2 KORINTUS 11:11 - KITAB NU TUMPU ALLA LELE MA'IMAI'

¹¹ Kadaka' aku motatae sumo aitu? Ugaat kalana aku madi' mongkalibosi komiu? Nu sumbu' nu Tumpu na aku mongkalibosi komiu!

2 KORINTUS 11:11 ပူးပေါင်းရင်းမြစ်များ

MAZMUR 44:21

De maluanyo kami madi'mo monsombah Tumpu, lantas balado'amo hi pilogot sangga'at,

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

SISIKON NU TO RASUL-RASUL 15:8

Ka' Tumpu anu monsumbu' kinyonyoa nu mian nompotiju'mo saba' ia montalima aha; Ia nombee'i Roh nu Tumpu Allah sumo anu binee'-Nyo hi kita suele da mompotiju' han aijo' hi kita.

ROMA 1:9

Aku saja' monginau' komiu de aku balado'a. Tumpu na nonsakisi apaa na anu tinaloakonkumo aijo' memang totu'u. Iamo na Tumpu anu kuku hongo-hongo buke-buke' na kinyonyoangku, aijo'mo mompolele Lele Ma'ima' mongkona Anak-Nyo.

2 KORINTUS 11:10

Anu kukabubulakon aiya madi' opoko kolilimi mau pe'e pa' iyaya mae i lipu' nu Akhaya, kalana pangajalan i Kristus anu totu'u aiya hi belengku.

2 KORINTUS 11:31

Tumpu Tuuma i Tumpu Yesus monsumbu' saba' aku madi' baleko'. Puji' na sanggo-Nyo sampe toka sidu-sidutu'.

2 KORINTUS 12:15

Kalana aijo' sanang na kinyonyoangku halala' mongkulubanakon iwi-iwi' bau kapalaluan miu, aitu pe'e sagalamo butongku. De aku sumo aijo' mongkalibosi komiu, pa' patut na komiu madi' talalo mongkalibosi aku?

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.

2 KORINTUS 7:3

Kutaloakon sumo aitu misa' da mompisala'i komiu. Kalana sumo anu tinaloakonkumo u'utu mae, kami talalo hondo mongkalibosi komiu, ka' kita mosangalu sidu-sidutu' sampe silaka.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

YOSUA 22:22

“Anu Daka' na kuasanyo aijo'mo Tumpu! Nu sumbu' kadaka' kami nombaumo sumo aiya, da belemiu suele monsumbu' apaa na anu okahanda'i mami! De kami mombau anu sumo aijo' ko kahanda' madi'mo mohongo-hongo Tumpu, kabai kalana kami madi'mo palesaya hi Ia, bakasmo da kami silakamo uuka aiya!

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.