian na suludadu.

SISIKON NU TO RASUL-RASUL 28:30

Ohua' na taun na ki no pinnyo i Paulus jinojoong i Roma, i laigan anu pinosi sewanyo. Ia sanang na montalima iwi-iwi' na mian anu toka molenga ia.

SISIKON NU TO RASUL-RASUL 9:16

Ka' Ku potoaje hi ia iwi-iwi' na kasansala'an anu tionyo nu oa'i kalana Aku.”

ROMA 8:36

I Uno nu Kitab nu Tumpu tinulis sumo uuka, “Sansina-sinaa kami tumuu' i uno nu balaa', kapatean kalana Beleyum. Kami obau sumo domba anu okahanda'imo okolot.”

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

1 KORINTUS 3:5

De o'ala i hondonyo, ihe na i Apolos aijo'? Ka' ihe na i Paulus? Kami ola to posa-posaihon nu Tumpu, anu nompotiju'mo hi komiu da palesaya hi Kristus. Kami ola mompojalanakon kalaja anu pinotoong nu Tumpu hi kami toto samian.

1 KORINTUS 4:1

Kami aijo'mo to posa-posaihon i Kristus anu mangaku mompolele tanga'an nu Tumpu anu ma'isa sinumbu' nu dunia.

1 KORINTUS 4:11

Sampe tempo' uuka kami mongoa'i susa' i anu okaan tiba susa' i anu o inum; baju' mami me anu i butong; mian monsakisa kami; kami madi' ko kajojoongan tataap:

1 KORINTUS 4:9

Kalana de mombatuki pikilanku, kami to rasul-rasul pinotimbalimo nu Tumpu sumo anu lewa' otoa i ahop nu mian tiba to mala-malaikat. Kami sumo to mia-mian anu madi' opajuli, anu pinokakanamo hukuman mate i ahop nu mian da'isan ka' sola' ohagai nu dunia.

2 KORINTUS 10:7

Sinsu-sinsumbu'mo ahi' na komiu i han anu sahondo-hondonyo. De toto samian palesayamo tukoonyo, ia anumo i Kristus, yo tutugimo ahi' na posi butong, ka' sinsumbu'mo ahi' saba' kami singkona anumo i Kristus pokakana sumo ia.

2 KORINTUS 11:5

Aku madi' hondo-hondo mongoa'i lebe i aluknyo nu to “rasul-rasul” anu madi' ko anu mongkakanai aijo'!

2 KORINTUS 3:6

Iamo na nompotimbali kami da moko ala timbali posaihon i palajanjian anu bu'ou; palajanjian anu lengkat hi Roh nu Tumpu Allah, misa' anu tuli-tulis i atulan. Kalana anu tuli-tulis aijo' momboa kapatean, panyo Roh nu Tumpu aijo' mombee'i kantumuu'an.

2 KORINTUS 4:11

Kalana de daagi' kami tutuu', kami saja' mongahopi kapatean kalana i Yesus, da kalana aijo' kantumuu'an i Yesus suele timbali oponyata' i butong mami anu ola tumuu' sasaingoni' aiya.

2 KORINTUS 6:9

Kami osanggohi madi' talasanggo, panyo iwi-iwi' mian monsumbu' kami. Kami osangka sinilakamo, panyo nyata' kami daagi' tumuu'. Mau mule' kami osakisa, kami madi' sinilaka.

GALATIA 6:17

Ka' mule' bolimo ko samian pe'e na po'ule' monsusa'i aku, kalana i butongku daagi'mo kinotopia-piangkuka na ko bukuti'nyo na aku nombatukimo i Yesus.

EFESUS 3:1

Mokonyo aijo' aku, i Paulus, tinalungku'mo kalana i Kristus Yesus bau kapentingan kona hi komiu anu misa' Yahudi.

EFESUS 4:1

Aijo' na sababnyo aku – mian anu tinalungku'mo, anu tinalungku'mo kalana nombaumo anu pinalentahkon nu Tumpu – momoita sabole-bole hi belemiu: da kantumuu'anum sumo ahi' mian anu i lagamo nu Tumpu mo'imboa tiba apaa na makisutnyo komiu i lagamo.

EFESUS 6:20

Kalana Lele Ma'ima' aijo', sahingga aku tinimbalimo mian anu sinai, ka' uuka aiya i unomo nu talungku'. Balado'a da aku baani na basisik montaeyakon Lele Ma'ima' aijo' anu sahondo-hondonyo ku taeyakon.

FILIPI 1:13

Ahennyo iwi-iwi' na anu monjagai laigan nu Tomundo tiba to mia-mian sangga'at i kota aiya nonsumbu'mo taalu' aku tinalungku' kalana aku mompojalan apaa na koonyo i Kristus.

FILIPI 2:17

Ugaat aku saidi' mae opateimo ka' baso'ku timbalimo sumo kuluban anu obubusakon i bawo nu anu osombahkon komiu hi Tumpu Allah salaku sa'angu' na tanda saba' komiu pinalesayamo hi Ia. De memang aijo' tionyo sumo aijo', aku montalima kase i han aijo' ka' lame'mo hingga-hinggat tiba komiu.

KOLOSE 1:24

Uuka aku sanang na mongoa'i sansala kalana komiu. Kalana sansala anu ingoa'anmo nu butongku, aku momposampa'mo apaa na anu tionyo daagi' nu oa'i i Kristus kalana jama'at-Nyo, aijo'mo butong-Nyo.

KOLOSE 1:29

Da timbali moko ala montokai han aijo', aku nokalajamo juku-jukut. Aku binala usahamo nu kahosonanku iwi-iwi' anu binee'mo i Kristus hi belengku ka' anu nokalajamo totu-totu'u nu kuasanyo i uno nu butongku.

1 TESALONIKA 3:2

hau-haunyo aijo' kami nonsaimo utusto i Timotius. Ia samian na posaihon nu Tumpu anu bakalaja tiba kami, da mompolele Lele Ma'ima' mongkona i Kristus. Kami nonsai i Timotius hi komiu, da ia mompohosonakon komiu ka' mongkakeha' komiu da lebe palesaya mule' hi Kristus.

1 TIMOTIUS 4:6

De beleyum mongajanakon iwi-iwi' aijo' hi to Utu-utus anu sampo palesaya, beleyum timbalimo posaihon i Kristus Yesus anu ma'i-ma'ima' na mokalaja. Ka' beleyum tionyo ahi' saja' mompokopiani isi nu kinyonyoa nu beleyum nu potatae nu Tumpu Allah anu opalesayanto, ka' mule' to panga-pangajalan anu totu'u, ka' anu tinulutanumo sumo uukamo na kopinnyo.

2 TIMOTIUS 1:16

Panyo aha sa'anakon i Onesiforus noko to pimpi-pimpianmo ahi' na nompolame' kinyonyoangku. O'amalakon da Tumpu timbali mompotoa kalibosan-Nyo hi aha. Mau mule' aku i uno nu talungku', i Onesiforus madi' mongka'ambangakon i kantumuu'anku aiya.

2 TIMOTIUS 1:8

Mokonyo aijo' boli ma'ambang na mombee'i katalangan mongkona Tumpunto, ka' boli mongka'ambangakon aku, anu tinalungku' kalana Ia. Panyo ahi' tionyo beleyum tiba kahosona anu lengkat mae hi Tumpu suele mongoa'i sansala kalana Lele Ma'ima' aijo'.

2 TIMOTIUS 2:9

Kalana mompolele Lele Ma'ima' aijo', nonsaduakonmo aku sinilaka; pinaka mule' i lante' sumo samian anu uesan. Panyo potatae nu Tumpu madi' opoko ala o lante'.

2 TIMOTIUS 3:11

Beleyum nontoamo aku kinabisa'anmo ka' aku sinansalamo. Beleyum nonsumbu'mo iwi-iwi' apaa na anu jinadimo hi butongku i Antiokhia, i Ikonium, ka' i Listra; ka' beleyum nonsumbu'mo iwi-iwi' anu ingoa'ankumo! Panyo Tumpu nomposalamatmo aku i han iwi-iwi' aijo'.

FILEMON 1:9

Panyo kalana aku mongkalibosi kita Utus, aku ola ahi' momoita. Aku aiya samian na tu'anyo ka' uuka aiya hau-haunyo i unomo nu talungku', kalana i Kristus Yesus.

IBRANI 10:34

ka' komiu suele lewa'mo nonginau' kasusa'an nu mian anu tinalungku'mo. Ka' tempo'nyo iwi-iwi' na anu miu ingagoanmo, komiu madi' notambuha', kalana osumbu' miu, daagi' ko apa-apaa anu lebe ma'ima' itina' hi komiu anu montahan sampe toka sidu-sidutu'.