2 KORINTUS 11:1 - KITAB NU TUMPU ALLA LELE MA'IMAI'

¹ Situjui mae na aku da mimbau-bau momoho' ponga' sangkiding. Tantu timbali?

2 KORINTUS 11:1 ပူးပေါင်းရင်းမြစ်များ

2 TOMU-TOMUNDO' 5:3

Daagi' kino sansinaan notatae na posaihon aijo' hi kajojoongannyo, “O Pontina'on, de ituan mamba singkabot tiba nabi anu jojoong kiijo' mae i Samaria nabi aijo' mompo'alin panyakit i tuan;”

NOMBILANGMO 11:29

Tinaaman i Musa, “Kadaka' Beleyum mompopikilakonmo aku? La ahi' aku montaha'imani da Tumpu mombee'i Roh-Nyo hi iwi-iwi' bansa-Nyo, ka' mompojadi aha iwi-iwi' timbali nabi!”

MATIUS 17:17

I Yesus nontaami, “Palias na komiu aiya! Komiu totu-totu'u to mia-mian anu palangues ka' madi' palesaya. Piangkuka na kopinnyo na Aku tionyo jojoong tiba komiu ka' monsabaanakon komiu? Boamae na anak aijo'!”

SISIKON NU TO RASUL-RASUL 18:14

Salatan i Paulus kahanda'mo montaami, i Galio notataemo hi to mia-mian Yahudi, “O, to mia-mian Yahudi! De anu pongkalaakan aiya sa'angu' na kasala'an kabai sa'angu' na ka'idekan, memang konanyomo na aku sabaan na mohongo komiu mongkalak aiya.

SISIKON NU TO RASUL-RASUL 26:29

“I uno nu tempo' anu sasaingoni' kabai i uno nu tempo' anu pin,” tinaaman i Paulus, “aku balado'a hi Tumpu da kita Tomundo' tiba to Tuan-tuan iwi-iwi' anu nohongomo aku sinaa aiya timbali sumo aku – ola ahi' pinompungu, na boli!”

1 KORINTUS 1:21

Kalana mau mule' mosiamo na kapandean nu mian, ia madi' moko ala monsumbu' Tumpu de ola posi kapandeannyo. Panyo kalana Tumpu pande, sahingga Ia situjumo momposalamat to mia-mian anu palesaya hi Ia kalana lele anu opolele mami, anu kokoonyo nu dunia palasuma.

1 KORINTUS 3:18

Boli kosamian pe'e mosi akali butongnyo. De daagi' ko mian itina' hi komiu mongoa'i butongnyo pande sumo kokoonyo nu dunia aiya, mian aijo' tionyo timbali pe'e ponga', da ia totu-totu'u timbali pande.

1 KORINTUS 4:10

Kalana i Kristus, kamimo na mian anu ponga', ka' komiu mian Kristen na pande! Kami madi' moko ala mombau apa-apaa, komiu mahoson! Kami o'alu, ka' komiu na opopodaka'!

1 KORINTUS 4:8

Memang komiu madi'mo daagi' mompalalui apa-apaa! Komiu kinayamo! Komiu tinimbalimo tomundo! Ka' kami madi'. Palias na ko'ima'nyo de komiu totu-totu'u tinimbalimo tomundo, da kami timbali mompalentah hingga-hinggat tiba komiu.

2 KORINTUS 11:19

Komiu sanang na kinyonyoa monsabaanakon mian anu ponga', kalana komiu mongoa'i butong miu aijo' pande!

2 KORINTUS 11:21

Aku ma'ambang na mangaku au'aitu kami talalo mabuhuk na mombau anu sumo aijo'. Panyo apaa na anu nu kabaaniakon ka' okabubuulakon nu mian sangga'at, aku suele baani! (Aku motatae sumo mian ponga'.)

2 KORINTUS 11:4

Kalana lupanyo komiu ola sanang na montalima mian anu toka hi komiu ka' mompogulu' mongkona Yesus sangga'at – misa' i Yesus anu pipinoto'i mami hi komiu. Ka' komiu mongka'oho' mule' montalima roh ka' “lele ma'ima'” anu mompahasala' hondo tiba Roh nu Tumpu ka' Lele Ma'ima' anu toho'mo tinalima miu hi kami.

2 KORINTUS 12:11

Aku totu'u timbalimo sumo mian ponga' – panyo komiumo na nonsaduakon aku tinimbali sumo aijo'. Sabenannyo komiu ahi' na tionyo mompuji' aku. Kalana mau mule' aku madi' ko kaliangannyo apa-apaa, aku madi' hondo-hondo mahungku' hi to “rasul-rasul” anu madi' ko anu mongkakanai aijo'!

2 KORINTUS 5:13

De kami memang otoa notutuangmo, aijo' kalana mombau kapentingan nu Tumpu. Ka' de kami otoa sinsumbu', aijo' kalana mombau kapentingan miu.

IBRANI 5:2

Imam Daka' aijo' manjoo' na anu madi' nupoko ala nu bau, ka' kalana aijo' ia tionyo ahi' mingkalakuan manonong hi to mia-mian anu madi' ko anu nu pisumbu-sumbu' ka' anu sinala'mo na jalannyo.

YOSUA 7:7

I Yosua notataemo hi Tumpu, “O Tumpu Allah Tumpungku! Te mosia na tanga'an nu belento nomboa mae kami tinoka mae i santoa nu Yordan aiya? Pa' obee'mo na kami hi aha mian nu Amori? Da kami matemo? Sahanyo kami jinojoongmo kiijo' mae, i santoa nu Yordan!