2 KORINTUS 10:12 - KITAB NU TUMPU ALLA LELE MA'IMAI'

¹² Memang ahi' kami madi' baani na momposukatakon kabai montampatakon butong mami pokakana tiba to mia-mian anu mongoa'i butongnyo pande hondo. Ponga' hondo na aha! Aha mosi bau sukatan ka' mosi angga'i butongnyo nu sukatan aijo'.

2 KORINTUS 10:12 ပူးပေါင်းရင်းမြစ်များ

AMSAL 25:27

Madi' ma'ima' na monginum juu' talalo mo manjoo' sumo aitu mule' madi' ma'ima' de manjoo' na montaeakon mompuji-puji'.

AMSAL 26:12

Mian anu ponga' hondo daagi' lebe ma'ima' nulingkudui na mian anu monsangka butongnyo pande.

AMSAL 27:2

Boli mosi puji' posi butong; nu beleyum pojohok mian sangga'at je na mombau han anu sumo aijo', ka' mule' mian anu madi' nu sumbu'.

LUKAS 18:11

Mian nu Farisi aijo' tinuminjo posi sausa'nyo, ka' binalado'a, ‘O Tumpu, aku mompotoka talima kaseh hi kita, kalana aku madi' sumo sangga'at, mangoa, tageo'kabai masala'. Aku montalima kaseh, kalana aku madi' sumo topo tage hasin aijo'.

ROMA 15:18

Aku baani basisik sumo aijo' ola mongkona apaa na anu binaumo i Kristus hi belengku da mompotimbali to mia-mian anu misa' Yahudi mohongo-hongo Tumpu. Aku nompojalan aijo' tiba potatae, kabai mule' tiba hahan anu binaungkumo,

2 KORINTUS 10:11

Sabenanyo mian anu sumo aijo' sinsumbu' ahi', de kami daagi' aiya hi komiu, pongatun mami memang pokakana sumo apaa na anu tinulismo mami i uno nu sulat mami haha aijo'.

2 KORINTUS 10:18

Kalana mian anu opuji' aitumo mian anu nu puji' nu Tumpu, misa' mian anu mosi puji' butongnyo.

2 KORINTUS 3:1

Pa' aiya otoa au'aitu kami daagi' mompuji' butong kami? Kabai o kami palalu mombau sulat pompuji' komiu, kabai lengkat hi komiu, susumo anu nubau nu to mia-mian sangga'at?

2 KORINTUS 5:12

Ka' aiya kami madi' momoita da komiu mompuji' butong mami. Kami ola mongka'oho' mombee'i sa'angu' na pikilan anu ma'ima' hi komiu da bilahi na kinyonyoa miu hi kami, da komiu monsumbu' mosia na komiu tionyo montaami to mia-mian anu ola mompentingkan ohup nu mian panyo misa' kalakuannyo.