2 KORINTUS 11:20 - KITAB NU TUMPU ALLA LELE MA'IMAI'

²⁰ Ola opojohok miu na mian mombotuani komiu, kabai mongakali ka' mongala ka'untungan hi komiu, kabai mongoa'i butong lebe matangkas molingkudui komiu, ka' baani mohapa' komiu.

2 KORINTUS 11:20 ပူးပေါင်းရင်းမြစ်များ

YESAYA 50:6

Ku bee'mo na tundunku hi mian anu mondokemo mae aku; ka' mule' gagisingku hi mian anu monggautmo jangkutku. Aku madi' mombilokakon ohupku, tempo'nyo aku sola'mo o'alu ka' sola'mo otupe'i

MOHAANGI 3:30

Maumo ohapa' ka' lewa' opobau-bau, iwi-iwi' aijo' otalimanto mo ahi'.

MARKUS 12:40

Aha mongakali to balu-balu ka' mongagoi laigannyo. Ka' de mongkukubi ka'idekan nu aha aijo', aha balado'a manta-mantan. Aha montalimaje hukuman maboat!”

LUKAS 6:29

De nuhapa' nu mian na gagisingum sambiha', pojohok da nuhapa' na gagisingum sambiha' mule'. De juba'um ingagoan, bee' mule' na baju'um.

1 KORINTUS 4:11

Sampe tempo' uuka kami mongoa'i susa' i anu okaan tiba susa' i anu o inum; baju' mami me anu i butong; mian monsakisa kami; kami madi' ko kajojoongan tataap:

2 KORINTUS 1:24

Aku madi' mompakisa komiu, apaa na anu tionyo opalesaya miu, kalana komiu pinalesayamo hondo hi Kristus. Aku ola mokalaja hingga-hinggat ka' komiu da komiu mompaka humpak ka'ima'an.

2 KORINTUS 10:5

ka' montumpak to bente-benteng nu kasombongan anu opotinjo bau pongewa kapandean da osumbu' na Tumpu. Ihungku'anmo mami na pikilan nu to mia-mian, ka' mompotimbalimo aha tinundu'mo hi Kristus.

2 KORINTUS 11:3

Panyo aku bata-bata mamanga pikilanum saidi' mae tagoda madi'mo daagi' tulu-tulutan hi Kristus, pokakana sumo i Hawa u'utu mae suele tinagoda kalana kapandean nu ulo.

2 KORINTUS 12:16

Jadi, komiu situju saba' aku madi' toho' nomposusa' komiu. Panyo daagi' ko anu notatae tukoonyo, aku aiya pangkelo; tukoonyo, aku mohumpak ka'untungan lengkat hi komiu kalana aku pande mongakali.

GALATIA 2:4

maumo daagi' ko to mia-mian anu mompakisa han aijo'. Aha to mia-mian anu minsoop hoko-hokot hi bubuu' kita montiho-tiho sumo utus. Aha minsoop hoko-hokot da mompinasa kabebasan anu daagi' hi kita, kalana kita nosa'angu'mo tiba i Kristus Yesus. Aha mongka'oho' monsule'akon kita i kabebasan anu susumo u'utu mae salaku botuan,

GALATIA 4:25

Jadi, i Hagar aijo'mo Bungkutnyo nu Sinai, i lipu' nu Arab. Ia salaku tanda nu kota Yerusalem tiba iwi-iwi' na anu jojoong, uuka aiya tinimbalimo posaihon.

GALATIA 4:3

Sumo aitumo tiba kita: De kita ma'isa tu'anyo, kita nubotuani nu to roh-roh anu mongkuasai dunia aiya.

GALATIA 4:9

Panyo uuka komiu nonsumbu'mo Tumpu, kabai lebe kona mule', Tumpu nonsumbu'mo komiu. Jadi, kadaka' komiu mongka'oho' mule' minsusule' hi to roh-roh nu dunia aiya anu madi' moko ala mombau apa-apaa ka' kasiasi? Kadaka' komiu mongka'oho' mule' nubotuani nu to roh-roh aijo'?

GALATIA 5:1

Kita uuka aiya binebasmo kalana i Kristus nompobebasmo kita! Kalana aijo' otoongi dodo-dodo na kabebasan miu, ka' bolimo mongka'oho' obotuani mule'.

GALATIA 5:10

Mau pe'e sumo aijo' daagi' kupalesaya na komiu madi'mo ahi' montoongi pikilan sangga'at, kalana kita nosa'angu'mo tiba i Kristus. Ka' kupalesaya totu-totu'u saba' mau mule' pa' ihe na mompokalangkabut pikilan miu, nuhukum nu Tumpu.

GALATIA 6:12

To mia-mian anu mongka'oho' mosi puji' butongnyo i hahan nu dunia, ahamo na mompagala mompakisa komiu da mombatuki atulan nu sunat. Panyo aha mombau sumo aijo' ola da aha madi' osakisa nu mian Yahudi kalana salib i Kristus.

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

1 TESALONIKA 2:5

Posi komiumo na monsumbu' saba' madi' kami motatae anu to tami-tami', kabai mongakali ko kahanda' da momposuluk to nia-niat mangoa. Tumpu na sakisi!