2 KORINTUS 10:5 - KITAB NU TUMPU ALLA LELE MA'IMAI'

⁵ ka' montumpak to bente-benteng nu kasombongan anu opotinjo bau pongewa kapandean da osumbu' na Tumpu. Ihungku'anmo mami na pikilan nu to mia-mian, ka' mompotimbalimo aha tinundu'mo hi Kristus.

2 KORINTUS 10:5 ပူးပေါင်းရင်းမြစ်များ

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

2 TOMU-TOMUNDO' 19:22

Beleyum nonsumbu'mo pa' ihe na inguda-udahanmo ka' pinopoambangmo nu beleyum aijo'? Akumo na Tumpu Allah nu Israel, Tumpu Allah anu Susi'! Kobubuun hondo na langkas nu beleyum hi belengku.

2 TOMU-TOMUNDO' 19:28

Ku sumbu' na beleyum pinusamo hondo hi belengku, ka' i hongong-Kumo na beleyum talalomo kinobubu. Uuka aiya Ku pokonaimo kait i sung nu beleyum ka' tambang i nganga' nu beleyum da ku hela' na beleyum minsusule' po'ule' montulu jalan anu tinuluanmo mae nu beleyum.”

AYUB 42:6

Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

MAZMUR 10:4

Mian anu baladosa' madi'mo mompajuli Tumpu kalana ia talalo sombong sahingga koonyo madi' ko Tumpu.

MAZMUR 139:2

Belento na monsumbu'mo iwi-iwi' apaa na anu binaungkumo; maumo majo'on na Belento panyo monsumbu' pikilanku.

MAZMUR 18:27

Kona hi mian anu susi', butong nu Belento suele nu poto'i ahi' susi', panyo anu ma'idek na kinyonyoanyo suele ahi' nuka'ideki nu Belento.

MAZMUR 18:44

Belento nompobebasmo aku da madi' nupoposia nu aha sa'anakan anu palaganta, ka' nompotimbalimo aku mongkuasai to bansa-bansa; bansa anu madi' ku sumbu' tinimbalimo posaihonku.

NOSABATMO 5:2

“Ihe na Tumpu aijo'?” pinokilawa i tomundo. “Kadaka' aku montapalimo Ia ka' mompobee'mo bansa Israel mamba? Aku madi' monsumbu' Tumpu aijo' ka' mian nu Israel madi' ku pobee' mamba.”

AMSAL 15:26

Tumpu mongka'ideki tanga'an anu ma'idek; panyo potatae anu ma'ima' momposanang kinyonyoa-Nyo.

AMSAL 24:9

Batu-batu tanga'an nu mian anu ponga' aijo' dosa'. Mian anu saja' mongalu mian sangga'at, madi'nu ka'ima'i nu mian maumo pa' ihe.

YESAYA 2:17

Mian anu buulon opopo ambangmo ka' mule' mian anu lewa' montige-tige opota'alukmo. Ola-olamo ahi' Tumpu na anu opopodaka'.

YESAYA 55:7

Tionyo ahi' mian anu ma'idek na gau'nyo mombabali'i kantumuu'annyo, ka' mombali'i pikilannyo. Sahanyo ahi' ia minsusule' mae hi Tumpu, da mohumpak pangasihan-Nyo. Tionyo ahi' ia po ule' mae toka hi Tumpunto, kalana Tumpu mongampuni nu kinyonyoa anu ma'ima.

YESAYA 59:7

Belemiu saja' balatanga' mombau anu ma'idek ka' gagalan sampa obau. Madi' bata-bata na belemiu mompatei mian anu madi' ko sala'nyo. Mau moya na belemiu mamba, belemiu mompala'i anu singkapmo ma'idek tiba kasilaka'an.

YESAYA 60:14

To ana-anak anu nonsakisa beleyum tokamo tolodadupu monsombah, beleyum, anu toho'mo nongalu beleyum ta'alukmo, beleyum osanggohimo ‘Kota' nu Tumpu’, ‘Sion, Kota' nu Tumpu Israel anu Susi'.’

YEREMIA 23:29

Potataeng-Ku sumo apu, ka' mule' sumo pombaan anu mohansuni batu!

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

YEHEZKIEL 17:24

Iwi-iwi' na kau' anu daagi' ilipu' nu mian saidi' mae mangalati'je taalu' Akumo ahi' na Tumpu. Kau' anu matangkas Ku taa'mo; kau' anu hede' Ku potumuu'mo da matangkas hondo. Kau' anu tumuu' molunou Ku pomanggasmo hondo-hondo; ka' mule' kau' anu nanggasmo Ku potumuu'imo sumpenyo ka' bunganyo. Aku, Tumpu, notataemo, iwi-iwi' na potataeng-Ku saidi' mae tionyo ahi' jadi.”

DANIEL 4:37

Jadi uuka aiya aku i Nebukadnezar mompuji'mo, mompopodaka'mo katalasanggoan nu Tomundo' nu Suluga'. Iwi-iwi' na anu binau-Nyomo totu'u ka' mule' adin ka' moko ala mompota'aluk mian anu kalakuannyo takabun.

MATIUS 15:19

Kalana lengkat i uno nu kinyonyoa lubat na pikilan-pikilan anu ma'idek, anu monsabapi mian mompatei, masala' mombau anu moko mahenyu, montomang, mombee'i sakisi baleko', ka' mompitana'akon.

LUKAS 1:51

Tiba lima-Nyo maho-mahoson Ia momposungkehet mian anu ko bubuun, ka' mongidei tanga'an nu aha.

ROMA 1:21

Mian monsumbu' Tumpu, panyo mian madi' mongadati Ia salaku Tumpu ka' madi' mule' montalima kaseh hi Ia. Ola mule' ahi' mian mompotutugakon anu mamisa-misa'; kinyonyoa nu aha pinintungmo.

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 16:26

Panyo uuka aiya, kalana palentah nu Tumpu anu madi' ko kamingkotannyo, tanga'an aijo' pinonyata'mo ka' binebakonmo hi iwi-iwi' na bansa, han aijo' tinoa hi anu tinulismo nu to nabi-nabi, da aha iwi-iwi' palesaya ka' mohongo-hongo hi Tumpu Allah.

ROMA 7:23

panyo aku tinonginau' tukoongku i uno nu butongku daagi' suele ko atulan sangga'at anu montoongi kuasa – aijo'mo atulan anu madi' mo'imboa tiba atulan anu nutalima nu pikilanku. Mokonyo aijo' aku tinonsegot i atulan nu dosa' anu nontoongi kuasa i uno nu butongku.

1 KORINTUS 1:19

Kalana i uno nu Kitab nu Tumpu, Tumpu notataemo, “Kapandean nu mian pande Ku potambuntala'mo ka' anu nusumbu' nu to mia-mian anu ko ilimu' Ku ideimo.”

1 KORINTUS 3:19

Kalana anu osangka pande nu dunia, aijo' ponga' de Tumpu Allah na montoa. I uno nu Kitab nu Tumpu tinulismo, “Tumpu Allah mohakop to mia-mian pande i kapandean nu aha.”

2 KORINTUS 11:20

Ola opojohok miu na mian mombotuani komiu, kabai mongakali ka' mongala ka'untungan hi komiu, kabai mongoa'i butong lebe matangkas molingkudui komiu, ka' baani mohapa' komiu.

2 KORINTUS 9:13

Ka' kanonongan anu pinotoamo miu aijo' manjoo' na mian Kristen i Yudea nompuji'mo Tumpu kalana aha nontoamo komiu mohongo-hongo hondo Lele Ma'ima' mongkona i Kristus anu nu nu tuluti miu aijo'. Aha singkona nompuji'mo Tumpu kalana komiu talalo manonong, nombagi-bagiakonmo hi aha ka' hi iwi-iwi' na mian sangga'at apaa na anu daagi' hi belemiu.

PO'ULE' INGULIT 15:9

Sabole-bole oposaboni na ia, ka' boli bau sabab tukooyum taun anu ponghapusanmo samaya' ohanimo. Boli obau na pikilan anu ma'idek susumo aijo' minsoop i kinyonyoa nu belemiu. De madi' mongka'oho' momposabon, mian aijo' motataemo hi Tumpu mongkalak belemiu, sahingga belemiu opoto'i sinala'mo.

FILIPI 4:7

Sahingga ka'ima'an anu lengkat mae hi Tumpu, anu madi' opoko ala osumbu' nu mian, monjagaije kinyonyoa ka' pikilan miu anu nosa'angu'mo tiba i Kristus Yesus.

2 TESALONIKA 2:4

Kobubuunmo hondo na ia mongewa ka' mompuji' posi butongnyo molingkudui iwi-iwi' anu nu sombah nu mian, kabai iwi-iwi' na pilogot anu nu anggapmo nu mian Tumpumo nu aha. Pakalaus ia sumuhang i uno nu Laigan nu Tumpu, ka' mompoto'i tukoonyo iamo na Tumpu.

2 TESALONIKA 2:8

atina'je ka' kantoan na Mian anu Ma'idek aijo'. Saba' de Tumpu Yesus tokamo Iaje na mompatei Mian anu Ma'idek aijo' nu napas-Nyo anu lengkat mae i nganga'nyo, ka' mompateimo nu kalonyingkabannyo salaku tandanyo Ia tokamo.

IBRANI 4:12

Potatae nu Tumpu aijo'mo na potatae anu tumuu' ka' mahoson; molingkudui tajom nu bajak anu ko matanyo ohua'. Potatae aijo' monsusuk toka-toka i kinyonyoa ka' santuu'; toka-toka i to losu-losuan ka' touak na buku, sahingga monsumbu' totu-totu'u pikilan ka' tanga'an nu mian.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.