2 KORINTUS 10:8 - KITAB NU TUMPU ALLA LELE MA'IMAI'

⁸ Aku madi' ma'ambang de aku talalo mombuulakon kakuasa'an anu binee'mo nu Tumpu hi kami, kalana kakuasa'an aijo' binee' mae da mombangonakon komiu misa' da mongidei.

2 KORINTUS 10:8 ပူးပေါင်းရင်းမြစ်များ

2 KORINTUS 1:24

Aku madi' mompakisa komiu, apaa na anu tionyo opalesaya miu, kalana komiu pinalesayamo hondo hi Kristus. Aku ola mokalaja hingga-hinggat ka' komiu da komiu mompaka humpak ka'ima'an.

2 KORINTUS 10:4

Posadiaon toongon anu opake mami i uno nu usaha mami misa' posadiaon toongon nu dunia aiya, panyo posadiaon toongon nu Tumpu Allah, anu matangkas na kuasa-Nyo. Tiba posadiaon toongon haha aijo' kami monggalisi to bente-benteng; pompedas mami de kami painggagamo,

2 KORINTUS 10:9

Aku madi' mongka'oho' komiu mongoa'i au'aitu aku mompopobuhuk komiu nu sulatku haha aiya.

2 KORINTUS 12:19

Kugantang komiu monsangka kami sumo uukamo na kopinnyo na binala usaha mompototu'u butong i ahop miu? Komiu madi' monsumbu' hondo! Tumpu monsumbu' saba' iwi-iwi' na anu tinaloakonmo mami aijo' mombatuki pongka'oho' i Kristus. Ka' iwi-iwi' na anu binaumo mami aijo', mombee'i pikilan da kapalesaya'an miu ko pintu-pintuangnyo.

2 KORINTUS 12:6

Bisuannyo aku ka'oho' suele mombuulakon apa-apaa, aku madi' mongka'oho' bau kalubatannyo nu anu madi' totu'u; anu totu'u na ku taloakon. Panyo aku momohokot, da madi' ko mian anu monsangka aku molingkudui apaa na anu tinoanyomo binaungku kabai anu i hongonyomo tinaloakonku.

2 KORINTUS 13:10

Mokonyo aijo' aku nontulismo sulat aiya tempo'nyo aku ma'isa itina' hi komiu. Desumo aijo', de aku tokamo saidi' mae, madi'mo pilenje mapohos na aku mompalentah komiu mompake kakuasa'an anu binee' nu Tumpu hi belengku. Kakuasa'an aijo' binee' da pombangonakon komiu, misa' da bau pohansuni.

2 KORINTUS 13:8

Kalana kami madi' noko ala nombau apa-apaa anu mompahasala' tiba anu sahondo-hondonyo; kami tionyo mombatuki anu totu'u.

2 KORINTUS 7:14

Aku memang nombuulakonmo komiu hi ia. Talima kaseh komiu madi' nongambangi aku. Iwi-iwi' na anu toho'mo tinaloakon mami hi komiu totu'u. Sumo aijo' mule' apaa na anu binuulakonmo mami mongkona komiu hi Titus memang ahi' totu'u.

2 KORINTUS 7:4

Kupalesaya totu-totu'u na komiu. Ka' mule' kami sanang hondo hi komiu! Mau mule' kami mongoa'i manjoo' na kasusa'an, molumu hondo na kinyonyoangku kalana komiu. Kinyonyoangku bilahi hondo!

GALATIA 1:1

To Utu-utus jama-jama'at i da'erah Galatia, Aku, i Paulus, ka' iwi-iwi' moto utus Kristen anu tiba aku, montaha'imani ka' o amalakon da Tumpu Tuumanto ka' Tumpu Yesus Kristus mombee'i balakat ka'ima'an hi komiu. Aku tinimbali rasul misa' ola pongka'oho' nu manusia kabai kalana i hangkat nu manusia, panyo i Yesus Kristus ka' Tumpu Allah Tuumanto anu nompo'ule'mo nompotumuu' Ia sinilaka.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.