2 KORINTUS 11:12 - KITAB NU TUMPU ALLA LELE MA'IMAI'

¹² Apaa na anu kubau uuka aiya sabole-bole saja' kubau da to “rasul-rasul” sangga'at aijo' madi' ko tanga'an mombuulakon posi butong ka' motatae tukoonyo aha mombau kalaja susumo hi kami.

2 KORINTUS 11:12 ပူးပေါင်းရင်းမြစ်များ

AYUB 23:13

Tumpu Allah aijo' madi' mongabali'; madi' ko anu moko ala mongewa Ia. Ia moko ala mombau apaa na anu Nu ka'ima'imo, ka' nu tuka'mo.

MATIUS 26:16

Imulaan tempo'nyo aijo', i Yudas noliomo tempo' anu ma'ima' da mongkabisa'imo Yesus.

1 KORINTUS 5:6

Madi' pantas na komiu saja' kobubuun. Ugaat komiu nonsumbu'mo ande-andeon aiya, “Ragi mau ola sangkiding de ogalo'akon i labu, labu aijo' mo'insu'!”

1 KORINTUS 9:12

De to mia-mian sangga'at ko hak montaha'imani aiya lengkat hi komiu, te misa' kami ahi na lebe ko hak molingkudui aha? Panyo aku ma'isa monggunakon hak aijo'. Ola ahi' aku lebe mongka'ima'i montanggung iwi-iwi' apaa, asan boli monsaduakon han anu molewot Lele Ma'ima' mongkona i Kristus obebakon.

2 KORINTUS 1:17

Panyo binali'ankumo na tanga'anku aijo'; jadi te aijo' momponyata' au'aitu pikilanku madi' tataap? Tempo'nyo nombau tanga'an, te aku binatanga' mombatuki posi pongka'oho' nu butongku, saidi' motatae, “Ii'” ka' saidi' mule' “Madi'”?

2 KORINTUS 10:17

I uno nu Kitab nu Tumpu tinulismo, “Mian anu mongka'oho' mombuulakon apa-apaa, tionyo ahi' mombuulakon apaa na anu binaumo nu Tumpu.”

2 KORINTUS 11:18

Memang manjoo' na mian anu mombuulakon hahan nu dunia, jadi aku mongka'oho' mombuulakon singkona.

2 KORINTUS 11:9

De tempo'nyo aitu aku kinakulanganmo, aku madi' toho' nomposusa' samian pe'e itina' hi komiu. Iwi-iwi' na anu kupalalui tinoukan mae nu to Utu-utus anu tinoka lengkat mae i Makedonia. Pagala pinimpalianku ima-ima' da aku madi' momposusa' komiu i uno nu han mau mule' pa' apaa, ka' saja' kupimpali da sabole-bole sumo aijo'.

2 KORINTUS 5:12

Ka' aiya kami madi' momoita da komiu mompuji' butong mami. Kami ola mongka'oho' mombee'i sa'angu' na pikilan anu ma'ima' hi komiu da bilahi na kinyonyoa miu hi kami, da komiu monsumbu' mosia na komiu tionyo montaami to mia-mian anu ola mompentingkan ohup nu mian panyo misa' kalakuannyo.

GALATIA 1:7

Sabenannyo madi'mo ko “lele ma'ima' anu sangga'at”. Ola ahi' daagi' ko to mia-mian anu mompolele hi komiu “lele ma'ima'” mongkona i Kristus anu nugeo-geo'akon nu aha sahingga mompobimbangmo komiu.

1 TIMOTIUS 5:14

Aijo' na sababnyo ku kahanda'i da to balu-balu anu ma'isa pe'e bengkele' po'ule' pe'e mo'osoa, mohumpak anak ka' mongulus auwan da sampo bali'to madi' mohumpak kasampatan mongide-idei sanggonto.