2 KORINTUS 10:3 - KITAB NU TUMPU ALLA LELE MA'IMAI'

³ Kami memang daagi' tutuu' i uno nu dunia, panyo kami madi' mombau apa-apaa de ola kalana kapentingan nu dunia.

2 KORINTUS 10:3 ပူးပေါင်းရင်းမြစ်များ

ROMA 7:5

Kalana, u'utu mae kita tumuu' mombatuki sipat-sipat nu mian. Tempo'nyo aitu anu okamilui monsaduakon da baladosa', anu lubat mae kalana ko atulan nu agama na montoongi kuasa i uno nu butongto. Mokonyo aijo' kita mombau anu mongahenakon kapatean.

ROMA 8:13

Kalana de komiu tumuu' mombatuki sipat nu mian, saba' komiu ola mate; panyo de kuasa nu Roh nu Tumpu, komiu saja' mompatei apa-apaa na anu obau, anu moko baladosa', atina'je yo komiu tumuu'.

ROMA 8:4

Binau nu Tumpu sumo aijo' da pongka'oho'-Nyo anu pinoto'inyo i atulan nu agama Yahudi aijo' timbali ojalanakon i uno nu butong anu tumuu' mombatuki pongka'oho' nu Roh nu Tumpu Allah, ka' misa' mombatuki sipat nu mian.

2 KORINTUS 1:17

Panyo binali'ankumo na tanga'anku aijo'; jadi te aijo' momponyata' au'aitu pikilanku madi' tataap? Tempo'nyo nombau tanga'an, te aku binatanga' mombatuki posi pongka'oho' nu butongku, saidi' motatae, “Ii'” ka' saidi' mule' “Madi'”?

2 KORINTUS 10:4

Posadiaon toongon anu opake mami i uno nu usaha mami misa' posadiaon toongon nu dunia aiya, panyo posadiaon toongon nu Tumpu Allah, anu matangkas na kuasa-Nyo. Tiba posadiaon toongon haha aijo' kami monggalisi to bente-benteng; pompedas mami de kami painggagamo,

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

1 TIMOTIUS 1:18

Timotius, anakku! Kalaja aiya kupalesayakonmo hi beleyum, monginau' daagi' ko potuunon nu Tumpu anu pinotokakonmo nu to nabi-nabi i uno nu jama'at mongkona butong nu beleyum. Tionyo ahi' potuunon aijo' timbali bau mantu nu beleyum i uno nu usaha anu ma'ima'.

2 TIMOTIUS 4:7

Aku nombatukimo palalomba'an totu-totu'u ka' nontokaimo katokaan i pupuusnyo. Aku tataap tulu-tulutan hi Kristus sampe toka i aha ahenannyo.

IBRANI 12:1

Yo de hi kita, manjoo' hondo aiya hi kita na sakisi! Kalana aijo', imbo' da o'alintomo iwi-iwi' na anu mompiboati ka' dosa' anu saja' maningkampit hi kita. Ka' imbo' na kita da sabaan na mombatuki baku lebee anu aiyamo i ahopto.