2 KORINTUS 11:10 - KITAB NU TUMPU ALLA LELE MA'IMAI'

¹⁰ Anu kukabubulakon aiya madi' opoko kolilimi mau pe'e pa' iyaya mae i lipu' nu Akhaya, kalana pangajalan i Kristus anu totu'u aiya hi belengku.

2 KORINTUS 11:10 ပူးပေါင်းရင်းမြစ်များ

SISIKON NU TO RASUL-RASUL 18:12

Salatan i Galio tinimbalimo gubernur nu Akhaya, to mia-mian Yahudi nosa'angu'mo mongewa i Paulus ka' nomboamo ia mokiijo' hi anu momputusi.

SISIKON NU TO RASUL-RASUL 18:27

Lapas aitu i Apolos batanga'mo mamba mokiijo' i Akhaya. Sahingga to mia-mian anu palesaya hi Yesus anu i kiijo' i Efesus nontulis sulat toka hi to utu-utus anu palesaya kiijo' i Akhaya da aha mongka'oho' montalima i Apolos. Ka' tempo'nyo i Apolos tinokamo i Akhaya, ia nontulungi' aijo' kino gunanyo hondo hi to mia-mian, anu kalana balakat nu Tumpu pinalesayamo hi Yesus.

ROMA 1:9

Aku saja' monginau' komiu de aku balado'a. Tumpu na nonsakisi apaa na anu tinaloakonkumo aijo' memang totu'u. Iamo na Tumpu anu kuku hongo-hongo buke-buke' na kinyonyoangku, aijo'mo mompolele Lele Ma'ima' mongkona Anak-Nyo.

ROMA 16:5

Potokakon suele na salan do'angku hi jama'at anu saja' toka sihuk i laigan nu aha. Salan do'a hi Epenetus anu ku kukalibosi. Iamo na mian anu momonanyo pinalesaya hi Kristus i da'erah nu Asia.

ROMA 9:1

Apaa na anu kutaloakon aiya memang totu'u, kalana aku i Kristusmo na tumpunyo. Aku madi' baleko'. Kinyonyoangku anu pinotiju'mo nu Roh nu Tumpu mompohoson pikilanku, memang potataengku aiya totu'u.

1 KORINTUS 16:15

Kita Utus tantu monsumbu' i Stefanus ka' aha sa'anakan; aha na momonanyo tinimbali Kristen i Akhaya. Buke-buke' na kinyonyoa nu aha nokalaja samata-mata mongatun mian anu palesayamo hi Tumpu Allah.

2 KORINTUS 1:1

To Utu-utus jama'at nu Tumpu i Korintus tiba iwi-iwi' mian anu palesayamo hi Tumpu songko-songko i Akhaya. Aku, i Paulus, rasul i Kristus Yesus, anu i hangkatmo kalana pongka'oho' nu Tumpu hingga-hinggat tiba Utusto i Timotius,

2 KORINTUS 1:23

Tumpu na sakisingku – kalana nusumbu' na isi nu kinyonyoangku – kadaka' aku madi' sida mamba i Korintus, kalana aku madi' mongka'oho' kinyonyoa miu molibos.

2 KORINTUS 10:15

Kami madi' mompuji' posi butong mami i pokalajan nu mian sangga'at anu daagi' i sambiha'nyo nu batas anu tiniju'mo nu Tumpu Allah hi kami. Ola ahi' kami tataap i batas-batas anu tiniju'mo nu Tumpu hi kami ka' montaha'imani da komiu mompaka palesaya hi Kristus, da kami timbali mombau kalaja anu lebe daka' hi komiu.

2 KORINTUS 11:12

Apaa na anu kubau uuka aiya sabole-bole saja' kubau da to “rasul-rasul” sangga'at aijo' madi' ko tanga'an mombuulakon posi butong ka' motatae tukoonyo aha mombau kalaja susumo hi kami.

2 KORINTUS 11:31

Tumpu Tuuma i Tumpu Yesus monsumbu' saba' aku madi' baleko'. Puji' na sanggo-Nyo sampe toka sidu-sidutu'.

2 KORINTUS 12:19

Kugantang komiu monsangka kami sumo uukamo na kopinnyo na binala usaha mompototu'u butong i ahop miu? Komiu madi' monsumbu' hondo! Tumpu monsumbu' saba' iwi-iwi' na anu tinaloakonmo mami aijo' mombatuki pongka'oho' i Kristus. Ka' iwi-iwi' na anu binaumo mami aijo', mombee'i pikilan da kapalesaya'an miu ko pintu-pintuangnyo.

2 KORINTUS 9:2

Kusumbu' komiu mongka'oho' montulungi, ka' aku nombuulakonmo komiu hi to mia-mian i Makedonia. Tinaloakonkumo hi aha tukoongku lengkat pe'e i taun anu i hikuhakonmo, to Utu-utus i Akhaya nontoukaimo bau pontulungi. Ka' kasanangan nu kinyonyoa miu pinontihoanmo nu sambagian mian da'isan kiijo' hi aha.

GALATIA 1:20

Apaa na anu tinuliskumo aiya totu'u. Tumpu na monsumbu' saba' aku aiya madi' ahi' baleko'!

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

1 TESALONIKA 2:10

Kami tumuu' susi', totu'u ka' madi' ko kasala'an hi komiu anu pinalesayamo hi Kristus. Komiumo na to saki-sakisi mami, ka' suele mule' Tumpu.

1 TESALONIKA 2:5

Posi komiumo na monsumbu' saba' madi' kami motatae anu to tami-tami', kabai mongakali ko kahanda' da momposuluk to nia-niat mangoa. Tumpu na sakisi!

1 TIMOTIUS 2:7

Ka' aijo'mo na sababnyo aku pinokau namba hi to mia-mian anu misa' Yahudi da mompolele hi aha lele mongkona kapalesaya'an anu totu'u. Anu pinotoingkumo aiya, memang totu'u, aku madi' baleko'.