2 KORINTUS 1:3 - KITAB NU TUMPU ALLA LELE MA'IMAI'

³ O puji' na Tumpu, Tuuma nu Tumpunto i Yesus Kristus. Ia Tuuma anu talalo ma'ima' na kinyonyoanyo, ka' Ia Tumpu Allah anu mombee'i kahosonan nu kinyonyoa hi mian.

2 KORINTUS 1:3 ပူးပေါင်းရင်းမြစ်များ

KAJADIAN 14:20

Opuji' na Tumpu Allah Anu Matangkas hondo na kuasanyo anu mombee'mo hi beleyum ka'untungan nompatundu'mo sampobali' nu beleyum.” Lapas aijo' i Abram nombee'imo i Melkisedek, anu sampulu' na bagian, iwi-iwi' na to bala-balang anu binoanyomo mae, sambahagian na binee'nyo hi Melkisedek.

1 TAWARIKH 29:10

I ahop nu mian da'isan, i Tomundo' Daud nompuji'mo Tumpu. Ia notatae “O Tumpu Allah anu nu sombah i Yakub mompolee' mami, o puji' na belento sampe toka sidu-sidutu'!

NEHEMIA 9:5

Aha nonsombahmo Tumpu Allah nu aha i sinaa aitu tinampu'unan nu aha to mia-mian nu aha Lewi aijo'mo: i Yesua, i Kadmiel, i Bani, i Hasabneya, i Serebya, i Hodia, i Sebanya, ka' i Petanya. Aha notataemo: “Tinjomo ka' puji' na Tumpu Allah-nto! Opuji' na Ia sampe toka sidu-sidutu'! Opuji' na sanggo-Nyo anu saja' opopodaka', sanggo anu opalias molingkudui iwi-iwi' na bau pompuji'.”

AYUB 1:21

“Aku ihampeakon ola lima sampulu' sumo aitu mule' na aku de silakamo ola butong hondo-hondo. Tumpu na nombee'mo, Tumpu mule' na mongala. Ku puji' na sanggo-Nyo.”

MAZMUR 18:46

Kabaanian nu aha imadi'anmo; aha i lakatnyomo ka' nosabatmo mae i benteng nu aha.

MAZMUR 68:35

Akuimo na kakuasa'an nu Tumpu anu mongkuasai aha bansa Israel, kuasa-Nyo toka-toka kiita' mae i langit.

MAZMUR 72:19

Opuji' na sanggo-Nyo anu talasanggo sampe toka sidu-sidutu'; o'amalakon da songko-songko na dunia mobuke nu anu mompotalasanggo Ia! Jadimo mae sumo uuka, Amin!

MAZMUR 86:15

Panyo Belento, o, Tumpu, Tumpu anu pangkalibosi ka' manononghondo, sabaan hondo, saja' mongkalibosi, ka' manonong.

MAZMUR 86:5

Belento manonong, o, Tumpu, ka' kahanda' mongampuni, mian anu balado'a hi Belento, saja' nukalibosi nu Belento, nukalibosan anu madi' ko kamingkotannyo.

YESAYA 66:13

Ku hase'je na belemiu i Yerusalem susumo samian na tina anu mohase' anaknyo.

DANIEL 4:34

Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

DANIEL 9:9

Belento saja' nongampuni ka' mule' nongkalibosi mae, maumo kami saja' panggaga hi belento.

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

YOHANES 10:30

Aku tiba Tuuma sa'a-sa'angu'nyomo.”

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

2 KORINTUS 11:31

Tumpu Tuuma i Tumpu Yesus monsumbu' saba' aku madi' baleko'. Puji' na sanggo-Nyo sampe toka sidu-sidutu'.

2 KORINTUS 7:6

Panyo talima kaseh, Tumpu saja' mompohoson kinyonyoa nu mian anu hentemo; Ia nomposanangmo kinyonyoa mami kalana tinokamo na i Titus.

EFESUS 1:17

Aku nongkakasemo da Tumpunto i Yesus Kristus, Tuuma anu opopodaka' mombee'i Roh-Nyo hi komiu. Roh aijo' mompotimbalije belemiu pande, ka' momponyata'je Tumpu hi komiu, sahingga belemiu monsumbu'mo Ia.

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.

FILIPI 2:11

Aha iwi-iwi' mongakuimo taalu' i Yesus Kristusmo na Tumpu; tiba jalan anu sumo aijo' Tumpu Tuumanto opopodaka'mo.

KOLOSE 1:3

Kami nohongomo, tukoonyo komiu pinalesayamo hi Yesus Kristus ka' komiu nongkalibosimo iwi-iwi' mian anu pinalesayamo hi Tumpu Allah. Aijo' na sababnyo tempo'nyo kami nondo'akonmo komiu, kami saja' montaloakon talima kase hi Tumpu, Tuuma Tumpunto hi Yesus Kristus.

1 PETRUS 1:3

Imbo' na kita montalima kase hi Tumpu, Tuuma Tumpunto i Yesus Kristus! Ia talalo mongkalibosi kita, aijo' na pu'unnyo Ia nombee'imo kantumuu'an bu'ou hi kita, aijo'mo i Yesus Kristus sinilaka po'ule'mo pinotumuu'. Aiya mompokeman kita da mahoson na montaha'imani.

2 YOHANES 1:4

Aku lame' hondo na nonsumbu' taalu' daagi' ko to ana-anak nu kita Pontina'on anu tumuu' mombatuki pangajalan nu Tumpu, susumo anu pinalentahkonmo nu Tumpu Tuuma hi kita.

2 YOHANES 1:9

Mian anu madi' montoongi pangajalan i Kristus, ka' ola mule' monggeo-geoakon apaa na ingajanakonmo i Kristus, mian aijo' madi' ko Tumpunyo. Mian anu tataap i uno nu pangajalan i Kristus, alati'nyo daagi'mo ko Tumpu Tuuma ka' mule' Anak.