2 KORINTUS 10:1 - KITAB NU TUMPU ALLA LELE MA'IMAI'

¹ Uuka aiya aku i Paulus, monsisikmo apa-apaa hi beleyum. Aku aiya de koonyo nu mian manonong de mompaha ahop tiba komiu, panyo baani de to majo'onanmo. Jadi, kalana kanonongan ka' ka'ima'an nu kinyonyoa i Kristus,

2 KORINTUS 10:1 ပူးပေါင်းရင်းမြစ်များ

MAZMUR 45:4

Potakos na bajak nu beleyum ilampeokan o tomundo' anu baani hondo, belento talalo ahi' talasanggo ka' ma'ima' na otoa!

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

MATIUS 11:29

Batuki na palentang-Ku, ka' balajan pe'e hi beleng-Ku. Sabab Aku aiya madi' bohipusaon, ka' madi' ko kinti-kinti, sahingga komiu tompilawe.

MATIUS 21:5

“Taeakon hi Sion, Tomundo'um tinokamo hi komiu. Ia madi' kotige-tige ka' sinumake' i sa'angu' na keledai, sa'angu' anak nu keledai anu daagi' ise'.”

SISIKON NU TO RASUL-RASUL 8:32

Aiyamo na to aya-ayat anu binasa'nyo aijo', “Ia sumomo domba anu pinungu da o kolot, susumo anak nu domba anu madi' molokak de bulunyo o gunting, sumo aijo'mo na Ia madi' notatae santaa' pe'e.

ROMA 10:20

I Yesaya lebee binaani mule': Ia notatae, “Sumo uuka na koo-Nyo nu Tumpu, ‘To mia-mian anu madi' molio Aku, nonsingkabotimo Aku; ka' Aku nompotoamo butong-Ku hi aha anu madi' moleleki mongkona Aku.’ ”

ROMA 12:1

To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

ROMA 15:15

Panyo mongkona hahan anu natantumo kupokeman hi komiu totu-totu'u i sulat aiya, kalana Tumpu nombee'mo kalaja aiya hi belengku.

1 KORINTUS 2:3

Tempo'nyo aku tinokamo hi komiu, aku ilundengmo ka' ilakatmo nu buhuk.

1 KORINTUS 4:10

Kalana i Kristus, kamimo na mian anu ponga', ka' komiu mian Kristen na pande! Kami madi' moko ala mombau apa-apaa, komiu mahoson! Kami o'alu, ka' komiu na opopodaka'!

1 KORINTUS 4:21

Jadi pile'imo apaa na talalo oka'ima'i miu! Pa' komiu mongka'oho' da aku toka masigo na mompogulu' komiu, kabai aku toka mompogulu' nu kinyonyoa molibos ka' manonong?

2 KORINTUS 10:10

Mian notatae, “Sulat i Paulus haha aijo' talalo hondo mapohos ka' o'adati hondo, panyo de posi ia na aiya hi kita, butongnyo mangkuyu ka' potataenyo madi' ko alati'nyo apa-apaa!”

2 KORINTUS 10:2

kupoita sabole-bole boli monsaduakon aku, sahingga aku masigomo hi komiu de aku tokamo itina'. Kalana aku ko kahanda'mo masigo na mongatun to mia-mian anu nonontaloakonmo tukoonyo kami mokalaja ola kalana kapentingan nu dunia.

2 KORINTUS 10:7

Sinsu-sinsumbu'mo ahi' na komiu i han anu sahondo-hondonyo. De toto samian palesayamo tukoonyo, ia anumo i Kristus, yo tutugimo ahi' na posi butong, ka' sinsumbu'mo ahi' saba' kami singkona anumo i Kristus pokakana sumo ia.

2 KORINTUS 11:21

Aku ma'ambang na mangaku au'aitu kami talalo mabuhuk na mombau anu sumo aijo'. Panyo apaa na anu nu kabaaniakon ka' okabubuulakon nu mian sangga'at, aku suele baani! (Aku motatae sumo mian ponga'.)

2 KORINTUS 11:30

Yoh de aku sabole-bole mombuulakon apa-apaa, saba' aku mombuulakonmo hahan anu madi' ku poko ala ku bau.

2 KORINTUS 12:5

Mongkona mian aijo' na anu ka'oho' ku buulakon misa' posi butongku. Mongkona butongku, ola hahan anu mompotoa kakulanganku aijo' na ka'oho' ku buulakon.

2 KORINTUS 3:12

Kalana kami montaha'imani anu susumo aijo', sahingga kami baani na motatae sumo aijo'.

2 KORINTUS 5:20

Jadi kami to posa-posaihonmo i Kristus. Tumpu na nonsai kami mompotoka potuunon-Nyo. I uno nu sanggo i Kristus sabole-bole opoita mami, da o'ala na taju nu Tumpu anu nompotimbalimo komiu nompo'ule'mo na'ima' tiba Ia.

2 KORINTUS 6:1

Kalana kami mokalaja hingga-hinggat tiba Tumpu, mokonyo aijo' opoita mami sabole-bole boli komiu monsia-siakon ka'ima'an nu kinyonyoa nu Tumpu aijo'.

2 KORINTUS 7:4

Kupalesaya totu-totu'u na komiu. Ka' mule' kami sanang hondo hi komiu! Mau mule' kami mongoa'i manjoo' na kasusa'an, molumu hondo na kinyonyoangku kalana komiu. Kinyonyoangku bilahi hondo!

GALATIA 4:13

Komiu tantu daagi' monginau' apaa na anu nonsabapimo aku i moonanyo nompolele Lele Ma'ima' aijo' hi komiu. Sababnyo aitumo aku i nasakit.

GALATIA 5:2

Jaga, de komiu mompoita da o sunat, aijo' alati'nyo i Kristus madi'mo daagi' ko gunanyo hi komiu. Anu nontaeakon aiya aku, i Paulus.

EFESUS 3:1

Mokonyo aijo' aku, i Paulus, tinalungku'mo kalana i Kristus Yesus bau kapentingan kona hi komiu anu misa' Yahudi.

EFESUS 4:1

Aijo' na sababnyo aku – mian anu tinalungku'mo, anu tinalungku'mo kalana nombaumo anu pinalentahkon nu Tumpu – momoita sabole-bole hi belemiu: da kantumuu'anum sumo ahi' mian anu i lagamo nu Tumpu mo'imboa tiba apaa na makisutnyo komiu i lagamo.

FILIPI 4:5

Opai-pai lio da iwi-iwi' na mian montoa kalakuan ka' kinyonyoa miu manonong. Kalana madi'mo daagi' pin na Tumpu tokamo.

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

2 TESALONIKA 3:17

Salan do'angku i Paulus. Posi aku na nontulis bahagian sangga'at aiya. Aiyamo na tanda anu tinuliskumo iwi-iwi' i sulatku.

FILEMON 1:19

Jadi, akumo na montulis i aiya: Aku, i Paulus mombayalije bau polunasi iwi-iwi'. (Tantu madi'mo palalu ku po'ingat, na kita Utus ko samaya' hi belengku, aijo'mo kantumuu'anum anu bu'ou salaku mian Kristen.)

FILEMON 1:9

Panyo kalana aku mongkalibosi kita Utus, aku ola ahi' momoita. Aku aiya samian na tu'anyo ka' uuka aiya hau-haunyo i unomo nu talungku', kalana i Kristus Yesus.

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.

ANU PINOTO'I HI YOHANES 1:9

Aku i Yohanes, utus miu anu suele sumo belemiu i uno nu kasansala'an salaku mian anu pinalesayamo hi Kristus. Kita tionyo ahi' sabaan na mongoa'i kasansala'an salaku mian, anu Iamo na tumpu-Nyo. Aku ingalin nokiijo' i togong nu Patmos kalana aku nompolelemo potuunon lengkat mae hi Tumpu, anu pinohosonmo na kinyonyoangku nu han anu binaumo i Yesus.