2 KORINTUS 10:18 - KITAB NU TUMPU ALLA LELE MA'IMAI'

¹⁸ Kalana mian anu opuji' aitumo mian anu nu puji' nu Tumpu, misa' mian anu mosi puji' butongnyo.

2 KORINTUS 10:18 ပူးပေါင်းရင်းမြစ်များ

AMSAL 12:8

Mian opuji' sitimbang tiba kapandeannyo; mian o alu sitimbang tiba kaponga'annyo.

AMSAL 21:2

Batu-batu palabuatan nu mian, de ia na mosi oa'i tantu koonyo aijo' maima', panyo Tumpu na anu monsumbu' isi nu kinyonyoanyo.

AMSAL 27:2

Boli mosi puji' posi butong; nu beleyum pojohok mian sangga'at je na mombau han anu sumo aijo', ka' mule' mian anu madi' nu sumbu'.

LUKAS 16:15

Panyo i Yesus notatae hi aha, “Komiumo na mian de i ahop nu san-samianan otoa totu'u, panyo Tumpu monsumbu' isi nu kinyonyoaum. Kalana apaa na anu osangka matangkas nu mian, nutoa nu Tumpu heede'.

YOHANES 12:43

Aha lebee mongka'ima'i nu puji' nu mian molingkudui pongangga'i nu Tumpu.

SISIKON NU TO RASUL-RASUL 2:22

To Utu-utus mian nu Israel! Hongo apaa na anu ku taloakon aiya: I Yesus mian nu Nazaret aijo' binee'anmo kalaja nu Tumpu Allah bau kapentingan nu kita utus. Aijo' nyata' hondo i anu okabangangi ka' hahan anu daka', apaa na anu binau nu Tumpu i totonga' miu hi Yesus aijo'. Iwi-iwi' aijo' posi kita utus nonsumbu'mo.

ROMA 14:18

Mian anu mohongo-hongo apaa na anu pinalentahkonmo i Kristus susumo aijo', mian aijo' momposanangmo kinyonyoa nu Tumpu, ka' nu angga'i nu to mia-mian sangga'at.

ROMA 16:10

Salan do'angku hi Apeles. Tinoamo na bukuti'nyo ia tulu-tulutan hondo hi Kristus. Salan do'angku suele hi sampoto utusan i Aristobulus,

ROMA 2:29

Panyo sabenannyo ahi', samian anu totu-totu'u Yahudi aijo'mo mian anu mingkinyonyoa Yahudi, ka' anu totu-totu'u sinunat, aijo'mo sunat i uno nu kinyonyoa anu binau nu Roh nu Tumpu, misa' anu tinulis i uno nu kitab. Mian anu sumo aijo' mohumpak pompuji' lengkat hi Tumpu, misa' lengkat hi mian.

1 KORINTUS 11:19

Memang konamo na ko poga'a-ga'atan itina' hi komiu da otoaje saidi' mae ihehe na mian Kristen anu totu-totu'u.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

2 KORINTUS 10:12

Memang ahi' kami madi' baani na momposukatakon kabai montampatakon butong mami pokakana tiba to mia-mian anu mongoa'i butongnyo pande hondo. Ponga' hondo na aha! Aha mosi bau sukatan ka' mosi angga'i butongnyo nu sukatan aijo'.

2 KORINTUS 13:7

Kami balado'a hi Tumpu da Ia mongka'oho' montulungi komiu da madi'mo mombau kasala'an. Misa' mongka'oho' mompotoa au'aitu kami aiya memang pande na mompojalan palentah, panyo da komiu mombau apaa na anu nukahanda'i nu Tumpu – mau mule' otoa kami madi' moko ala mombau, madi' mongkuka!

2 KORINTUS 3:1

Pa' aiya otoa au'aitu kami daagi' mompuji' butong kami? Kabai o kami palalu mombau sulat pompuji' komiu, kabai lengkat hi komiu, susumo anu nubau nu to mia-mian sangga'at?

2 KORINTUS 5:12

Ka' aiya kami madi' momoita da komiu mompuji' butong mami. Kami ola mongka'oho' mombee'i sa'angu' na pikilan anu ma'ima' hi komiu da bilahi na kinyonyoa miu hi kami, da komiu monsumbu' mosia na komiu tionyo montaami to mia-mian anu ola mompentingkan ohup nu mian panyo misa' kalakuannyo.

2 KORINTUS 6:4

Panyo ola ahi' i uno nu iwi-iwi' na han, kami mompotoa saba' kami te to posa-posaihon nu Tumpu. Kalana sagala lupa na kasansala'an anu ingoa'an sinabaanakonmo mami:

2 TIMOTIUS 2:15

Tionyo ahi' beleyum bala usaha totu-totu'u da nu akui nu Tumpu sumo mian anu pantas na mokalaja hi Ia. Bala usaha da beleyum madi' ma'ambang na molakukan pakalaja'anum, panyo o'ajanakon ahi' na aja-ajalan anu totu'u lengkat mae hi Tumpu Allah.

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.